Kȧŋȧibinɛ 4:4 - Ȧŋlemrȧnɛ Ȧfu

⁴ Ɔwa təwaŋ kəgba tanlɛ tə gbətɔ kawaŋ ka rȧbȧy, ka i nənk abȧki kəgba ŋanlɛ aŋ yirȧ ri-e, aŋ lopra suma təfera, kaŋ sara ɛniɔ ya məbɔŋɔ.

Kȧŋȧibinɛ 4:4 ပူးပေါင်းရင်းမြစ်များ

Mathiu 19:28

Ka Yisɔsȧŋ ɔ pa, Tǝ tɛntɛnɛ i kanɛ nu-e, ka ȧdȧru rǝfu ma ɔWan ka wuni mǝ ɔ yirȧ ka kawaŋ ka rȧbȧy ka aŋyiki ŋɔŋ-e, naŋ aŋa po tȧŋ mi, naŋ sɔ nǝ tǝ yirȧ ka tǝwaŋ ta rȧbȧy tɔfɔt tǝrǝŋ, nǝ tǝ thonkas ɛbɔnsɔŋ tɔfɔt yɛrǝŋ ya aŋIsrɛl,

Luk 22:30

kȧmȧ nə gbəli di, ɔwa nə mun ka aŋthebəl a mi ka rȧbȧy ra mi. Ɔwa nə tə yirȧ rə tawaŋ ta rəbȧy, nə tə thonkas ɛbɔnsɔŋ tɔfɔt yɛrəŋ ya Isrɛl.

2 Timɔthi 4:8

Tiyȧŋ ȧniyɔ ŋa mȧlompi aŋ yi ta ȧtȧ mi, aŋa ɔMarki, ɔThoŋkas ulompi, ɔ tə sɔŋ mi ka ȧŋrey ŋati; ɔwa pə yi hɛ ta ȧtȧ mi gbo son-e, kɛrɛ ta ȧtȧ ŋaŋ bɛ aŋa bɔthər kȧder kɔŋ.

Kȧŋȧibinɛ 11:16

Ka aŋbȧki kəgba ŋanlɛ aŋa yirȧ ka tawaŋ taŋ rodi ka Kuru-e, aŋ fumpɔ ka aser taŋ, kaŋ thɔkəs Kuru,

Kȧŋȧibinɛ 14:3

Ɔwa aŋ leŋ aleŋ afu rodi ka kawaŋ ka rȧbȧy, yi rodi ka ɛwuka akəli ŋanlɛ, dɛ yi aŋbȧki; ɔwa wuni o wuni ɔ gbəli hɛ thəkəs aŋleŋ ŋati thambe aŋfəm ɛwul kɛmɛ kin təgba tərəŋ yanlɛ aŋa a po bani ka ȧdȧru.

Kȧŋȧibinɛ 19:14

Ɔwa tobali ȧtȧ yi ro riyana tə tȧŋ kɔ ka təsoy afera, tə lopra totha tənɔfthɔ təfera laf laf.

Kȧŋȧibinɛ 19:4

Ka aŋbȧki kəgba ŋanlɛ dɛ yi ɛwuka akəli ŋanlɛ aŋ sanɛ ro thɔf, kaŋ bȧtho Kuru ɔwe yirȧ ka kawaŋ ka rȧbȧy, kaŋ pa, Amina, Aleluya.

Kȧŋȧibinɛ 2:10

Te nesa tȧy o tȧy ȧtȧ mȧ mə ba kənakasi. Sethani ɔ tə fak alɔm kətɔŋ ka mu ka ȧŋseth ȧtərənkȧ kȧmȧ a mɛm mu, ɔwa mə tə sompanɛ mərey tɔfɔt. Ta mə yi ubɔthi lanɛ haŋ ka rȧfi, ɔwa minɛ i ti sɔŋ mu ȧniyɔ ŋa aŋesəm.

Kȧŋȧibinɛ 20:4

Ka i nənk təwaŋ ta rȧbȧy, ɔwa a sɔŋ ŋaŋ aŋa yirȧ ri afɔsɔ tə kəthoŋkas; ka i nənk ɛŋesəm ya ŋaŋ aŋa a la gbetha təbomp salata maseri ma Yisɔs yi ta ȧrim ra Kuru, pəkasifɛ aŋ la kasi tə kəbatho ɔsɛm utuy tȧy thalɔm mȧbȧlȧnɛ mɔŋ, kaŋ la pɛnsa sɔ aŋlomar ŋɔŋ ka mabuŋ maŋ, ɔwa aŋ kȧl yi akəli sɔ, kaŋ gbəka dɛ yi Kraystȧŋ təren awul ŋin.

Kȧŋȧibinɛ 3:18

Tiyȧŋ i maŋ mu tə kəwair mi mȧbɔŋɔ ama a po mɛm ka anant kȧmȧ mə yi uyola, dɛ yi suma təfera tə kəwɔŋ, kȧmȧ mȧlap ma ratiŋ ra mu rə te tɔrinɛ; ɔwa sop sɔ ɛfɔr ɛ mu yi atɔl asop, kȧmȧ mə gbəli nənk.

Kȧŋȧibinɛ 4:10

aŋbȧki kəgba ŋanlɛ aŋ fumpɔ rodi ka kɔn ɔwe yirȧ ka kawaŋ ka rabȧy-e, ɔwa aŋ thɔkəs kɔn ɔwe yi thȧnkȧŋ thəbana, kaŋ fitha ɛniɔ yaŋ rodi ka kawaŋ-e, kaŋ pa,

Kȧŋȧibinɛ 4:6

Ɔwa kəbaŋ ka ɛmɛmnɛ mɔ kristal kə yi rodi ka kawaŋ ka rȧbȧy. Ɔwa ɛwuka akəli ŋanlɛ aŋ yi kətɔŋ ka kawaŋ, dɛ yi ȧgbȧp o gbap ŋa kawaŋ-e, kaŋ la yi ɛfɔr rodi yi rodarəŋ.

Kȧŋȧibinɛ 5:11

Ka i kəli, ɔwa i təl ȧsim ta amaleka agbȧthi aŋa gbətɔ kawaŋ ka rȧbȧy, yi ɛwuka akəli ŋanlɛ dɛ yi aŋbȧki. Amɔlɔ maŋ mə yi ɛwul tɔfɔt tətəp ɛwul tɔfɔt dɛ yi ɛwul ɛwul.

Kȧŋȧibinɛ 5:14

Ka ɛwuka ŋanlɛ aŋ pa, Amina. Ɔwa aŋbȧki kəgba ŋanlɛ aŋ sanɛ kəbatho kɔn ɔwe ba aŋesəm haŋ thȧbana.

Kȧŋȧibinɛ 5:6

Ka i kəli, ɔwa kəlo, kətɔŋ ka kawaŋ ka rȧbȧy yi ɛwuka akəli ŋanlɛ, dɛ yi aŋbȧki-e, i nənk kaLɔmɛ kəfɛth ɔ təmȧ, ka pə bȧlȧnɛ mɔ a po fai kɔ sathka. Ɔwa ɔ ba ɛlɛn tȧmthədɛrəŋ, dɛ yi ɛfɔr tȧmthədɛrəŋ, ɔwa ɛye yi ɛyina tȧmthədɛrəŋ ya Kuru ɛyɛ a po somra ka ȧdȧru bɛ.

Kȧŋȧibinɛ 5:8

ɔwa ma ɔ po gbasi akafa-e, ɛwuka ŋanlɛ yi aŋbȧki kəgba ŋanlɛ aŋ fumpɔ rodi ka kȧLɔmɛ kəfɛth, ukin o kin ɔ ba agbulu, dɛ yi ɛlanka ya mȧbɔŋɔ ɛla ɛgboŋgbo ɛyɛ yi mɔ tȧramnɛ ta aŋsəm.

Kȧŋȧibinɛ 6:11

Ɔwa a sɔŋ kin o kin ka ŋaŋ ruma rəfera, ka a kanɛ ŋa kȧmȧ aŋ muyu ras ta alɔkɔ agbut, haŋ a dif aŋkas rɛ yi aŋwɔnt ŋaŋ mɔ mə a po dif ŋa gbeŋ-e, kȧmȧ a lasər amɔlɔ maŋ.

Kȧŋȧibinɛ 7:11

Ka aŋmȧleka bɛ aŋ təmȧ kəgbətɔ kawaŋ ka rȧbȧy, yi aŋbȧki dɛ yi ɛwuka akəli ŋanlɛ; ɔwa aŋ fumpɔ ka aser taŋ rodi ka kawaŋ ka rȧbȧy, kaŋ thɔkəs Kuru Məsaba.

Kȧŋȧibinɛ 7:9

Kədarəŋ kati, i nənk runiya rəbana ara wuni ɔ gbəli hɛ lɔm kəwur ka təbona bɛ, yi ka ɛbɔnsɔŋ bɛ, yi ka afəm o afəm, dɛ yi kənt o kənt, aŋ təmȧ rodi ka kawaŋ ka rȧbȧy, dɛ yi rodi ka kaLɔmɛ kəfɛth, kaŋ lopra suma təfera, kaŋ wop ɛrɔŋkɔ ka mȧta maŋ.

Kȧŋȧibinɛ 9:7

Ɔwa ɛlama aŋ bȧlȧnɛ mɔ təsoy aŋa yi abɛnɛnɛ tə kətim rəfa; ka tabomp taŋ aŋ ba ɛyɛ bȧlȧnɛ mɔ ɛniɔ ya məbɔŋɔ, ɔwa aser taŋ tə yi mɔ aser ta afəm.