Luk 12:30 - Ȧŋlemrȧnɛ Ȧfu

³⁰ kotȧy-e tȧbona ta ȧdȧru tə thɛns ɛyɛt ɛye bɛ; kɛrɛ ɔKas ka nu ɔ tȧrȧ kəpa nə yema ɛyɛt ɛye.

Luk 12:30 ပူးပေါင်းရင်းမြစ်များ

Mathiu 10:20

kotȧy-e naŋ tha mǝ fɔf, kɛrɛ ɔYina mǝsǝm ka ɔKas ka nu kɔnɔ mǝ fɔf rokor ka nu.

Mathiu 18:14

Ya pǝ yi sɔ-e, pǝ yi hɛ mȧselɔ ma ɔKas ka nu ɔwe yi ro riyana kȧmȧ ukin ka aŋlɔl aŋe ɔ dinɛ.

Mathiu 5:47

Bepi nǝ kori aŋwɔnt nu gbo-e, ko tȧy tǝfinɔ tȧŋ nǝ yɔ pǝthas alɔm-e? Yaŋ tha tȧbona tǝlɔm mǝ aŋ yɔ sɔ-e?

Mathiu 6:1

Botnɛ nu kȧmȧ nǝ te yɔ mȧlompi ma nu rodi ka aŋfǝm kȧmȧ aŋ nənk nu. Bepi pǝ yi yaŋ-e, nǝ sɔthɔ hɛ ȧrȧm kǝwur ka ɔKas ka nu ɔwe yi ro riyana.

Mathiu 6:32

kotȧy-e ɛyɛt ɛye bɛ-e, yɛ tȧbona tǝlɔm mǝ tǝ thɛns, kɛrɛ ɔKas ka nu ro riyana ɔ tȧrȧ kǝpa nǝ yema ɛyɛt ɛye bɛ.

Mathiu 6:8

Tiyȧŋ te nu yi mɔ ŋaŋ, ȧtesoma-e ɔKas ka nu ɔ tȧrȧ ɛyɛt ɛyɛ nǝ yema yeŋka nǝ yif kɔ.

Luk 12:29

Te nu thɛns ara mə nə di, yi ara mə nə mun, ɔwa te sikɛ ka ɛmerȧ ɛ nu,

Luk 12:31

Kɛrɛ thɛns nu rȧbȧy ra Kuru, ɔwa a tə bȧrȧ nu ɛyɛt ɛye bɛ.

Luk 12:32

Kuthi kəlɔl, te nu nesa; pəkasifɛ pə thesis ɔKas ka nu tə kəsɔŋ nu rȧbȧy.

Yɔn 20:17

Yisɔsȧŋ ɔ pa ro ŋɔŋ, Te gboŋ mi; ȧtesoma-e, i tha ŋat hɛ ka ɔKas: kɔnɛ gbo ka aŋwɔnt a mi, mə pa ro ŋaŋ, I ŋat ka ɔKas kȧmi yi ɔKas ka nu; yi ka ɔKuru kȧmi, yi ɔKuru ka nu.

AŋƐfisɔs 4:17

Ȧtesoma-e i maŋ nu, ɔwa i nɛmthɛnɛ nu ka ȧŋes ŋa ɔMarki kȧmȧ nə te sɔ kɔth mɔ tȧbona təlɔm mə aŋ kɔth, ka ɛmerȧ yaŋ ɛfoth.

1 AŋThɛsȧlonika 4:5

pə yi hɛ ka mafela mələs ma madɛr mɔ akafri aŋa te tȧrȧ Kuru.