Kȧŋȧibinɛ 8:7 - Ȧŋlemrȧnɛ Ȧfu

⁷ Ɔmaleka utɔtɔkɔ ɔ fɛŋ, ka kɔm kətɔs yi nȧnt nəkulunɛ yi mətir, ɛ thor ka ȧdȧru, ka ȧgbȧp ŋin ŋa ɛgbȧp ɛsas ya ȧdȧru, dɛ yi ȧgbȧp ŋin ŋa ɛgbȧp ɛsas ya yint ɛ fey, ɔwa akereŋ kəŋeseŋ bɛ kə fey.

Kȧŋȧibinɛ 8:7 ပူးပေါင်းရင်းမြစ်များ

Yeməs 1:11

Ȧtesoma-e ȧney nə bansȧ gbo-e, nə welas ȧkereŋ, yi malɛŋi mati mə tə fumpɔ, yi ɔbɔthi kəli wati ɔ tə dinɛ. Yaŋ hɔ sɔ ɔwuni yola mɔ thas ka asoŋ tɔŋ bɛ.

1 Pitar 1:24

kotȧy-e, Madɛr bɛ mə yi mɔ kereŋ, Ɔwa aŋyiki ŋa wuni kəpet bɛ aŋ yi mɔ malɛŋi ma akereŋ. Akereŋ kə tə wela, yi malɛŋi mati mə tə poŋ.

Kȧŋȧibinɛ 12:4

Ka aŋleŋa ŋɔŋ aŋ liŋ ȧgbȧp ŋin ka ɛgbap ɛsas ya atɔs ta kȧriyana, kɔ fitha ti ka ȧdȧru. Ɔwa ȧŋninkinanka ɔ təmȧ rodi ka ɔwuni bom ma ɔ yi ka kəkom-e, tə kəsɔm ɔwan kɔŋ ka ɔlɛmp ma a po kom kɔ-e.

Kȧŋȧibinɛ 16:2

Ka ɔtɔtɔkɔ ɔ kɔnɛ kɔ kus ȧŋbɔl ŋɔŋ ka ȧdȧru; ɔwa təsam tələs tabaŋ tə wur ka aŋfəm aŋa ba aŋlomar ŋa ɔsɛm utuy tȧy, dɛ yi ka ŋaŋ aŋa bȧtho mȧbȧlȧnɛ mɔŋ.

Kȧŋȧibinɛ 16:21

Ka kɔm kətɔs kəbana kə fumpɔ ka aŋfəm kəwur ka kȧriyana, ɔwa kɔm o kɔm kətɔs kə lela mɔ apaŋ kɛmɛ kin, haŋ aŋfəm aŋ nal Kuru ta aŋfithina ŋa atɔs, ȧtesoma-e aŋfithina ŋati a ninis.

Kȧŋȧibinɛ 6:8

Ka i kəli, ɔwa i nənk ȧsoy ȧferȧ pər; ȧŋes ŋa ɔwe rensa kɔ aŋ yi Rəfi, dɛ yi Kərəfi kə tȧŋ kɔ. Ɔwa a sɔŋ ŋa afɔsɔ rokɔm ka ȧgbȧp ŋin ŋa ɛgbap yanlɛ ya ȧdȧru tə kədif rə agbathɔ yi dor, dɛ yi rəfi, rɛ tȧsɛm abaŋ aŋ ro kanth.

Kȧŋȧibinɛ 7:1

Kədarəŋ ka mȧtȧy ame-e, i nənk amaleka ŋanlɛ aŋ bɔ təmȧ ka ɛkoŋ yanlɛ ya ȧdȧru, tə kəwop ɛfef yanlɛ ya ȧdȧru, kȧmȧ afef o fef aŋ te fɛŋ ka ȧŋthɔf thalɔm ro bȧŋ, ta a pa ras ka ŋənt o ŋənt.

Kȧŋȧibinɛ 9:15

Ɔwa aŋ səli aŋmȧleka ŋanlɛ aŋa a po bɛnɛ ta aŋwakathi yi ta ȧŋrey, yi ta aŋof, yi ta kȧren kati gbeŋ, kȧmȧ aŋ dif ȧgbȧp ŋin ŋa ɛgbap ɛsas ya afəm a kəpet.

Kȧŋȧibinɛ 9:18

Ka ɛyɛt ɛthȧlər ɛsas ɛye a dif ȧgbȧp ŋin ŋa ɛgbap ɛsas ya afəm, pə yi mɔ-e ka nant-e, ka akimɔ-e, dɛ yi ka ȧsɔlfɔ ɛyɛ wur ka tasəŋ taŋ.

Kȧŋȧibinɛ 9:4

Ka a yamari ŋa kȧmȧ aŋ te ləsər akereŋ ka ȧŋthɔf thalɔm ɛyɛt ɛtɛp, thalɔm ŋənt o ŋənt; thambe aŋfəm son aŋa te ba ȧŋmȧthlɛ ŋa Kuru ka mabuŋ maŋ.