Kȧŋȧibinɛ 5:12 - Ȧŋlemrȧnɛ Ȧfu

¹² kaŋ pa rə rim rəbana, KaLɔmɛ kəfɛth ɔwe a fay sathka ɔ yi ubeki tə kəsɔthɔ afɔsɔ, yi rəyola, yi kətemp, yi kətham, yi ayiki, yi kəthɔkəs, dɛ yi aruba.

Kȧŋȧibinɛ 5:12 ပူးပေါင်းရင်းမြစ်များ

Mathiu 28:18

Ka Yisɔsȧŋ ɔ der ɔ fɔfȧnɛ ŋa, ɔ pa, A po sɔŋ mi afɔsɔ bɛ ro riyana yi ka ȧdȧru.

Yɔn 1:29

Ka ȧŋrey alɔm-e, Yɔnȧŋ ɔ nənk Yisɔsȧŋ ɔ der ro ŋɔŋ, ɔ pa, Kəli kaLɔmɛ kəfɛth ka Kuru ɔwe mə sara aŋhakɛ ŋa ȧdȧru!

Yɔn 17:2

mɔ mȧ mə sɔŋ kɔ afɔsɔ ka afəm bɛ, kȧmȧ ɔ sɔŋ aŋesəm thəbana ka ŋaŋ aŋa mə sɔŋ kɔ.

2 AŋKɔrenth 8:9

kotȧy-e nə tȧrȧ ȧŋboŋa ŋa ɔMarki kȧsu Yisɔs Kraystȧŋ, kəpa hali ma ɔ yi uyola-e, salata nu ɔ səkɛ umɔnɛ, kȧmȧ naŋ kətaŋ ka amɔnɛ mɔŋ-e, nə gbəli səkɛ ayola.

1 Timɔthi 1:17

Ɔwa ka-ake, ta ɔBȧy ka thəbana, ɔwe te fi, ɔwe sə te nəŋka rəfɔr, ɔKuru utempi son, ta ɔ sɔthɔ yiki yi kəkolo thȧnkȧŋ thəbana, Amina.

Kȧŋȧibinɛ 1:6

ɔwe po səki su rəbȧy, pə yi mɔ-e, afode ŋa mapanth ma Kuru ɔKas kɔŋ. Ta ayiki dɛ yi afɔsɔ ɛ yi do rɔŋɔŋ thȧnkȧŋ thəbana. Amina.

Kȧŋȧibinɛ 13:8

Ɔwa ŋa bɛ aŋa yirȧ ka ȧdȧru aŋ tə bȧtho kɔ, pə yi mɔ-e, ŋa bɛ aŋa te ba ames maŋ ka ȧkȧfȧ ka aŋesəm ka kaLɔmɛ kəfɛth, ɔwe a fai sathka kȧbi ka ɔtəpɛr wa ȧdȧru.

Kȧŋȧibinɛ 15:3

kaŋ leŋ aŋleŋ ŋa Mosis ȧŋbɔy ŋa Kuru, dɛ yi aŋleŋ ŋa kaLɔmɛ kəfɛth, kaŋ pa, Mayɔs ma mu mə yi məbana dɛ yi məkabanɛ ɔMarki Kuru ka afɔsɔ bɛ; asoŋ ta mu tə yi təlompi yi təteŋ, munɔ ɔBȧy ka ɛyamana.

Kȧŋȧibinɛ 19:1

Kədarəŋ ka mȧtȧy ame-e, i təlȧ sim təbana ta afəm agbȧthi ro riyana, kaŋ pa, Aleluya; kəkisi, yi ayiki, dɛ yi afɔsɔ ɛ yi ka ɔMarki ɔKuru kȧsu;

Kȧŋȧibinɛ 4:11

Munɔ ɔMarki Kuru mə yi ubeki tə kəsɔthɔ ayiki, yi kəthɔkəs, dɛ yi afɔsɔ; kotȧy-e munɔ mə po bɛmpa ɛyɛt bɛ, ɔwa salata mabɔnɛ ma mu ɛyɛt bɛ ɛ yi, tȧsom a la bɛmpa yi.

Kȧŋȧibinɛ 5:13

Ka rəka o rəka bɛ ro riyana, yi ka ȧdȧru, yi ratha ka ȧdȧru, yi ro bȧŋ, dɛ yi koko bɛ ara yi ri, i təl ma aŋ pa-e, Aruba-o, ayiki-o, kȧthɔkəs-o, dɛ yi aŋfɔsɔ ɛ yi do rɔŋɔŋ ɔwe yirȧ ka kawaŋ ka rȧbȧy, yi ka kaLɔmɛ kəfɛth thȧnkȧŋ o thȧnkȧŋ.

Kȧŋȧibinɛ 5:6

Ka i kəli, ɔwa kəlo, kətɔŋ ka kawaŋ ka rȧbȧy yi ɛwuka akəli ŋanlɛ, dɛ yi aŋbȧki-e, i nənk kaLɔmɛ kəfɛth ɔ təmȧ, ka pə bȧlȧnɛ mɔ a po fai kɔ sathka. Ɔwa ɔ ba ɛlɛn tȧmthədɛrəŋ, dɛ yi ɛfɔr tȧmthədɛrəŋ, ɔwa ɛye yi ɛyina tȧmthədɛrəŋ ya Kuru ɛyɛ a po somra ka ȧdȧru bɛ.

Kȧŋȧibinɛ 5:8

ɔwa ma ɔ po gbasi akafa-e, ɛwuka ŋanlɛ yi aŋbȧki kəgba ŋanlɛ aŋ fumpɔ rodi ka kȧLɔmɛ kəfɛth, ukin o kin ɔ ba agbulu, dɛ yi ɛlanka ya mȧbɔŋɔ ɛla ɛgboŋgbo ɛyɛ yi mɔ tȧramnɛ ta aŋsəm.

Kȧŋȧibinɛ 5:9

kaŋ leŋ aleŋ afu, kəpa, Munɔ mə yi ubeki tə kəgbasi ȧkȧfȧ, yi tə kəsim ɛmȧthlɛ; kotȧy-e a po fai mu sathka, ɔwa mə po bani afəm ka Kuru kətȧŋȧnɛ ka mȧtir ma mu, pə yi mɔ-e afəm kəwur kətɔŋ ka təkomra, yi tənt, yi afəm, yi təbona bɛ.

Kȧŋȧibinɛ 6:1

Ɔwa i nənk ma kaLɔmɛ kəfɛth ɔ sim ȧŋmȧthlɛ ȧtɔtɔkɔ, ka i təlȧ ukin ka ɛwuka akəli ŋanlɛ ɔ pa rə rim mɔ rɛŋ, Der kəli.

Kȧŋȧibinɛ 7:12

Kaŋ pa, Amina; aruba, yi kəthɔkəs, yi kətemp, yi mɔmɔ, yi ayiki, yi afɔsɔ, yi kəgbəli tȧy ɛ yi ka ɔKuru kȧsu thȧnkȧŋ thəbana. Amina.