Kȧŋȧibinɛ 6:9 - Ȧŋlemrȧnɛ Ȧfu

⁹ Ma ɔ sim ȧŋmȧthlɛ aŋa bekȧ tamath-e, i nənk roratha ka ȧŋbɛsɛ ɛŋesəm ya ŋaŋ aŋa a po dif salata ȧrim ra Kuru, yi ta maseri ama aŋ po sɔŋ.

Kȧŋȧibinɛ 6:9 ပူးပေါင်းရင်းမြစ်များ

Yɔn 16:2

Aŋ tə bȧl nu ka ɛseth ɛgbanɛ: aŋko, ȧŋlɔkɔ aŋ tə der, ma wuni o wuni ɔwe mə dif nu, ɔ tə nanɛ kəpa ɔ yɔ mapanth ma Kuru.

2 AŋKɔrenth 5:8

I kȧl pa, sə ba kəbak kəbuth, ɔwa sə tha yema wur ka ȧŋdɛr aŋe kȧmȧ sə gbəli yi ka kȧbəprȧnɛ ka ɔMarki.

AŋFilipai 1:23

kotȧy-e i yi rə akɛthanɛ, ma pə yi i ba afela abana tə kəkɔnɛ kȧmȧ i yi yi Kraystȧŋ ȧtesoma-e ŋə tə yi mi fisa finɔ.

AŋFilipai 2:17

Yao, hali i yi sathka ta kȧlanɛ ka nu, i ba ti məbɔnɛ, ka i yasanɛ rɛ məbɔnɛ dɛ yi nia bɛ.

2 Timɔthi 1:8

Tiyȧŋ te ba məlap tə kəsɔŋ məseri ta ɔMarki kȧsu, thalɔm ta ȧtȧ mi, ɔkɛndɛbira kɔŋ; kɛrɛ yi uyeranɛ ka asɔmpanɛ salata ȧkɛra kəfinɔ ka Kuru mɔlɔ ma Kuru ɔ sɔŋ mu afɔsɔ,

2 Timɔthi 4:6

kotȧy-e minɛ i təmȧ mɔ sathka təfak, ɔwa ȧŋlɔkɔ ŋa kakɔnɛ kȧmi aŋ po fat.

AŋHibru 12:23

dɛ yi ka aŋgbanɛ ŋa aŋchɔch, pə yi mɔ aŋwuth ȧtɔtɔkɔ ŋa Krayst aŋa ba mes məgbal ro riyana, dɛ yi ka Kuru ɔthoŋkas kȧsu bɛ, dɛ yi sɔ aŋyina ŋa aŋlompi aŋa poŋ yi agbenthis;

Kȧŋȧibinɛ 1:2

Ɔwe seri ta ȧrim ra Kuru, yi ta aŋkanɛ ŋa Yisɔs Krayst, yi ta mȧtȧy bɛ ama ɔ nənk.

Kȧŋȧibinɛ 1:9

Minɛŋ, Yɔn, ɔwɔnt yi ɔkas ka nu ka asɔmpanɛ, yi ka rȧbȧy dɛ yi kamuyu ka Yisɔs Kraystȧŋ, i yi ka aŋyel aŋa mə a bont Patmɔs salata ȧrim ra Kuru, yi ta maseri ma Yisɔs Kraystȧŋ.

Kȧŋȧibinɛ 14:18

ka umȧleka ulɔm ɔ wur ka ȧŋbɛsɛ ɔwe ba afɔsɔ rokɔm ka nȧnt; kɔ pa rə rim rəbana ka ɔwe ba aŋwɔrthɔ awɔŋi-e, Wɔŋȧ aŋwɔrthɔ a mu awɔŋi, ɔwa thoŋkla mȧkomi ma nalek na ȧdȧru, kotȧy-e mȧkomi mati mə po lɔl tɛrɛŋ.

Kȧŋȧibinɛ 16:7

I təlȧ sɔ ȧrim ra ȧŋbɛsɛ rə pa, Yao, ɔMarki Kuru ka afɔsɔ bɛ, mathoŋkas ma mu mə yi məlompi rɛ təteŋ.

Kȧŋȧibinɛ 19:10

Ka i sanɛ ka ȧtatək tɔŋ tə kəbatho kɔ, kɛrɛ ɔ pa, Te yɔ yi, minɛŋ sɔ i yi ukos mu ȧbɔy, dɛ yi ukos ka aŋwɔnt mu aŋa ba maseri ma Yisɔs. Bȧtho Kuru, kotȧy-e maseri ma Yisɔs mə yi aŋyina ŋa kanabi.

Kȧŋȧibinɛ 2:13

I tȧrȧ ro mə yirȧ, hali ro kawaŋ ka rȧbȧy ra Sethani kə yi. Ɔwa mə wop ȧŋes a mi gbaŋ-e, mə pɛnsa hɛ kȧlanɛ ka mu do rɔmi, hali ka marey ma Antipas, ɔseri kȧmi ubɔthi lanɛ, ɔwe aŋ dif kətɔŋ ka mu, ro Sethani ɔ yirȧ.

Kȧŋȧibinɛ 20:4

Ka i nənk təwaŋ ta rȧbȧy, ɔwa a sɔŋ ŋaŋ aŋa yirȧ ri afɔsɔ tə kəthoŋkas; ka i nənk ɛŋesəm ya ŋaŋ aŋa a la gbetha təbomp salata maseri ma Yisɔs yi ta ȧrim ra Kuru, pəkasifɛ aŋ la kasi tə kəbatho ɔsɛm utuy tȧy thalɔm mȧbȧlȧnɛ mɔŋ, kaŋ la pɛnsa sɔ aŋlomar ŋɔŋ ka mabuŋ maŋ, ɔwa aŋ kȧl yi akəli sɔ, kaŋ gbəka dɛ yi Kraystȧŋ təren awul ŋin.

Kȧŋȧibinɛ 8:3

Ka umȧleka ulɔm ɔ der kɔ təmȧ ka ȧŋbɛsɛ, ɔ wop alaŋka ŋa məbɔŋɔ; ɔwa a sɔŋ kɔ agboŋgbo afɔlfɔl agbȧthi kȧmȧ ɔ kulunɛ ŋi yi taramnɛ ta aŋfəm asəm bɛ rokɔm ka ȧŋbɛsɛ ŋa məbɔŋɔ aŋa yi rodi ka kawaŋ ka rȧbȧy.

Kȧŋȧibinɛ 9:13

Ka ɔmaleka ɔwe bekȧ tamthərukin ɔ fɛŋ, ɔwa i təlȧ rim rə wur ka talɛn tanlɛ ta ȧŋbɛsɛ ŋa məbɔŋɔ rodi ka Kuru,