Kȧŋȧibinɛ 21:4 - Ȧŋlemrȧnɛ Ȧfu

⁴ Ɔwa Kuru ɔ tə nasi ȧmȧntər bɛ ka ɛfɔr yaŋ. Rəfi rə ba hɛ sɔ kəyi. Ɔwa ɔnɔsinɛ-o, kəbok-o, ta a pa ras ɔbaŋ-o, ɛ ba hɛ sɔ kəyi hali. Kotȧy-e mȧtȧy mətɔtɔkɔ mə po thas.

Kȧŋȧibinɛ 21:4 ပူးပေါင်းရင်းမြစ်များ

Mathiu 24:35

Ȧkȧriyana yi ȧdȧru ɛ ba kǝthas, kɛrɛ ȧsim ta mi tǝ ba hɛ kǝthas.

1 AŋKɔrenth 15:26

Ɔtheranɛ uləpsɔ ɔwe ɔ ba kədim kɔnɔ yi rafi.

1 AŋKɔrenth 7:31

ɔwa sɔ-e, aŋa mə kyanɛ ɛyɛt ya ȧdȧru are-e, ta aŋ te kyanɛ yi ɔləs, kotȧy-e mayi ma ȧdȧru mə ba kəthas.

2 AŋKɔrenth 5:17

Ȧtesoma-e bepi wuni o wuni ɔ yi rokor ka Kraist-e, ɔ yi wuni fu. Mȧtȧy məkur mə po thas; kəla mȧtȧy bɛ mə po səkɛ məfu.

2 AŋKɔrenth 6:17

Tiyȧŋ, Wur nu kətɔŋ ka ŋaŋ, ɔwa yi nu agbaskɛ, ɔMarki ɔ pa, Te gboŋ rəka o rəka rəyifa; Ɔwa i ti malanɛ nu,

AŋHibru 12:27

Ɔwa ȧrim are kəpa, Win gbo ras, rə tɔri kəpa a tə tɔŋa ɛyɛt ɛyɛ a gbəli yiŋktha, mɔ ɛyɛt ɛbɛmpa, kȧmȧ ɛyɛt ɛyɛ a te gbəli yiŋktha ɛ tə tiyȧ.

2 Pitar 3:10

Kɛrɛ ȧŋrey ŋa ɔMarki aŋ tə der mɔ ukei ka tȧtȧk. Ɔwa ka ȧŋrey ŋati tȧriyana tə tə thas yi ɛsɔnkɔ ɛbana, yi mayɛt bɛ mə tɔ thaŋkɛ yi ɔfey ɔninis, ka ȧdȧru dɛ yi mȧpanth ma afəm a kəpet bɛ mə tə fey mər.

1 Yɔn 2:17

Raru rə tə thas yi mafela mati, kɛrɛ kɔn ɔwe mə yɔ mȧselɔ ma Kuru ɔ tə yi haŋ thȧnkȧŋ thəbana.

Kȧŋȧibinɛ 20:13

Ɔwa kȧbȧŋ kəbana kə sɔŋ aŋfi aŋa yi ri, ka rəfi dɛ yi Kərəfi aŋ sɔŋ aŋfi aŋa yi ri sɔ; ka a thonkas wuni o wuni mɔlɔ ma mȧyɔs mɔŋ mə yi.

Kȧŋȧibinɛ 20:14

Ka a fitha rəfi yi Kərəfi ka ȧŋbonka ŋa nȧnt. Ɔwa rafi ara bekȧ mȧrəŋ riyȧŋ.

Kȧŋȧibinɛ 21:1

Ka i nənk kȧriyana kəfu dɛ yi ȧdȧru rəfu; kotȧy-e ȧkȧriyana dɛ yi ȧdȧru rətɔtɔkɔ rə po thas. Ɔwa kȧbȧŋ kəbana kə yi hɛ sɔ.

Kȧŋȧibinɛ 22:3

Ɔwa ȧranka o raŋka aŋ yi hɛ ri sɔ; kɛrɛ kawaŋ ka rȧbȧy ra Kuru dɛ yi ka kaLɔmɛ kəfɛth kə yi ka kȧpet, ɔwa ɛbɔy yɔŋ aŋ tə yɔna kɔ.

Kȧŋȧibinɛ 7:17

Kotȧy-e kaLɔmɛ kəfɛth ɔwe təmȧ rodi ka kawaŋ ka rȧbȧy ɔ tə yi utɔl ka ŋaŋ, ɔ tə kɔtha ŋa ka təfɔr ta mȧnt ma aŋesəm; ɔwa Kuru ɔ tə nasi ȧmȧntər bɛ ka ɛfɔr yaŋ.”