35 Tiyȧŋ kəli bepi ȧŋmothȧ aŋa yi mu rokor aŋyi hɛ asum.
ȧŋmothȧ ŋa aŋdɛr aŋ yi rafɔr. Tiyȧŋ bepi rafɔr ra mu rǝ yi rǝtempi-e, rǝ tǝ mothǝr aŋdɛr a mu bɛ.
ȧŋmothȧ ŋa aŋdɛr a mu aŋ yi rafɔr ra mu. Tiyȧŋ bepi rafɔr ra mu rə yi rəfinɔ, aŋdɛr a mu bɛ aŋ la ɔwaŋ; kɛrɛ bepi rə yi rələs-e, aŋdɛr a mu aŋ la asum.
Bepi aŋdɛr a mu aŋla ɔwaŋ-e mə ba hɛ asum hali, mə tə la ɔwaŋ bɛ, mɔ mə amotha aŋ gbɛntha aŋ sɔŋ mu ɔwaŋ.
Mɔ mə aŋ gbək ɛyonka kəpa ŋa atempi-e, aŋ səkɛ apənk,
kotȧy-e ɔwe mə paŋ mȧtȧy ame ɔ yi ufith, ɔ gbəli hɛ nənk ɔbɔli, ɔ pənɛ kəpa a po nasi kɔ kəwur ka ɛhakɛ yɔŋ ɛkur.
kotȧy-e ka kafɔf kəkolonɛ ka ŋaŋ aŋ gbɔns ka mafela ma madɛr, yi ka maləs maŋ tə kəsapəranɛ ŋaŋ aŋa yema po wur ka aŋfɔsɔ ŋa afəm ayɛthȧ.
kotȧy-e mə pa, Min yola, i ba ɛmunafa-e, ɔwa i paŋ hɛ rəka o rəka; kɛrɛ mə tɛ hɛ ti kəpa mun mɔnɛ-o, mun fith-o, mun nɔsinɛ-o, mun tiŋ tal.
