Kȧŋȧibinɛ 3:4 - Ȧŋlemrȧnɛ Ȧfu

⁴ Kɛrɛ mə ba afəm athȧn hali ro Sadis aŋa te tha nɔkɔs ȧsuma taŋ; ɔwa aŋ tə kɔth yi minɛŋ rə suma təfera, kotȧy-e aŋ yi abeki.

Kȧŋȧibinɛ 3:4 ပူးပေါင်းရင်းမြစ်များ

Mathiu 10:11

Rǝ kǝpet o kǝpet thalɔm tǝgbɔm o tǝgbɔm mȧ nǝ wɔŋ-e, thɛns ri nu wuni finɔ; ɔwa rǝ mǝ nǝ yianɛ haŋ nǝ wur ri.

Mark 16:5

Maŋ wɔŋ ka kaboma-e, aŋ nənk ulaŋgba ɔ yirȧ ka ȧŋgbȧp ȧdiyɔ, ɔ wɔŋ ruma rəfera rəbɔli, kaŋ nesa.

Luk 20:35

kɛrɛ aŋfəm aŋa yi abeki tə kəsɔthɔ ȧdȧru araŋ yi kȧyokanɛ ka aŋfi-e, aŋ nȧntȧ hɛ, ɔwa a baləs hɛ ŋa;

Luk 21:36

Tiyȧŋ kəlɛnɛ nu, ɔwa ramnɛ nu lɔkɔ o lɔkɔ kȧmȧ nə yi abeki tə kəfisȧ ka mȧtȧy ame bɛ ama ba kəyi, yi tə kətəma rodi ka ɔWan ka wuni.

Mȧyɔs ma aŋsom 1:15

Ɔwa ka marey ame Pitaŋ ɔ təmȧ ɔ fɔf kətɔŋ ka aŋsom, (aŋ yi ri afəm mɔlɔ ma kɛmɛ kin kəgba) ɔ pa,

2 AŋThɛsȧlonika 1:5

Amisali ŋaŋ tə kətɔri mathoŋkas məlompi ma Kuru, kȧmȧ nə gbəli yi abeki salata rȧbȧy ra Kuru, ta ara nə sɔmpanɛ sɔ.

Yud 1:23

aŋlɔm nə kisis, nə tafi ŋa ka anant; ba ȧney ka aŋlɔm yi rənes, hali ma nə gbɛŋa ȧsuma tȧŋ ta ɛpɔra ȧtȧ ȧŋdɛr aŋ po nɔkɔs.

Kȧŋȧibinɛ 1:11

rǝ pa hɔ, Minɛ yi Alfa yi Omeka, ɔTɔtɔkɔ yi ɔLəpsɔ; gbal ȧtȧ mə nənk ka areka, ɔwa somra ŋi ka ɛchɔch tȧmthədɛrəŋ, ka ro Ɛfisɔs, ro Smayna, ro Pakamɔm, ro Thayatira, ro Sadis, ro Filadɛlfiya, dɛ yi ro La-odishiya.

Kȧŋȧibinɛ 11:13

Ka ȧŋlɔkɔ ŋati gbeŋ-e, ȧŋthɔf an tən kətən kəbana, ɔwa ȧgbȧp ŋin ka ɛgbap tɔfɔt ya kȧpet kǝ ləsȧ, ka afəm ɛwul tȧmthədɛrəŋ aŋ fi ka katən kati; ka aŋdɔnkɛ aŋa tiyȧ aŋ nesa, ɔwa aŋ sɔŋ ayiki ka Kuru ka ȧriyana.

Kȧŋȧibinɛ 14:4

Aŋe, ŋa yi aŋfəm aŋa te pulkinɛ rə afəm abom; ȧtesoma-e aŋ yi agbəraŋ mɔ afanɛ. Aŋe-e, ŋa tȧŋ kaLɔmɛ kəfɛth dɛr o dɛr rə ɔ kɔnɛ. Aŋe-e aŋ yi abani kətɔŋ ka afəm a kəpet mɔ mȧkomi mətɔtɔkɔ ta Kuru dɛ yi ta kaLɔmɛ kəfɛth.

Kȧŋȧibinɛ 19:14

Ɔwa tobali ȧtȧ yi ro riyana tə tȧŋ kɔ ka təsoy afera, tə lopra totha tənɔfthɔ təfera laf laf.

Kȧŋȧibinɛ 19:8

Ka a sɔŋ kɔ mamari tə kəlopra kotha kənɔfthɔ kəfera laf laf; kotȧy-e akotha kəfinɔ kati kə yi mȧyɔs məlompi ma aŋfəm asəm.

Kȧŋȧibinɛ 3:18

Tiyȧŋ i maŋ mu tə kəwair mi mȧbɔŋɔ ama a po mɛm ka anant kȧmȧ mə yi uyola, dɛ yi suma təfera tə kəwɔŋ, kȧmȧ mȧlap ma ratiŋ ra mu rə te tɔrinɛ; ɔwa sop sɔ ɛfɔr ɛ mu yi atɔl asop, kȧmȧ mə gbəli nənk.

Kȧŋȧibinɛ 3:5

Ɔwe mə tham-e a tə lonsir kɔ suma təfera, ɔwa i ba hɛ kənasi ȧŋes ŋɔŋ kəwur ka ȧkȧfȧ ka aŋesəm, kɛrɛ i ti gbithanɛ ȧŋes ŋɔŋ rodi ka ɔKas kȧmi dɛ yi ka aŋmȧleka ŋɔŋ.

Kȧŋȧibinɛ 4:4

Ɔwa təwaŋ kəgba tanlɛ tə gbətɔ kawaŋ ka rȧbȧy, ka i nənk abȧki kəgba ŋanlɛ aŋ yirȧ ri-e, aŋ lopra suma təfera, kaŋ sara ɛniɔ ya məbɔŋɔ.

Kȧŋȧibinɛ 6:11

Ɔwa a sɔŋ kin o kin ka ŋaŋ ruma rəfera, ka a kanɛ ŋa kȧmȧ aŋ muyu ras ta alɔkɔ agbut, haŋ a dif aŋkas rɛ yi aŋwɔnt ŋaŋ mɔ mə a po dif ŋa gbeŋ-e, kȧmȧ a lasər amɔlɔ maŋ.

Kȧŋȧibinɛ 7:9

Kədarəŋ kati, i nənk runiya rəbana ara wuni ɔ gbəli hɛ lɔm kəwur ka təbona bɛ, yi ka ɛbɔnsɔŋ bɛ, yi ka afəm o afəm, dɛ yi kənt o kənt, aŋ təmȧ rodi ka kawaŋ ka rȧbȧy, dɛ yi rodi ka kaLɔmɛ kəfɛth, kaŋ lopra suma təfera, kaŋ wop ɛrɔŋkɔ ka mȧta maŋ.