Kȧŋȧibinɛ 4:10 - Ȧŋlemrȧnɛ Ȧfu

¹⁰ aŋbȧki kəgba ŋanlɛ aŋ fumpɔ rodi ka kɔn ɔwe yirȧ ka kawaŋ ka rabȧy-e, ɔwa aŋ thɔkəs kɔn ɔwe yi thȧnkȧŋ thəbana, kaŋ fitha ɛniɔ yaŋ rodi ka kawaŋ-e, kaŋ pa,

Kȧŋȧibinɛ 4:10 ပူးပေါင်းရင်းမြစ်များ

Mathiu 2:11

Maŋ po wɔŋ ka ȧŋseth-e, aŋ nənk ɔwath yi ɔkara kɔŋ Meriȧŋ, kaŋ gbǝpsa, aŋ bȧtho kɔ. Ɔwa maŋ po kanthi ɛbɛnɛnɛ yaŋ-e, aŋ sɔŋ kɔ ɛboya; mǝbɔŋɔ-o, agboŋgbo-o yi aŋma.

Luk 24:52

kaŋ bȧtho kɔ, ɔwa aŋ kȧlanɛ ro Yerusalɛm yi məbɔnɛ məbana.

1 AŋKɔrenth 15:10

Kɛrɛ asabu ŋa ȧŋboŋa ŋa Kuru i yi ȧtȧ i yi; yi ȧŋboŋa ŋɔŋ aŋa ɔ sɔŋ mi aŋ yi hɛ kətiŋ, ka ɔpeskianɛ wati i bora kəyɔ məpanth məgbathi pəthasi ŋa bɛ; kɛrɛ min thahɔ, ȧŋboŋa ŋa Kuru aŋa yi yi minɛ, ŋiəŋ.

Kȧŋȧibinɛ 10:6

kɔ gbiŋ ka kɔn ɔwe yi thȧnkȧŋ thəbana, ɔwe təpi ȧkȧriyana yi ɛyɛt bɛ ɛyɛ yi ri, dɛ yi ȧdȧru yi ɛyɛt bɛ ɛyɛ yi ri, dɛ yi kȧbȧŋ yi ɛyɛt bɛ ɛyɛ yi ri, kəpa hɔ, kəkar kə ba hɛ sɔ kə yi.

Kȧŋȧibinɛ 11:16

Ka aŋbȧki kəgba ŋanlɛ aŋa yirȧ ka tawaŋ taŋ rodi ka Kuru-e, aŋ fumpɔ ka aser taŋ, kaŋ thɔkəs Kuru,

Kȧŋȧibinɛ 15:4

Kanɛ te ba kənesa dɛ yi kəyikis ȧŋes a mu-e, ɔMariki-e? Pəkasifɛ munɔ son mə yi ɔsəm; kotȧy-e tȧbona bɛ tə tə der kəbatho mu, pəkasifɛ mȧyɔs ma mu məlompi mə po ŋaibinɛ.

Kȧŋȧibinɛ 15:7

Ɔwa ukin ka ɛwuka akəli ŋanlɛ ɔ sɔŋ aŋmȧleka tȧmthədɛrəŋ ɛbɔl ɛ məbɔŋɔ tȧmthədɛrəŋ ɛyɛ la pay yi rabaŋ da Kuru, ɔwe yi ta thȧnkȧŋ thəbana.

Kȧŋȧibinɛ 19:4

Ka aŋbȧki kəgba ŋanlɛ dɛ yi ɛwuka akəli ŋanlɛ aŋ sanɛ ro thɔf, kaŋ bȧtho Kuru ɔwe yirȧ ka kawaŋ ka rȧbȧy, kaŋ pa, Amina, Aleluya.

Kȧŋȧibinɛ 4:2

Ka ɔlɛmp wati i lasǝrnɛ ɔYina, ka i nənk kawaŋ ka rȧbȧy ro riyana, ɔwa Wuni kin ɔ yirȧ ka kawaŋ kati,

Kȧŋȧibinɛ 4:4

Ɔwa təwaŋ kəgba tanlɛ tə gbətɔ kawaŋ ka rȧbȧy, ka i nənk abȧki kəgba ŋanlɛ aŋ yirȧ ri-e, aŋ lopra suma təfera, kaŋ sara ɛniɔ ya məbɔŋɔ.

Kȧŋȧibinɛ 4:9

Ma ɛwuka ŋanlɛ aŋ sɔŋ ayiki-e, yi kəthɔkəs, yi mɔmɔ ka ɔwe yirȧ ka kawaŋ ka rabȧy-e, ɔwe yi haŋ thȧnkȧŋ thəbana-e,

Kȧŋȧibinɛ 5:14

Ka ɛwuka ŋanlɛ aŋ pa, Amina. Ɔwa aŋbȧki kəgba ŋanlɛ aŋ sanɛ kəbatho kɔn ɔwe ba aŋesəm haŋ thȧbana.

Kȧŋȧibinɛ 5:8

ɔwa ma ɔ po gbasi akafa-e, ɛwuka ŋanlɛ yi aŋbȧki kəgba ŋanlɛ aŋ fumpɔ rodi ka kȧLɔmɛ kəfɛth, ukin o kin ɔ ba agbulu, dɛ yi ɛlanka ya mȧbɔŋɔ ɛla ɛgboŋgbo ɛyɛ yi mɔ tȧramnɛ ta aŋsəm.

Kȧŋȧibinɛ 7:11

Ka aŋmȧleka bɛ aŋ təmȧ kəgbətɔ kawaŋ ka rȧbȧy, yi aŋbȧki dɛ yi ɛwuka akəli ŋanlɛ; ɔwa aŋ fumpɔ ka aser taŋ rodi ka kawaŋ ka rȧbȧy, kaŋ thɔkəs Kuru Məsaba.