Kȧŋȧibinɛ 4:11 - Ȧŋlemrȧnɛ Ȧfu

¹¹ Munɔ ɔMarki Kuru mə yi ubeki tə kəsɔthɔ ayiki, yi kəthɔkəs, dɛ yi afɔsɔ; kotȧy-e munɔ mə po bɛmpa ɛyɛt bɛ, ɔwa salata mabɔnɛ ma mu ɛyɛt bɛ ɛ yi, tȧsom a la bɛmpa yi.

Kȧŋȧibinɛ 4:11 ပူးပေါင်းရင်းမြစ်များ

Mȧyɔs ma aŋsom 14:15

Pa-ŋaŋ, kɔyɛŋ mə nə yɔ mȧtȧy ame-e? Saŋ sɔ sə yi afəm mɔ naŋ, sə kȧrȧ nu kɛra kəfinɔ kȧmȧ nə tey mȧtȧy məyai ame tə kəlafthɛ ka ɔKuru ukəli ɔwe bɛmpa akuru-o, anthɔf-o, kȧbȧŋ-o yi koko ara yi ri.

Mȧyɔs ma aŋsom 17:24

ƆKuru ɔwe bɛmpa ȧdȧru yi koko bɛ ara yi ri, ma kɔnɔ ɔ yi ɔMarki ka ro riyana yi ȧdȧru, ɔ yirȧ hɛ rə ɛseth ɛramnɛ ɛyɛ a bɛmpa yi məta;

AŋRomans 11:36

kotȧy-e ɛyɛt bɛ ɛ yi kətȧŋȧnɛ dɛ yi kəwur do rɔŋɔŋ, ɔwa ɛ yi ta atɔŋ bɛ; ɔwa ta kɔnɔ yi ayiki ta thȧnkȧŋ thəbana. Amina.

AŋƐfisɔs 3:9

dɛ yi kȧmȧ i yɔ afəm bɛ aŋ nənk ko yi mabotəs ma aŋgbundu aŋa a po maŋk ka ȧŋmerȧ ŋa Kuru kȧbi ka ɔtəpɛr wa ȧdȧru, ɔwe po bɛmpa ɛyɛt bɛ ka Yisɔs Kraystȧŋ.

AŋHibru 1:10

Ɔwa sɔ-e, Munɔ ɔMarki ka ɔtəpɛr mə po bot ɔtəmər wa ȧŋthɔf; Kȧriyana sɔ kə yi mapanth ma mȧta ma mu.

AŋHibru 1:2

kɛrɛ ka marey mələpsɔ ame ɔ fɔfȧnɛ su ka ɔWan kɔŋ, ɔwe Kuru ɔ thith tə kəsɔthɔ mȧtȧy bɛ kɛŋ, ɔwa kətaŋ do rɔŋɔŋ sɔ ɔ la po bɛmpa ȧdȧru bɛ;

Kȧŋȧibinɛ 1:6

ɔwe po səki su rəbȧy, pə yi mɔ-e, afode ŋa mapanth ma Kuru ɔKas kɔŋ. Ta ayiki dɛ yi afɔsɔ ɛ yi do rɔŋɔŋ thȧnkȧŋ thəbana. Amina.

Kȧŋȧibinɛ 10:6

kɔ gbiŋ ka kɔn ɔwe yi thȧnkȧŋ thəbana, ɔwe təpi ȧkȧriyana yi ɛyɛt bɛ ɛyɛ yi ri, dɛ yi ȧdȧru yi ɛyɛt bɛ ɛyɛ yi ri, dɛ yi kȧbȧŋ yi ɛyɛt bɛ ɛyɛ yi ri, kəpa hɔ, kəkar kə ba hɛ sɔ kə yi.

Kȧŋȧibinɛ 14:7

kɔ kȧl pa rə rim rəbana, Nesa nu Kuru-e, ɔwa sɔŋ kɔ nu yiki, pəkasifɛ ȧŋlɔkɔ ŋa karɔk ɛpa yɔŋ aŋ po bek. Ɔwa bȧtho kɔ nu ɔwe po bɛmpa ȧkȧriyana yi ȧdȧru, dɛ yi kȧbȧŋ kəbana, dɛ yi tabath.

Kȧŋȧibinɛ 19:1

Kədarəŋ ka mȧtȧy ame-e, i təlȧ sim təbana ta afəm agbȧthi ro riyana, kaŋ pa, Aleluya; kəkisi, yi ayiki, dɛ yi afɔsɔ ɛ yi ka ɔMarki ɔKuru kȧsu;

Kȧŋȧibinɛ 5:12

kaŋ pa rə rim rəbana, KaLɔmɛ kəfɛth ɔwe a fay sathka ɔ yi ubeki tə kəsɔthɔ afɔsɔ, yi rəyola, yi kətemp, yi kətham, yi ayiki, yi kəthɔkəs, dɛ yi aruba.

Kȧŋȧibinɛ 5:2

Ka i nənk umȧleka ubaki mədɛr ɔ tam rə rim rəbana, Kanɛ yi ubeki tə kəkanthi akafa-e, dɛ yi tə kəsim ɛmȧthlɛ-e?

Kȧŋȧibinɛ 5:9

kaŋ leŋ aleŋ afu, kəpa, Munɔ mə yi ubeki tə kəgbasi ȧkȧfȧ, yi tə kəsim ɛmȧthlɛ; kotȧy-e a po fai mu sathka, ɔwa mə po bani afəm ka Kuru kətȧŋȧnɛ ka mȧtir ma mu, pə yi mɔ-e afəm kəwur kətɔŋ ka təkomra, yi tənt, yi afəm, yi təbona bɛ.