Kȧŋȧibinɛ 8:5 - Ȧŋlemrȧnɛ Ȧfu

⁵ Ka ɔmaleka ɔwe ɔ gbasi aŋlaka, kɔ lasər ŋi yi nȧnt na ȧŋbɛsɛ, kɔ kus ni ka ȧdȧru. Ɔwa sim tə wur, yi sɛŋ, yi ɔnakthinɛ ɔbana, ka ȧŋthɔf aŋ tən gbər.

Kȧŋȧibinɛ 8:5 ပူးပေါင်းရင်းမြစ်များ

Mathiu 24:7

Abona aŋ tǝ yokar abona, rǝbai rǝ tǝ yokar rǝbai, dor rǝ tǝ yi, afithina ŋa tǝtu dɛ yi kǝyɛr ka ȧŋthɔf rǝ dɛr ɔgbaskɛ gbaskɛ.

Luk 12:49

I der tə kəfak nȧnt ka ȧdȧru; ɔwa i fela naŋ kȧmȧ nə po mara thɔŋ.

Mȧyɔs ma aŋsom 16:26

Ɔwa ka ɔlɛmp wati ȧŋthɔf aŋ yɛr kəyɛr kəbana haŋ ɔtəma wa ȧŋseth ɔ yiŋkthanɛ. Ka ɔlɛmp wati tadare bɛ tə kanthɛ, ɔwa məsekəranɛ ma wuni o wuni mə səlɛ.

Mȧyɔs ma aŋsom 4:31

Ɔwa maŋ po ramnɛ-e, ɔdɛr ro aŋ thoŋklanɛ dɛr rɔkin-e, pə yiŋkthanɛ ri, kaŋ la ɔYina məsəm, ɔwa aŋ fɔf ȧrim ra Kuru rə kəmintha.

Kȧŋȧibinɛ 11:13

Ka ȧŋlɔkɔ ŋati gbeŋ-e, ȧŋthɔf an tən kətən kəbana, ɔwa ȧgbȧp ŋin ka ɛgbap tɔfɔt ya kȧpet kǝ ləsȧ, ka afəm ɛwul tȧmthədɛrəŋ aŋ fi ka katən kati; ka aŋdɔnkɛ aŋa tiyȧ aŋ nesa, ɔwa aŋ sɔŋ ayiki ka Kuru ka ȧriyana.

Kȧŋȧibinɛ 11:19

Ka a kanthi ȧŋseth ŋa Kuru ro riyana, ka a nənk ri akuma kəsəm ka aŋlemranɛ ŋɔŋ; ɔwa ɔnakthinɛ ɔ yi ri dɛ yi sim, yi sɛŋ, yi kətən, dɛ yi kɔm kətɔs kəbana.

Kȧŋȧibinɛ 4:5

Ɔwa ɔnakthinɛ, dɛ yi sɛŋ, dɛ yi sim tə wur ka kawaŋ ka rȧbȧy, ka təmulɛ tȧmthədɛrəŋ tə mara rodi ka kawaŋ ka rȧbȧy, ȧtȧ yi mɔ ɛyina tȧmthədɛrəŋ ya Kuru Məsaba.

Kȧŋȧibinɛ 6:12

Ka i kəli ma ɔ sim ȧŋmȧthlɛ aŋa bekȧ tamthərukin, ɔwa kəla, kətən kəbana ka ȧŋthɔf kə yi; aret rə biyȧ thi mɔ afɔrɔ akur, dɛ yi aŋof ȧferȧ aŋ yiməra mɔ mətir.

Kȧŋȧibinɛ 8:3

Ka umȧleka ulɔm ɔ der kɔ təmȧ ka ȧŋbɛsɛ, ɔ wop alaŋka ŋa məbɔŋɔ; ɔwa a sɔŋ kɔ agboŋgbo afɔlfɔl agbȧthi kȧmȧ ɔ kulunɛ ŋi yi taramnɛ ta aŋfəm asəm bɛ rokɔm ka ȧŋbɛsɛ ŋa məbɔŋɔ aŋa yi rodi ka kawaŋ ka rȧbȧy.