Luk 1:65 - Ȧŋlemrȧnɛ Ȧfu

⁶⁵ Ka rənes rə wop aŋfəm bɛ aŋa yirȧ ɔfati; ka mapa ame bɛ mə gbanthɛnɛ ka ȧŋthɔf ŋa tȧteŋ ŋa ro Yudia bɛ.

Luk 1:65 ပူးပေါင်းရင်းမြစ်များ

Mathiu 2:1

Ɔwa ma a kom Yisɔsȧŋ ro Bɛthlihɛm ȧke ro Yudia ka mȧrey ma Hɛrɔd ɔbay-e, kǝla, afǝm atempi aŋ der ro Yerusalɛm kǝyɛfȧ ro thɔrɔŋ,

Luk 1:39

Ɔwa Merɛŋ ka ȧŋlɔkɔ ŋati ɔ yokanɛ, kɔ kɔnɛ ka ȧŋthɔf ŋa tȧteŋ yi kəgbukɛŋ, rə kəpet ka ro Yuda.

Luk 2:18

Ka aŋfəm bɛ aŋa təl ti-e aŋ kabanɛ ta mȧtȧy ama aŋtɔl aŋ kanɛ ŋa.

Luk 5:26

Ɔwa ŋa bɛ aŋ kabanɛ, aŋ thɔkəs Kuru, ka rənes rə wop ŋa, aŋ pa, Sə po nənk mȧtȧy məkabanɛ thonɔŋ.

Luk 7:16

Ka rənes rə wop aŋfəm bɛ; ɔwa aŋ yikis Kuru, aŋ pa, Unabi ubana ɔ po yokanɛ kətɔŋ kȧsu, ɔwa Kuru ɔ pənɛ hɛ aŋfəm ŋɔŋ.

Mȧyɔs ma aŋsom 19:17

AŋYuda dɛ yi aŋKrik bɛ aŋa yirȧ ro Ɛfisɔs, aŋ tȧrȧ ȧte, ka rənes rə wop ŋa bɛ, ɔwa aŋ bondəs ȧŋes ŋa ɔMarki Yisɔs.

Mȧyɔs ma aŋsom 2:43

Ka rənes rə wop wuni o wuni; ka mȧtȧy məkabanɛ məgbathi yi ɛmisali ɛ yɔnɛ ka mȧta ma aŋsom.

Mȧyɔs ma aŋsom 5:11

Ka rənes rəbana rə der ka aŋchɔch bɛ dɛ yi ka ŋaŋ bɛ aŋa təl mȧtȧy ame.

Mȧyɔs ma aŋsom 5:5

Ɔwa Ananayas-əŋ, kətəl ȧsim ȧte gbo-e, ɔ fumpɔ, ɔ ternɛ, ka rənes rəbana rə fumpər ŋa bɛ aŋa təl ti.

Kȧŋȧibinɛ 11:11

Kɛrɛ kədarəŋ ka mərey məsas ratɔŋ-e, ɔYina ka aŋesəm ŋa Kuru ɔ wɔŋ ŋa, kaŋ təmȧ ka tatək taŋ; ɔwa rənes rəbana rə wop ŋa aŋa nənk ŋa.