Kȧŋȧibinɛ 5:13 - Ȧŋlemrȧnɛ Ȧfu

¹³ Ka rəka o rəka bɛ ro riyana, yi ka ȧdȧru, yi ratha ka ȧdȧru, yi ro bȧŋ, dɛ yi koko bɛ ara yi ri, i təl ma aŋ pa-e, Aruba-o, ayiki-o, kȧthɔkəs-o, dɛ yi aŋfɔsɔ ɛ yi do rɔŋɔŋ ɔwe yirȧ ka kawaŋ ka rȧbȧy, yi ka kaLɔmɛ kəfɛth thȧnkȧŋ o thȧnkȧŋ.

Kȧŋȧibinɛ 5:13 ပူးပေါင်းရင်းမြစ်များ

Mathiu 6:13

Te su wɔŋȧ rǝ tȧy tǝgbɔns kɛrɛ wurɔ su ka mətȧy mǝlǝs; ȧtesoma-e munɔ ba rȧbȧy yi aŋfɔsɔ yi aŋyiki thȧnkȧŋ thǝbana, Amina.

Luk 2:14

Ta Kuru ɔwe yi rokɔm ɔ ba ayiki, Ta məthɔfəl mə yi nɔru ka aŋfəm aŋa mə thesis kɔ.

Yɔn 1:29

Ka ȧŋrey alɔm-e, Yɔnȧŋ ɔ nənk Yisɔsȧŋ ɔ der ro ŋɔŋ, ɔ pa, Kəli kaLɔmɛ kəfɛth ka Kuru ɔwe mə sara aŋhakɛ ŋa ȧdȧru!

AŋRomans 11:36

kotȧy-e ɛyɛt bɛ ɛ yi kətȧŋȧnɛ dɛ yi kəwur do rɔŋɔŋ, ɔwa ɛ yi ta atɔŋ bɛ; ɔwa ta kɔnɔ yi ayiki ta thȧnkȧŋ thəbana. Amina.

AŋRomans 16:27

ta ayiki aŋ yi ka ɔKuru utempi son, salata Yisɔs Kraystȧŋ thȧnkȧŋ thəbana. Amina.

AŋRomans 9:5

Ŋa ba aŋkas, ɔwa ŋa ba sɔ ɔKrayst kətȧŋȧnɛ ka rawuni kəpet, ɔwe yi rokɔm ka bɛ, uruba wɔŋ ka Kuru thəbana. Amina.

AŋƐfisɔs 3:21

ɔwa ta ayiki aŋ yi do rɔŋɔŋ rokor ka aŋchɔch dɛ yi ka Yisɔs Krayst haŋ thɔŋ təkomra bɛ, thȧnkȧŋ o thȧnkȧŋ. Amina.

AŋFilipai 2:10

kȧmȧ pə yi ka ȧŋes ŋa Yisɔs-e, wuni o wuni ɔ tə sɔ tawu, ro riana-o, nɔru-o, dɛ yi ka ȧdȧru ratha;

AŋKɔlɔsi 1:23

Bepi pə yi gbo-e nə bȧkər asɔbɛ ka kȧlanɛ, ɔwa nə təmȧ kəŋkəŋ abȧki gbaŋ, nə gbapɛ hɛ kagbak ȧmerȧ ka nu ka ȧkɛra kəfinɔ ȧke nə po təl, dɛ yi ȧke a po kawandi ka wuni o wuni nɔru. Ɔwa minɛŋ, Pɔl, a səki mi ukɔtha ka ȧkɛra kati.

1 Timɔthi 4:16

Bumnɛ mun munɔnɛ yi mathəksa ma mu; bȧsər ka mȧtȧy ame, kotȧy-e bepi mə yɔ ti, mə tə kisis aŋyɛthɛ mu, dɛ yi ŋaŋ aŋa mə təlȧ mu.

1 Pitar 4:11

Bepi wuni o wuni ɔ kawandi-e, ta pə yi mɔ ɔ fɔf tȧteŋ ta Kuru; bepi wuni o wuni ɔ yɔna ulɔm-e, ta ɔ yɔ ti ka kagbəli ka Kuru, kȧmȧ Kuru ɔ sɔthɔ ayiki salata tȧy o tȧy kətaŋ ka Yisɔs Krayst ɔwe ba kəthɔkəs yi afɔsɔ haŋ thȧnkȧŋ thəbana, Amina.

1 Pitar 5:11

Ta kɔnɔ ba ayiki, dɛ yi afɔsɔ ŋa rȧbȧy thȧnkȧŋ thəbana. Amina.

Yud 1:25

ta kɔnɔ ɔKuru son ɔKisis kȧsu ɔ sɔthɔ ayiki, kəthɔkəs, rȧbȧy yi ɛfɔsɔ kətȧŋȧnɛ ka Yisɔs Krayst ɔMarki kȧsu katəp yeŋka ɛlɔkɔ ɛ yi dɛ ka-ake dɛ haŋ thȧnkȧŋ thəbana. Amina.

Kȧŋȧibinɛ 1:6

ɔwe po səki su rəbȧy, pə yi mɔ-e, afode ŋa mapanth ma Kuru ɔKas kɔŋ. Ta ayiki dɛ yi afɔsɔ ɛ yi do rɔŋɔŋ thȧnkȧŋ thəbana. Amina.

Kȧŋȧibinɛ 13:8

Ɔwa ŋa bɛ aŋa yirȧ ka ȧdȧru aŋ tə bȧtho kɔ, pə yi mɔ-e, ŋa bɛ aŋa te ba ames maŋ ka ȧkȧfȧ ka aŋesəm ka kaLɔmɛ kəfɛth, ɔwe a fai sathka kȧbi ka ɔtəpɛr wa ȧdȧru.

Kȧŋȧibinɛ 5:1

Ka i nənk ka kȧta kədiɔ ka kɔn ɔwe yirȧ ka kawaŋ ka rȧbȧy kafa ȧke a po gbal rokor yi romuth, ka a po mathlɛ ki rə ɛmȧthlɛ tȧmthədɛrəŋ.

Kȧŋȧibinɛ 5:12

kaŋ pa rə rim rəbana, KaLɔmɛ kəfɛth ɔwe a fay sathka ɔ yi ubeki tə kəsɔthɔ afɔsɔ, yi rəyola, yi kətemp, yi kətham, yi ayiki, yi kəthɔkəs, dɛ yi aruba.

Kȧŋȧibinɛ 5:3

Ka wuni o wuni ɔ yi hɛ ro riyana, thalɔm ka ȧdȧru, thalɔm ka ȧdȧru ratha, ɔwe yi ubeki tə kəkanthi ȧkȧfȧ, thalɔm tə kəkəli rokor kati.

Kȧŋȧibinɛ 5:6

Ka i kəli, ɔwa kəlo, kətɔŋ ka kawaŋ ka rȧbȧy yi ɛwuka akəli ŋanlɛ, dɛ yi aŋbȧki-e, i nənk kaLɔmɛ kəfɛth ɔ təmȧ, ka pə bȧlȧnɛ mɔ a po fai kɔ sathka. Ɔwa ɔ ba ɛlɛn tȧmthədɛrəŋ, dɛ yi ɛfɔr tȧmthədɛrəŋ, ɔwa ɛye yi ɛyina tȧmthədɛrəŋ ya Kuru ɛyɛ a po somra ka ȧdȧru bɛ.

Kȧŋȧibinɛ 5:9

kaŋ leŋ aleŋ afu, kəpa, Munɔ mə yi ubeki tə kəgbasi ȧkȧfȧ, yi tə kəsim ɛmȧthlɛ; kotȧy-e a po fai mu sathka, ɔwa mə po bani afəm ka Kuru kətȧŋȧnɛ ka mȧtir ma mu, pə yi mɔ-e afəm kəwur kətɔŋ ka təkomra, yi tənt, yi afəm, yi təbona bɛ.

Kȧŋȧibinɛ 6:16

kaŋ pa ka tȧteŋ dɛ yi ka ɛgbalaŋ-e, Fumpər su kȧmȧ nə maŋk su ka ɛfɔr ya kɔn ɔwe yirȧ ka kawaŋ ka rȧbȧy, dɛ yi ka rabaŋ da kaLɔmɛ kəfɛth.