Luk 11:2 - Ȧŋlemrȧnɛ Ȧfu

² kɔ pa ro ŋaŋ, Ma nə ramnɛ-e, pa nu, ƆKas kȧsu ɔwe yi ro riyana, ta ȧŋes a mu aŋ yi asəm. Ta rȧbȧy ra mu rə bek. Ta mȧselɔ ma mu mə yɔnɛ nɔru mɔ mȧ mə yɔnɛ ro riyana.

Luk 11:2 ပူးပေါင်းရင်းမြစ်များ

Mathiu 10:32

Wuni o wuni ɔwe mǝ seri ta ȧta mi rodi ka aŋfǝm, minɛ sɔ i ti seri ta atɔŋ rodi ka ɔKas kȧmi ɔwe yi ro riyana.

Mathiu 3:2

Thupi nu, kotȧy-e rȧbȧy ra ro riyana rǝ po fat.

Mathiu 5:16

Yɔ nu kȧmȧ ȧŋmothȧ a nu aŋ gbɛntha rodi ka aŋfǝm, kȧmȧ aŋ nənk mȧyɔs ma nu mǝfinɔ, ɔwa aŋ yikis ɔKas ka nu ɔwe yi ro riyana.

Luk 11:1

Ka pə re yi ma ɔ bɔ ramnɛ ka ɔdɛr ulɔm, ma ɔ poŋ-e, ukin ka aŋkarande ŋɔŋ ɔ pa ro ŋɔŋ, Mariki thəksa su tə kəramnɛ mɔ mə Yɔnȧŋ ɔ thəksa aŋkarande ŋɔŋ.

AŋRomans 1:7

I gbalər ȧŋbɔthər ŋa Kuru bɛ ro Rom aŋa a muti tə kəyi asəm. Aboŋa yi məthɔfəl ɛ yi ro rɔnu kəwur ka Kuru ɔKas kȧsu yi ɔMarki Yisɔs Krayst.

AŋRomans 8:15

kotȧy-e nə sɔthɔ hɛ sɔ ɛmerȧ ya rətar tə kəkal nesa; kɛrɛ nə sɔthɔ ɛmerȧ ya rəwaŋkom, ɔwa di kati sə pa, Aba, Pa.

1 AŋKɔrenth 1:3

Ta aboŋa yi məthɔfəl ɛ yi ro rɔnu kəwur ka Kuru ɔKas kȧsu, yi ɔMarki Yisɔs Krayst.

2 AŋKɔrenth 1:2

Ta aboŋa yi məthɔfəl mə yi ro nu kəwur ka Kuru ɔKas kȧsu, yi ka ɔMarki Yisɔs Kraystȧŋ.

AŋKȧletia 1:4

ɔwe sɔndnɛ ta ɛhakɛ ɛ su, kȧmȧ ɔ tafi su ka ȧdȧru rələs are, mɔ mə mȧselɔ ma Kuru yi ɔKas kȧsu mə yi;

AŋƐfisɔs 1:2

Ta aboŋa dɛ yi məthɔfəl aŋ yi do rɔnu, kəwur ka Kuru ɔKas kȧsu yi ɔMarki Yisɔs Krayst.

AŋFilipai 1:2

Ta aboŋa yi məthɔfəl mə yi do rɔnu kəwur ka Kuru ɔKas kȧsu, yi ka ɔMarki Yisɔs Krayst.

AŋFilipai 4:20

Ɔwa ka-ake ta ayiki aŋ yi ka Kuru ɔKas kȧsu thȧnkȧŋ o thȧnkȧŋ. Amina.

AŋKɔlɔsi 1:2

ka aŋsəm ŋa Kuru yi aŋwɔnt abɔthi lanɛ ka Krayst ro Kɔlɔsi. Ta aboŋa aŋ yi rɔnu yi məthɔfəl kəwur ka Kuru ɔKas kȧsu yi ɔMarki Yisɔs Kraystȧŋ.

1 AŋThɛsȧlonika 1:1

Pɔl, Silfenɔs yi Timɔthi-əŋ, ka aŋchɔch ro Thɛsalonika aŋa yi ka Kuru ɔKas yi ka ɔMarki kȧsu Yisɔs Kraystȧŋ; ta aboŋa aŋ yi nu kəwur ka Kuru ɔKas kȧsu, yi ka ɔMarki dɛ yi ka Yisɔs Kraystȧŋ.

1 AŋThɛsȧlonika 1:3

Sə kala ȧmerȧ alɔkɔ bɛ ta mapanth ma kȧlanɛ ka nu dɛ yi mȧyɔs ma məbɔthər-e, dɛ yi kamuyu ka kagbak ka nu ȧmerȧ ka ɔMarki kȧsu Yisɔs Krayst, rodi ka Kuru ɔKas kȧsu;

2 AŋThɛsȧlonika 2:16

Ɔwa ka-ake, ɔMarki kȧsu Yisɔs Krayst kɔn kɔnɔnɛ, yi Kuru ɔKas kȧsu ɔwe po bɔthər su, dɛ yi ɔwe sɔŋ su kəbɛfəth dɛ yi kəgbak ȧmerȧ kəthəbana kətȧŋȧnɛ ȧŋboŋa ŋɔŋ,

Kȧŋȧibinɛ 11:15

Ɔmaleka ɔwe bekȧ tȧmthədɛrəŋ ɔ fɛŋ, ka sim təbana tə yi ro riyana ȧtȧ pa, Tabȧy ta ȧdȧru are tə po səkɛ rȧbȧy ra ɔMarki kȧsu, dɛ yi ɔKrayst kɔŋ. Ɔwa kɔnɔ ba kəgbəka thȧnkȧŋ o thȧnkȧŋ.

Kȧŋȧibinɛ 15:4

Kanɛ te ba kənesa dɛ yi kəyikis ȧŋes a mu-e, ɔMariki-e? Pəkasifɛ munɔ son mə yi ɔsəm; kotȧy-e tȧbona bɛ tə tə der kəbatho mu, pəkasifɛ mȧyɔs ma mu məlompi mə po ŋaibinɛ.

Kȧŋȧibinɛ 19:6

Ka i təlȧ mɔ ȧsim ta runiya rəbana, dɛ yi mɔ katɔŋa ka kəthəntha, dɛ yi mɔ sɛŋ təbana, kaŋ pa, Aleluya; pəkasifɛ ɔMarki ɔKuru kȧsu ka afɔsɔ bɛ ɔ po sɔthɔ rȧbȧy.

Kȧŋȧibinɛ 20:4

Ka i nənk təwaŋ ta rȧbȧy, ɔwa a sɔŋ ŋaŋ aŋa yirȧ ri afɔsɔ tə kəthoŋkas; ka i nənk ɛŋesəm ya ŋaŋ aŋa a la gbetha təbomp salata maseri ma Yisɔs yi ta ȧrim ra Kuru, pəkasifɛ aŋ la kasi tə kəbatho ɔsɛm utuy tȧy thalɔm mȧbȧlȧnɛ mɔŋ, kaŋ la pɛnsa sɔ aŋlomar ŋɔŋ ka mabuŋ maŋ, ɔwa aŋ kȧl yi akəli sɔ, kaŋ gbəka dɛ yi Kraystȧŋ təren awul ŋin.