Kȧŋȧibinɛ 2:9 - Ȧŋlemrȧnɛ Ȧfu

⁹ I tȧrȧ ansɔmpanɛ yi ȧŋmɔnɛ ma mu, (kɛrɛ mun yola). I tȧrȧ sɔ kafɔf kələs ka ŋaŋ aŋa pa hɔ aŋ yi aYuda, kɛrɛ aŋ yi hɛ, aŋ yi gbo ka ȧŋseth agbanɛ ŋa Sethani.

Kȧŋȧibinɛ 2:9 ပူးပေါင်းရင်းမြစ်များ

Mathiu 4:10

Ka Yisɔs ɔ pa ro ŋɔŋ, Sethani, sək mi rȧŋ! kotȧy-e a po gbal kǝpa, Mǝ yi tǝ kǝbatho ɔMarki ɔKuru ka mu, ɔwa kɔnɔ gbo son mǝ mǝ yɔna.

Luk 12:21

Ya ɔwuni ɔ yi ɔwe mə bɛnɛnɛ ɛyɛt ɛkɛŋ ta kɔn kɔnɔnɛ, ɔwa ɔ yi hɛ uyola ka ȧŋgbȧp ŋa Kuru.

Luk 22:65

Ɔwa tȧy təgbȧthi təlɔm tə aŋ fɔf ta atɔŋ tə kəsambos kɔ.

Luk 4:18

ƆYina ka ɔMarki ɔ rensa mi, Pəkasifɛ ɔ po səməs mi tə kətɔri ȧkɛra kəfinɔ ka Kuru ka ȧŋmɔnɛ. Ɔ som mi tə kətaməs kasəli ka atɛndɛbira, Yi kakal kəli ka aŋfith, Tə kəsɔŋ rȧwankom ka aŋa a thiŋkər rə afɔsɔ rəkɔm.

Luk 6:20

kɔ ŋata ɛfɔr yɔŋ ka aŋkarande ŋɔŋ, ɔ pa, Naŋ amɔnɛ nə ba aruba, kotȧy-e na ba rȧbȧy ra Kuru.

Yɔn 16:33

I po fɔfȧnɛ nu mȧtȧy ame bɛ, kȧmȧ nə ba məthɔfəl ro mi. Ka ȧdȧru nə tə ba asɔmpanɛ: kɛrɛ bȧk nu təbuth, i po tham ȧdȧru.

Mȧyɔs ma aŋsom 14:22

kaŋ bȧksər ɛmerȧ ya aŋkarande, aŋ maŋ ŋa tə kəbasər ka kȧlanɛ, ɔwa aŋ kanɛ ŋa sɔ kəpa, ka ɛsɔmpanɛ ɛgbathi sə tə wɔŋ ka rȧbȧy ra Kuru.

Mȧyɔs ma aŋsom 26:11

I thalər ŋa ɛlɔkɔ ɛgbathi ka ɛseth ɛgbanɛ, ka i mɛm tə kəyɔ ŋa aŋ ŋanmɛ Kurɔŋ. Ɔwa ma i yi ubaŋ hali ta ȧtȧ ŋaŋ-e, i sɔmpa ŋa haŋ ka təpet tətel.

AŋRomans 12:12

Ba nu məbɔnɛ ka kəgbȧk ȧmerȧ; muyu nu ka kəsɔmpanɛ, bȧsər nu ka kəramnɛ alɔkɔ bɛ.

AŋRomans 2:17

Ɔwa mə ba ȧŋes ŋa uYuda, mə sɛlinɛ ka ȧŋthɔ, mə kolonɛ ka Kuru,

AŋRomans 5:3

Ɔwa pə yi hɛ gbo yaŋ, kɛrɛ sə sel məbɔnɛ ka ɛsɔmpanɛ ɛ su sɔ, ma sə tȧrȧ kəpa kȧsɔmpanɛ kə tə kom kȧmuyu;

AŋRomans 8:35

Kanɛ sɔ mə gbaski su kəwur ka mabɔthər ma Kraist-e? Pə yi kəsɔmpanɛ-o, amɔnɛ-o, məkɛthanɛ-o, dor-o, rətiŋ-o, məsibo-o, thalɔm agbathɔ-i?

AŋRomans 9:6

Pə yi hɛ kəpa ȧrim ra Kuru rə po ləsȧ, kotȧy-e ŋa bɛ thahɔ aŋa yi ka Isrɛl, ŋa mə yi aŋIsrɛl tə tɛntɛnɛ.

2 AŋKɔrenth 6:10

mɔ mə sə saŋ ɛmɔl-e, kɛrɛ sə sel məbɔnɛ; mɔ amɔnɛ, kɛrɛ sə naŋfas afəm agbȧthi; mɔ mə sə te ba koko-e, kɛrɛ sə sɔthɔ mȧtȧy bɛ.

2 AŋKɔrenth 8:2

tə kəyi, hali kətɔŋ ka kəmɛmər ka kəsɔmpanɛ kəbana-e, kəwur ka ɔlasər wa mabɔnɛ dɛ yi amɔnɛ ma ŋaŋ məbana-e, aŋ sɔŋ ɛboya ɛfonsiri.

2 AŋKɔrenth 8:9

kotȧy-e nə tȧrȧ ȧŋboŋa ŋa ɔMarki kȧsu Yisɔs Kraystȧŋ, kəpa hali ma ɔ yi uyola-e, salata nu ɔ səkɛ umɔnɛ, kȧmȧ naŋ kətaŋ ka amɔnɛ mɔŋ-e, nə gbəli səkɛ ayola.

1 AŋThɛsȧlonika 3:4

Ɔwa tə tɛntɛnɛ ma sə yi dɛ yi naŋ sə yeŋka tɔri nu kəpa sə tə bəp ɛsɔmpanɛ. Ɔwa, ya mə pə yɔnɛ, mɔ mə nə tȧrȧ thɔŋ.

1 Timɔthi 1:13

minɛ ɔwe la yi wuni ŋamnɛ Kurɔŋ dɛ yi wuni thalər aŋchɔch, ka i la ləsər ɛpa yɔŋ bɛ. Kɛrɛ i po sɔthɔ ȧney pəkasifɛ i yɔ ti ka kȧte tȧrȧ yi kȧte lanɛ.

1 Timɔthi 6:18

Maŋ ŋa kȧmȧ aŋ yɔ təfinɔ, dɛ yi kȧmȧ aŋ yi ayola ka mȧyɔs məfinɔ dɛ yi tɛmp tɛmp tə kəsɔŋ ɛboya.

Kȧŋȧibinɛ 1:9

Minɛŋ, Yɔn, ɔwɔnt yi ɔkas ka nu ka asɔmpanɛ, yi ka rȧbȧy dɛ yi kamuyu ka Yisɔs Kraystȧŋ, i yi ka aŋyel aŋa mə a bont Patmɔs salata ȧrim ra Kuru, yi ta maseri ma Yisɔs Kraystȧŋ.

Kȧŋȧibinɛ 2:13

I tȧrȧ ro mə yirȧ, hali ro kawaŋ ka rȧbȧy ra Sethani kə yi. Ɔwa mə wop ȧŋes a mi gbaŋ-e, mə pɛnsa hɛ kȧlanɛ ka mu do rɔmi, hali ka marey ma Antipas, ɔseri kȧmi ubɔthi lanɛ, ɔwe aŋ dif kətɔŋ ka mu, ro Sethani ɔ yirȧ.

Kȧŋȧibinɛ 2:2

I tȧrȧ mȧyɔs yi mapanth dɛ yi kamuyu ka mu. I kȧl tȧrȧ kəpa mə gbəli hɛ selɔ afəm akənȧ, dɛ yi mə po mɛm ŋaŋ aŋa pa aŋ yi asom, maŋ te yi asom, ɔwa mə po fir kəpa aŋ yi afəm ayem;

Kȧŋȧibinɛ 2:24

Kɛrɛ i pa do rɔmu, yi ka aŋlɔm ro Thayatira aŋa te malanɛ mathəksa ame-e, pə yi mɔ-e ka ŋaŋ aŋa te tha thəkəs mȧtȧy ama mə a tela ɛgbundu ya Sethani. I ba hɛ sɔ kəreŋ mu kothe kəlɔm.

Kȧŋȧibinɛ 3:9

I ti yɔ ŋaŋ aŋa yi ka ȧŋseth agbanɛ ŋa Sethani, aŋa telanɛ a Yuda, kɛrɛ aŋ yi hɛ, aŋ yema gbo; i ti yɔ kȧmȧ aŋ der sanɛ ka ȧtatək ta mu, kȧmȧ aŋ tȧrȧ kəpa i po bɔthər mu.

Kȧŋȧibinɛ 7:14

Ka i pa do rɔŋɔŋ, “Pa, munɔ tȧrȧ.” Kɔ kȧl kanɛ mi hɔ, “Aŋe-e, aŋ wur ka ansɔmpanɛ abana, kaŋ po yak ȧsuma taŋ, ɔwa aŋ po fethər ti ka mȧtir ma kaLɔmɛ kəfɛth.