Kȧŋȧibinɛ 22:2 - Ȧŋlemrȧnɛ Ȧfu

² ɔwa kə thas ka aroŋ dəbana ra kȧpet, ka i nənk sɔ ka tamɔri tərəŋ ta kabaŋ-e, aŋənt ŋa aŋesəm ŋə yi, aŋa kom məkomi tətəp tɔfɔt tərəŋ, pə yi mɔ-e, aŋ kom ɔfu ŋof o ŋof. Ɔwa ɛbɔpər yati ɛ yi ta kadamər ka tȧbona.

Kȧŋȧibinɛ 22:2 ပူးပေါင်းရင်းမြစ်များ

Luk 4:18

ƆYina ka ɔMarki ɔ rensa mi, Pəkasifɛ ɔ po səməs mi tə kətɔri ȧkɛra kəfinɔ ka Kuru ka ȧŋmɔnɛ. Ɔ som mi tə kətaməs kasəli ka atɛndɛbira, Yi kakal kəli ka aŋfith, Tə kəsɔŋ rȧwankom ka aŋa a thiŋkər rə afɔsɔ rəkɔm.

1 Pitar 2:24

Kɔnɔ kati gbeŋ ɔ sara ɛhakɛ ɛ su ka ȧŋdɛr ŋɔŋ ka ȧŋpənki kȧmȧ saŋ ma sə yi sa afi ka ɛhakɛ-e, sə gbəli yi sa akəli ka mȧlompi, ɔwa a yenkəs nu ka tȧsam tɔŋ.

Kȧŋȧibinɛ 2:7

Ɔwe ba ɛləns ta ɔ təl ȧtȧ ɔYina ɔ pa ka ɛchɔch. Ɔwe mə tham-e, i ti sɔŋ kɔ tə kədi ka aŋənt ŋa aŋesəm aŋa yi ka ȧŋParadays ŋa Kuru Məsaba.

Kȧŋȧibinɛ 21:21

Ɔwa tadare tɔfɔt tərəŋ tə yi məlulu tɔfɔt mȧrəŋ; kədare o kədare alulu ŋin. Ɔwa aroŋ dəbana rə kȧpet rə yi məbɔŋɔ rəmaŋ, mɔ amɛmnɛ akelkel.

Kȧŋȧibinɛ 21:24

Ɔwa tȧbona ta aŋkisi tə kɔth ka kawalɛ kati; ka aŋbȧy ŋa ȧdȧru aŋ kȧrȧ ri ɛyiki yaŋ, dɛ yi ɛkori kori yaŋ.

Kȧŋȧibinɛ 22:1

Kɔ tɔri mi kȧbȧŋ ka ȧmȧnt ma aŋesəm, mətempi yereŋ, mə wur ka kawaŋ ka rȧbȧy ra Kuru yi ka kaLɔmɛ kəfɛth;

Kȧŋȧibinɛ 22:14

Afəm aruba ŋaŋ aŋa po yak ȧsuma taŋ kȧmȧ aŋ gbəli ba mamari tə kəder ka aŋənt ŋa aŋesəm, dɛ yi kȧmȧ aŋ gbəli wɔŋ ka tadare ta kȧpet.

Kȧŋȧibinɛ 22:19

ɔwa bepi wuni o wuni ɔ gbəŋki ȧsim ta ȧkɛra ka ȧkȧfȧ ake-e, Kuru ɔ tə nɔy ȧŋni ŋɔŋ ka aŋənt ŋa aŋesəm, dɛ yi ka kȧpet kəsəm, yi ka mȧtȧy ama a po gbal ka ȧkȧfȧ ake.