Kȧŋȧibinɛ 9:4 - Ȧŋlemrȧnɛ Ȧfu

⁴ Ka a yamari ŋa kȧmȧ aŋ te ləsər akereŋ ka ȧŋthɔf thalɔm ɛyɛt ɛtɛp, thalɔm ŋənt o ŋənt; thambe aŋfəm son aŋa te ba ȧŋmȧthlɛ ŋa Kuru ka mabuŋ maŋ.

Kȧŋȧibinɛ 9:4 ပူးပေါင်းရင်းမြစ်များ

Mathiu 24:24

kotȧy-e aKrayst ayem yi anȧbi ayem aŋ tǝ yokanɛ, aŋ tǝ tɔri ɛmisali ɛbana yi mətȧy mǝkabanɛ, kȧmȧ a yɛthǝs aŋthith ŋa Kuru bepi pǝ fɔi tȧy.

AŋƐfisɔs 4:30

Ɔwa te nu bansəs ɔYina məsəm ka Kuru, ma pə yi a mathlɛ nu do rɔŋɔŋ haŋ ȧŋrey ŋa kabani.

Kȧŋȧibinɛ 14:1

Ka i kəli, ɔwa kəlo, kəLɔmɛ kəfɛth ɔ təmȧ ka kateŋ ka Sayɔŋ, dɛ yi afəm ɛwul kɛmɛ kin təgba tərəŋ yanlɛ aŋ təmȧ yi kɔn, afəm ŋaŋ aŋa ba ȧŋes ŋɔŋ yi ȧŋes ŋa ɔKas kɔŋ ka mabuŋ maŋ.

Kȧŋȧibinɛ 6:6

Ka i təl rim kətɔŋ ka ɛwuka ŋanlɛ rə pa, Athunth ŋin ŋa awit ta asiliŋ-e, dɛ yi kəthunth məsas ka pȧbali ta asiliŋ. Ɔwa te ləsər ȧmȧro thalɔm məwain.

Kȧŋȧibinɛ 7:1

Kədarəŋ ka mȧtȧy ame-e, i nənk amaleka ŋanlɛ aŋ bɔ təmȧ ka ɛkoŋ yanlɛ ya ȧdȧru, tə kəwop ɛfef yanlɛ ya ȧdȧru, kȧmȧ afef o fef aŋ te fɛŋ ka ȧŋthɔf thalɔm ro bȧŋ, ta a pa ras ka ŋənt o ŋənt.

Kȧŋȧibinɛ 8:7

Ɔmaleka utɔtɔkɔ ɔ fɛŋ, ka kɔm kətɔs yi nȧnt nəkulunɛ yi mətir, ɛ thor ka ȧdȧru, ka ȧgbȧp ŋin ŋa ɛgbȧp ɛsas ya ȧdȧru, dɛ yi ȧgbȧp ŋin ŋa ɛgbȧp ɛsas ya yint ɛ fey, ɔwa akereŋ kəŋeseŋ bɛ kə fey.