45 Ukin ka aŋtara ɛthɔ ɔ lasi ɔ pa, Karmɔkɔ, ma mə fɔf ȧte-e, mə sambos su sɔ.
Ka ukin ka ŋaŋ ɔwe tȧrȧ aŋthɔ ɔ yif kɔ ȧyif kȧmȧ ɔ mɛm kɔ, ɔ pa,
Ka Yisɔs ɔ pa, Naŋ aŋtȧrȧ aŋthɔ, mɔnɛ ro rɔnu sɔ! Ȧtesoma-e nə sɔŋ aŋfəm tothe təlel, kɛrɛ naŋ nə gboŋ hɛ atothe tati, hali rə ȧsəl a nu ŋin.
Mɔnɛ ro rɔnu na aŋtȧrȧ aŋthɔ, ma nə po nɔy aŋsapɔ ŋa kətara tȧy! Nan nə wɔŋ hɛ, ɔwa nə bɛnt ŋaŋ aŋa yema wɔŋ.
Kɛrɛ aŋFarisi yi aŋtara aŋthɔ aŋ pɛnsa tə kəwop ȧmȧŋ ŋa Kuru ta ȧte ŋaŋ, maŋ kasi ȧŋbaftisəm ŋa Yɔn.
Agbəka alɔm thalɔm aŋFarisi aŋ po lanɛ kɔ-i?
Raru rə gbəli hɛ gbɛŋa nu; kɛrɛ rə gbɛŋa mi, pəkasifɛ i gbaki ta ti kəpa mȧyɔs mati mə yi mələs.
AŋFarisi alɔm aŋa təl mɔ mɔ fɔf mȧtȧy ame, aŋ pa ro ŋɔŋ, Saŋ sɔ sə yi afith-i?