Kȧŋȧibinɛ 3:12 - Ȧŋlemrȧnɛ Ȧfu

¹² Kɔn ɔwe mə tham-e, i ti yɔ kȧmȧ ɔ yi akər ka ȧŋseth ŋa ɔKuru kȧmi, ɔ ba hɛ sɔ tə kəwur ri. Ɔwa i ti gbal ȧŋes ŋa ɔKuru kȧmi rokɔm kɔŋ, dɛ yi ȧŋes ŋa kȧpet ka ɔKuru kȧmi, ȧke yi mɔ Yerusalɛm kəfu, ȧke thor kəwur ro riyana kəwur ka ɔKuru kȧmi; ɔwa i ti kȧl gbal ȧŋes a mi afu ri.

Kȧŋȧibinɛ 3:12 ပူးပေါင်းရင်းမြစ်များ

Mark 12:16

kaŋ kȧrȧ ŋi. Kɔ pa ro ŋaŋ, Kanɛ ba mȧbȧlȧnɛ ame yi mȧgbal ame-e? kaŋ pa ro ŋɔŋ, Sisar.

AŋKȧletia 2:9

maŋ sɔthnɛ ȧŋboŋa aŋa a po sɔŋ mi-e, Yeməs, Kifas, yi Yɔnȧŋ aŋa a lɔm mɔ məkər ma aŋchɔch-e, aŋ sɔŋ saŋ Banabasȧŋ kȧta kədiyɔ ka məmanɛ; kȧmȧ saŋ sə kɔ ka tȧbona təlɔm, dɛ yi ŋaŋ ka ȧŋbirons.

AŋƐfisɔs 3:15

ɔwa kəwur do rɔŋɔŋ ŋa sɛŋk ro riyana yi ka ȧdȧru aŋ sɔthɔ ŋes,

AŋHibru 12:22

Kɛrɛ naŋ nə po der ka kateŋ ka Sayɔn-e, kȧpet ka ɔKuru ukəli, yi ka Yerusalɛm ȧke yi rokɔm, dɛ yi ka akobali kəbana ka amaleka agbȧthi,

AŋHibru 13:14

Pəkasifɛ anɔ sə ba hɛ kəpet kəthəbana, kɛrɛ sə thɛns kȧpet ȧke yi tə kəder.

1 Yɔn 4:4

Naŋ nə yi ka Kuru, awuth a mi alɔl, ɔwa nə po tham ŋa: pəkasifɛ kɔn ɔwe yi ro nu ɔ yi ubana pəthasi kɔn ɔwe yi ka ȧdȧru.

Kȧŋȧibinɛ 14:1

Ka i kəli, ɔwa kəlo, kəLɔmɛ kəfɛth ɔ təmȧ ka kateŋ ka Sayɔŋ, dɛ yi afəm ɛwul kɛmɛ kin təgba tərəŋ yanlɛ aŋ təmȧ yi kɔn, afəm ŋaŋ aŋa ba ȧŋes ŋɔŋ yi ȧŋes ŋa ɔKas kɔŋ ka mabuŋ maŋ.

Kȧŋȧibinɛ 17:14

Aŋ tə tim kaLɔmɛ kəfɛth, kɛrɛ kaLɔmɛ kəfɛth ɔ tə tham ŋa; kotȧy-e kɔnɔ yi ɔMarki ka amarki, dɛ yi ɔBȧy ka abȧy; ɔwa ŋaŋ sɔ aŋa tȧŋ kɔ, aŋ tə tham dɛ yi kɔn, ȧtesoma-e aŋ yi atela, yi athith, dɛ yi abɔthi lanɛ.

Kȧŋȧibinɛ 2:11

Ɔwe ba ɛləns ta ɔ təl ȧtȧ ɔYina ɔ pa ka ɛchɔch. Ɔwe mə tham ɔ ba hɛ tə kəsɔmpanɛ ka rafi ara bekȧ mȧrəŋ.

Kȧŋȧibinɛ 2:17

Ɔwe ba ɛləns ta ɔ təl ȧtȧ ɔYina ɔ pa ka ɛchɔch. Ɔwe mə tham-e, i ti sɔŋ kɔ ȧŋmana ȧmȧnknɛ, dɛ yi i ti sɔŋ kɔ ȧsar ȧferȧ; ɔwa ka aŋsar a tə gbal ȧŋes afu aŋa wuni o wuni ɔ te gbəli tȧrȧ thambe kɔn ɔwe sɔthɔ ŋi.

Kȧŋȧibinɛ 2:7

Ɔwe ba ɛləns ta ɔ təl ȧtȧ ɔYina ɔ pa ka ɛchɔch. Ɔwe mə tham-e, i ti sɔŋ kɔ tə kədi ka aŋənt ŋa aŋesəm aŋa yi ka ȧŋParadays ŋa Kuru Məsaba.

Kȧŋȧibinɛ 21:2

Ka i nənk kȧpet kəsəm ȧke yi mɔ-e Yerusalɛm kəfu, kə thor kəwur ro riyana ka Kuru, kəbɛnɛnɛ mɔ ubɛra ufath ɔwe yesinɛ ta ɔwos kɔŋ.

Kȧŋȧibinɛ 22:4

Ɔwa aŋ tə nənk ader rɔŋ, dɛ yi ȧŋes ŋɔŋ aŋ tə yi ka mabuŋ maŋ.

Kȧŋȧibinɛ 3:5

Ɔwe mə tham-e a tə lonsir kɔ suma təfera, ɔwa i ba hɛ kənasi ȧŋes ŋɔŋ kəwur ka ȧkȧfȧ ka aŋesəm, kɛrɛ i ti gbithanɛ ȧŋes ŋɔŋ rodi ka ɔKas kȧmi dɛ yi ka aŋmȧleka ŋɔŋ.