Kȧŋȧibinɛ 20:2 - Ȧŋlemrȧnɛ Ȧfu

² Ɔwa ɔ wop ȧŋninkinanka, ȧŋbok ubaki kati, ɔwe yi ɔkərəfi dɛ yi Sethani, kɔ tand kɔ ta təren awul ŋin.

Kȧŋȧibinɛ 20:2 ပူးပေါင်းရင်းမြစ်များ

Mathiu 19:29

Ɔwa wuni o wuni ɔwe po tey ɛseth, thalɔm awɔnt aruni, thalɔm awɔnt abɛra, thalɔm ukas, thalɔm ukara, thalɔm urani, thalɔm awuth, thalɔm tǝthɔf salata ȧŋes a mi-e, ɔ tǝ bȧr sɔthɔ mɔlɔ ma kǝtǝma kɛmɛ kin, ɔwa ɔ tǝ sɔthɔ sɔ aŋesǝm thǝbana.

Mathiu 8:29

kaŋ sel ɛrɔŋ, aŋ pa, Ko tȧy tȧŋ saŋ sǝ ba yi munɔȧŋ-e, munɔ Yisɔs ɔWan ka Kuru-e? Mǝ po der nɔ tǝ kǝsɔmpa su yeŋka ȧŋlɔkɔ aŋ bek-i?

Mark 4:15

Aŋa yi ro roŋ dayɛr ro a sak ȧrim, ŋa yi aŋa bepi aŋ po təl-e, Sethani ɔ der ɔlɛmp wati ɔ nɔy ȧrim ara a sak ro rɔŋaŋ.

Mark 5:7

kɔ sɔŋkɔ yi rim rəbɔli rəkɔm, ɔ pa, Ko tȧy tȧŋ i ba yi munɔ-e, Yisɔs munɔ ɔWan ka Kuru ɔBɔlirəkɔm bɛ-e? Ka ȧŋes ŋa Kuru, i nɛmthɛnɛ mu kȧmȧ mə te sɔmpa mi.

Yɔn 12:31

Ka-ake ka pə yi kathoŋkas ka ȧdȧru are; ka-ake a tə wurɔ ɔwe yi rȧbomp ka ȧdȧru are.

Yɔn 16:11

ta kəthoŋkas ɛpa, pəkasifɛ a po thonkas ɔwe yi rȧbomp ra ȧdȧru are.

AŋRomans 16:20

Kaŋka ɔKuru ka məthɔfəl ɔ tə gbəmər Sethani ka tatək ta nu ratha thani. Ta ȧŋboŋa ŋa ɔMarki kȧsu Yisɔs Krayst aŋ yi yi naŋ.

AŋHibru 2:14

Tiyȧŋ ma aŋwuth aŋ ba madɛr yi mȧtir ma rawuni kəpet-e, kɔn kɔnɔnɛ sɔ ɔ gbasi mayi mati kȧmȧ kətȧŋȧnɛ ka rȧfi ɔ gbəli ləsər kɔn ɔwe ba aŋfɔsɔ ŋa rəfi, kɔnɔ yi mɔ Sethani.

1 Pitar 5:8

Yi nu na agbɛt, na abumnɛ; kotȧy-e ɔtheranɛ ka nu, Sethani, ɔ yanthənɛ mɔ ȧsoyla ubaŋ, kȧmȧ ɔ thɛns ɔwe mɔ gbȧri gbȧri.

2 Pitar 2:4

kotȧy-e bepi Kuru ɔ ter hɛ aŋmȧleka maŋ po yɔ ahakɛ-e, kɛrɛ ɔ fitha ŋa ro yahanama, tə kətand ŋa ka tɔrɛntha ka asum, kȧmȧ a bɛnɛ ŋa haŋ ka ȧŋlɔkɔ ŋa karɔk ɛpa.

Yud 1:6

Ɔwa aŋmȧleka aŋa te bɛnɛ mayi maŋ thəpaŋ, kɛrɛ aŋ tey mayira maŋ məlompi, ɔ bɛnɛ ŋa rə tɔrɛntha ka ȧŋsum abana haŋ ka kathoŋkas ka ȧŋrey abana.

Kȧŋȧibinɛ 12:13

Ɔwa ma ȧŋninkinanka ɔ nənk kəpa a thora kɔ ka ȧdȧru-e ɔ sɔmpar ɔwuni bom ɔwe kom ɔwath runi.

Kȧŋȧibinɛ 12:15

Ka ȧŋbok ɔ thuf mȧnt kəwur ka kȧsəŋ kɔŋ mɔ mȧnt məfɔl kətaŋ ɔwuni bom kȧmȧ ɔ dim kɔ ka mȧgbonthoni mati.

Kȧŋȧibinɛ 12:17

Ka ȧŋninkinanka ɔ ba rəbaŋ rəbana kəŋamnɛ ɔwuni bom, kɔ bɔnɛ tə kətim aŋwuth ŋɔŋ alɔm, aŋa bɛnɛ ɛyamari ya Kuru, dɛ yi aŋa wop maseri ma Yisɔs Krayst.

Kȧŋȧibinɛ 12:3

Ka ȧtȧy təkabanɛ təlɔm tə tɔrinɛ ka ȧkȧriyana; kəla aniŋkinaŋka ubana uyim, ɔwe ba təbomp tȧmthədɛrəŋ yi təlɛn tɔfɔt, dɛ yi ɛniɔ tȧmthədɛrəŋ ka tȧbomp tɔŋ.

Kȧŋȧibinɛ 12:4

Ka aŋleŋa ŋɔŋ aŋ liŋ ȧgbȧp ŋin ka ɛgbap ɛsas ya atɔs ta kȧriyana, kɔ fitha ti ka ȧdȧru. Ɔwa ȧŋninkinanka ɔ təmȧ rodi ka ɔwuni bom ma ɔ yi ka kəkom-e, tə kəsɔm ɔwan kɔŋ ka ɔlɛmp ma a po kom kɔ-e.

Kȧŋȧibinɛ 12:9

Ka a wurɔ ȧŋninkinanka ubana, pə yi mɔ ȧŋbok ukur ɔwe a tela ɔkərəfi dɛ yi Sethani, ɔwe tɔns ȧdȧru bɛ. Ka a fitha kɔ ka ȧdȧru dɛ yi aŋmȧleka ŋɔŋ sɔ.

Kȧŋȧibinɛ 13:2

Ɔsɛm ɔwe i nənk ɔ yi mɔ usip, ka tatək tɔŋ tə yi mɔ tatək ta kəthɔlu, ɔwa kȧsəŋ kɔŋ kə yi mɔ kȧsəŋ ka ȧsɔyila; ka ȧŋninkinanka ɔ sɔŋ kɔ aŋfɔsɔ ŋɔŋ gbeŋ, yi kawaŋ kɔŋ, dɛ yi kagbəka kɔŋ kəbana.

Kȧŋȧibinɛ 13:4

Ɔwa aŋ bȧtho ȧŋninkinanka pəkasifɛ ɔ sɔŋ aŋfɔsɔ ŋɔŋ ka ɔsɛm; kaŋ bȧtho ɔsɛm sɔ, kaŋ pa, Kanɛ yi mɔ ɔsɛm utuy tȧy ɔwe-e? Ɔwa kanɛ gbəli tim kɔ-e?

Kȧŋȧibinɛ 20:10

Ka a fitha Sethani ɔwe yɛthas ŋa-e ka ȧŋbonka ŋa nȧnt dɛ yi ȧsɔlfɔ, ro ɔsɛm utuy tȧy dɛ yi ɔnȧbi uyem aŋ yi; ɔwa a tə gbaŋar ŋa ri pali gbɛs-əŋ haŋ thȧnkȧŋ thəbana.

Kȧŋȧibinɛ 20:7

Ma təren awul ŋin tə poŋ-e, a tə ter Sethani kəwur ka ɔfəndȧnɛ wɔŋ.

Kȧŋȧibinɛ 9:11

Ɛlama aŋe aŋ ba ubȧy ɔwe yi mɔ-e ɔmaleka ka ȧŋbi aŋa te ba ɔthalnɛ, ɔwa ȧŋes ŋɔŋ ka kəHibru aŋ yi Abadɔn, kɛrɛ ka kəKrik a tela kɔ Apɔliyɔn.