Kȧŋȧibinɛ 21:3 - Ȧŋlemrȧnɛ Ȧfu

³ Ka i təlȧ sɔ rim rəbana ara wur ka kawaŋ ka rȧbȧy, rə pa, Kəla, ɔyirȧ wa Kuru ɔ yi rɛ afəm a kəpet, ɔwa ɔ tə yirȧ kətɔŋ ka ŋaŋ-e, ɔwa aŋ tə yi aŋfəm ŋɔŋ, ka Kuru kɔn kɔnɔnɛ ɔ tə yi rɛ ŋaŋ, ɔwa ɔ tə yi ɔKuru ka ŋaŋ gbeŋ.

Kȧŋȧibinɛ 21:3 ပူးပေါင်းရင်းမြစ်များ

Yɔn 1:14

Ka Ȧrim rə səkɛ wuni, kɔ yirȧ kətɔŋ kȧsu, ɔwa sə kəli aŋyiki ŋɔŋ, aŋ yi mɔ aŋyiki ŋa ɔWan son ka ɔKas, ɔ la aboŋa yi tȧteŋ.

Yɔn 14:23

Yisɔsȧŋ ɔ pa ro ŋɔŋ, Bepi wuni ɔ bɔthər mi-e, ɔ tə wop ȧrim ra mi: ɔwa ɔKas kȧmi ɔ tə bɔthər kɔ, ɔwa sə tə der ro ŋɔŋ, sə tə yianɛ ro ŋɔŋ.

2 AŋKɔrenth 6:16

Ta a pa ras ko asekəranɛ ȧŋseth ŋa Kuru aŋ ba yi ɛyɛt ɛrɔŋ-e? Kotȧy-e saŋ sə yi ȧŋseth ŋa ɔKuru ukəli, mɔ mə Kuru ɔ pa, I ti yirȧ kətɔŋ ka ŋaŋ, ɔwa i ti kɔth kətɔŋ ka ŋaŋ; ɔwa i ti yi ɔKuru ka ŋaŋ, dɛ yi ŋaŋ aŋ tə yi aŋfəm a mi.

2 AŋKɔrenth 6:18

I ti yi uKas do rɔnu, dɛ yi naŋ nə tə yi aŋwuth a mi aruni yi aŋwuth a mi abɛra, ƆKuru ka aŋfɔsɔ bɛ ɔ pa.

1 AŋThɛsȧlonika 3:11

Ɔwa, kaŋka Kuru ɔKas kȧsu kɔn kɔnɔnɛ, yi ɔMarki kȧsu Yisɔs Kraystȧŋ, ɔ kɔthanɛ su do rɔnu.

AŋHibru 11:16

Kɛrɛ ka-ake aŋ fela athɔf afisa aŋa yi mɔ ro riyana; tiyȧŋ Kuru ɔ lap hɛ maŋ tela kɔ ɔKuru ka ŋaŋ, pəkasifɛ ɔ po bɛnɛnɛ kəpet ta ȧtȧ ŋaŋ.

AŋHibru 8:10

Kɛrɛ aŋlemranɛ ŋi aŋe aŋa mɛ re sek yi rȧkomra ra Isrɛl, Kədarəŋ ka marey mati, ɔMarki ɔ pa. I ti bot ɛthɔ ɛ mi ka ɛnanɛ yaŋ, I ti gbal yi ka ɛmerȧ yaŋ. Ɔwa i ti yi ɔKuru ka ŋaŋ, ɔwa ŋaŋ aŋ tə yi aŋfəm a mi.

AŋHibru 8:2

Kɔnɔ yi uFode ka ɔdɛr ɔsəm, dɛ yi ka ȧŋseth ŋa akotha atəteŋ ŋa Kuru, aŋa ɔMarki ɔ bɛmpa, pə yi hɛ wuni kəpet.

Kȧŋȧibinɛ 10:4

Ɔwa ma asɛŋ tȧmthədɛrəŋ tə po gbɛŋ-e, i bun gbal, kɛrɛ i təl rim rə wur ro riyana rə pa do rɔmi, Mȧthlɛ tȧpa ȧtȧ asɛŋ tȧmtədɛrəŋ tə po lɔm-e, te gbal ti.

Kȧŋȧibinɛ 10:8

Ka ȧrim ara i la təl kəwur ro riyana rə kȧl sɔ fɔfȧnɛ mi, rə pa, Kɔ gbasi ȧkȧfȧ kəlɔl kəkanthɛ ȧke yi ka kȧta ka ɔmaleka ɔwe təmȧ ka kȧbȧŋ dɛ yi ka aŋgbaŋ.

Kȧŋȧibinɛ 12:10

Ka i təlȧ rim rəbana ro riyana rə pa, Kakisi, yi aŋfɔsɔ, yi rȧbȧy ra ɔKuru kȧsu rə po der, yi aŋfɔsɔ ŋa kagbəka ka ɔKrayst kɔŋ; kotȧy-e a po wurɔ ɔkanɛ ɔwe mə kanɛnɛ aŋwɔnt su pali gbɛs rodi ka ɔKuru kȧsu.

Kȧŋȧibinɛ 21:7

Ɔwe tham ɔ tə sɔthɔ mȧtȧy ame bɛ kəŋ. Ɔwa minɛŋ i ti yi ɔKuru kɔŋ-e, ɔwa kɔnɔ ɔ tə yi ɔwan kȧmi.

Kȧŋȧibinɛ 22:3

Ɔwa ȧranka o raŋka aŋ yi hɛ ri sɔ; kɛrɛ kawaŋ ka rȧbȧy ra Kuru dɛ yi ka kaLɔmɛ kəfɛth kə yi ka kȧpet, ɔwa ɛbɔy yɔŋ aŋ tə yɔna kɔ.

Kȧŋȧibinɛ 7:15

Tiyȧŋ aŋ yi rodi ka kawaŋ ka rȧbȧy ra Kuru, kaŋ bȧtho kɔ pali gbɛs-əŋ ka ȧŋseth ŋa Kuru; ɔwa kɔn ɔwe yirȧ ka kawaŋ-e, ɔ tə fɔlnɛ ŋa.