Kȧŋȧibinɛ 7:2 - Ȧŋlemrȧnɛ Ȧfu

² Ɔwa i nənk umȧleka ulɔm ɔ ŋat kəwur rothɔrɔŋ, kɔ ba ȧŋmȧthlɛ ŋa ɔKuru ukəli; ɔ tela rə rim rəbana ka aŋmȧleka ŋanlɛ aŋa po sɔthɔ afɔsɔ tə kələsər ȧŋthɔf yi kȧbȧŋ.

Kȧŋȧibinɛ 7:2 ပူးပေါင်းရင်းမြစ်များ

Mathiu 16:16

Ka Saymɔn Pitarȧŋ ɔ lasi, ɔ pa, Munɔ yi ɔKrayst, ɔWan ka ɔKuru ukǝli.

Mathiu 26:63

Kɛrɛ Yisɔsȧŋ ɔ tȧnk thǝm. Ka ɔfode ubana ɔ pa ro ŋɔŋ, I yema mu mǝ gbiŋ ka ɔKuru ukǝli kȧmȧ mǝ kanɛ su bepi mǝ yi ɔKrayst ɔWan ka Kuru.

Yɔn 6:27

Te thɔrɔ ta adarədi ara mə dinɛ, kɛrɛ thɔrɔ ta ȧdarədi ara mə tiyȧ haŋ ka aŋesəm thəbana, ara ɔWan ka wuni ɔ tə sɔŋ nu: kotȧy-e kɔnɔ Kuru ɔKas ɔ po mathlɛ.

2 AŋKɔrenth 1:22

Ɔ po mathlɛ su sɔ, kɔ po sɔŋ su ɔYina məsəm ka ɛmerȧ ɛ su mɔ masɛkɛ ma aŋruba aŋa sə yi tə kəsɔthɔ.

AŋƐfisɔs 1:13

Do rɔŋɔŋ nə bot ɛmerȧ ma nə poŋ təl ȧrim ra tȧteŋ, mapa məfinɔ ma Kuru ka kakisis ka nu. Ɔwa ma nə po lanɛ kɔ-e, a mathlɛ nu yi ɔYina məsəm ɔka aŋlahiri,

AŋƐfisɔs 4:30

Ɔwa te nu bansəs ɔYina məsəm ka Kuru, ma pə yi a mathlɛ nu do rɔŋɔŋ haŋ ȧŋrey ŋa kabani.

1 AŋThɛsȧlonika 1:9

kotȧy-e ŋaŋ gbeŋ aŋ seri ta ȧtȧ su-e, kaŋ tɔri to naŋ nə malanɛ su-e, ɔwa to nə lafthɛ ka Kuru kəwur ka ɛrɔŋ tə kəbatho ɔKuru ukəli utəteŋ,

2 Timɔthi 2:19

Halisa ɔtəmər wa Kuru ɔ təmȧ kəŋkəŋ, ɔwa ȧŋmȧthlɛ ŋati ŋi aŋe, kəpa, ƆMariki ɔ tȧrȧ aŋfəm ŋɔŋ gbeŋ. Ɔwa sɔ-e, Ta wuni o wuni ɔwe bont ȧŋes ŋa Kraystȧŋ ɔ gbapɛ mȧkənə.

AŋHibru 12:22

Kɛrɛ naŋ nə po der ka kateŋ ka Sayɔn-e, kȧpet ka ɔKuru ukəli, yi ka Yerusalɛm ȧke yi rokɔm, dɛ yi ka akobali kəbana ka amaleka agbȧthi,

Kȧŋȧibinɛ 1:3

Aruba aŋ yi ta ɔwe mə karaŋ ȧsim ta kanabi ake, dɛ yi ta ŋaŋ aŋa mə təl ti-e, rɛ aŋ kȧl bɛnɛ ȧtȧ a gbal ri, ȧtesoma-e ȧŋlɔkɔ aŋ fat tə kəlasər ti.

Kȧŋȧibinɛ 10:1

Ka i nənk umȧleka ulɔm ubaki mədɛr ɔ thor kəwur ro riyana, kɔ lopra kuru kəfera; abənta afarma aŋ rensa rȧbomp rɔŋ, ka ader rɔŋ rə yi mɔ aret, ɔwa ȧtȧtək tɔŋ tə yi mɔ məkər ma nȧnt.

Kȧŋȧibinɛ 10:4

Ɔwa ma asɛŋ tȧmthədɛrəŋ tə po gbɛŋ-e, i bun gbal, kɛrɛ i təl rim rə wur ro riyana rə pa do rɔmi, Mȧthlɛ tȧpa ȧtȧ asɛŋ tȧmtədɛrəŋ tə po lɔm-e, te gbal ti.

Kȧŋȧibinɛ 16:12

Ɔwa ɔmaleka ɔwe bekȧ tamthərukin ɔ kus ȧŋbɔl ŋɔŋ ka kȧbȧŋ kəbana ȧke a tela Ufretis; ka ȧmȧnt mati mə wosər gbet, kȧmȧ a bɛmpa roŋ ta aŋbȧy aŋa mə der kəwur rothɔrɔŋ.

Kȧŋȧibinɛ 5:2

Ka i nənk umȧleka ubaki mədɛr ɔ tam rə rim rəbana, Kanɛ yi ubeki tə kəkanthi akafa-e, dɛ yi tə kəsim ɛmȧthlɛ-e?

Kȧŋȧibinɛ 8:3

Ka umȧleka ulɔm ɔ der kɔ təmȧ ka ȧŋbɛsɛ, ɔ wop alaŋka ŋa məbɔŋɔ; ɔwa a sɔŋ kɔ agboŋgbo afɔlfɔl agbȧthi kȧmȧ ɔ kulunɛ ŋi yi taramnɛ ta aŋfəm asəm bɛ rokɔm ka ȧŋbɛsɛ ŋa məbɔŋɔ aŋa yi rodi ka kawaŋ ka rȧbȧy.

Kȧŋȧibinɛ 9:14

rə pa ka ɔmaleka ɔwe bekȧ tamthərukin ɔwe ba kathɛma, Səli aŋmȧleka ŋanlɛ aŋa a po sek rayɛr ka kȧbȧŋ kəbana mə a tela Ufretis.

Kȧŋȧibinɛ 9:4

Ka a yamari ŋa kȧmȧ aŋ te ləsər akereŋ ka ȧŋthɔf thalɔm ɛyɛt ɛtɛp, thalɔm ŋənt o ŋənt; thambe aŋfəm son aŋa te ba ȧŋmȧthlɛ ŋa Kuru ka mabuŋ maŋ.