Kȧŋȧibinɛ 2:24 - Ȧŋlemrȧnɛ Ȧfu

²⁴ Kɛrɛ i pa do rɔmu, yi ka aŋlɔm ro Thayatira aŋa te malanɛ mathəksa ame-e, pə yi mɔ-e ka ŋaŋ aŋa te tha thəkəs mȧtȧy ama mə a tela ɛgbundu ya Sethani. I ba hɛ sɔ kəreŋ mu kothe kəlɔm.

Kȧŋȧibinɛ 2:24 ပူးပေါင်းရင်းမြစ်များ

Mȧyɔs ma aŋsom 15:28

kotȧy-e ɔYina məsəm ɔ nənk ti ɔfinɔ, ɔwa saŋ sɔ, tə kəte reŋ nu kothe o kothe pəthas mȧtȧy məmari ame,

Mȧyɔs ma aŋsom 16:14

Ka ubɛra ulɔm, ȧŋes ŋɔŋ ŋȧ yi Lidya, uthila totha təyim-e, ɔ yi ka kȧpet ȧke a bont Thiatira, ɔwe bȧtho Kurɔŋ; kɔnɔ təlȧ su. Ɔwa ɔMarki ɔ kanthi ȧŋmerȧ ŋɔŋ kȧmȧ ɔ botər ȧmerȧ ta mȧtȧy ama Pɔlȧŋ ɔ fɔf.

1 AŋKɔrenth 2:10

Kɛrɛ Kuru ɔ po ŋaibi ma ro rɔsu ka ɔYina məsəm, kotȧy-e ɔYina məsəm ɔ thekthek mȧtȧy bɛ, yao, hali mȧtȧy məbɔlɔŋ ma Kuru.

2 AŋKɔrenth 11:3

Kɛrɛ i soli ta thani mɔ mə ȧŋbok ɔ tɔns Ma Hawa ka masɔth mɔŋ-e, yaŋ sɔ ɛmerȧ ɛ nu ɛ tə yɛthȧ kəwur ka ɔfɔy tȧy dɛ yi ɔfethər ɔwe yi ka Kraystȧŋ.

2 AŋKɔrenth 2:11

ta thani Sethani ɔ sɔthɔ afɛrɛ tə kətham su. Fɔtha sə tȧrȧ masɔth mɔŋ.

Yeməs 3:15

Kɛrɛ kȧtemp ake kə yi hɛ kȧtemp ka rəbaki ȧke wur rokɔm, kə yi gbo ȧka ȧdȧru, kə taŋanɛ ɔləs, kə yi ka Sethani.

Kȧŋȧibinɛ 1:11

rǝ pa hɔ, Minɛ yi Alfa yi Omeka, ɔTɔtɔkɔ yi ɔLəpsɔ; gbal ȧtȧ mə nənk ka areka, ɔwa somra ŋi ka ɛchɔch tȧmthədɛrəŋ, ka ro Ɛfisɔs, ro Smayna, ro Pakamɔm, ro Thayatira, ro Sadis, ro Filadɛlfiya, dɛ yi ro La-odishiya.

Kȧŋȧibinɛ 12:9

Ka a wurɔ ȧŋninkinanka ubana, pə yi mɔ ȧŋbok ukur ɔwe a tela ɔkərəfi dɛ yi Sethani, ɔwe tɔns ȧdȧru bɛ. Ka a fitha kɔ ka ȧdȧru dɛ yi aŋmȧleka ŋɔŋ sɔ.

Kȧŋȧibinɛ 13:14

kɔ pəŋis aŋfəm ka ȧdȧru kətȧŋȧnɛ ka mȧtȧy məkabanɛ ama ɔ ba afɔsɔ tə kəyɔ ka kȧbəprȧnɛ ka ɔsɛm; kɔ kanɛ aŋfəm ka ȧdȧru tə kəbɛmpa arɔŋ ka mȧbȧlȧnɛ ma ɔsɛm utuy tȧy ɔwe a la yɔ ɔbaŋ rɛ aŋgbathɔ, kɛrɛ ɔ yi ukəli halisa.

Kȧŋȧibinɛ 2:13

I tȧrȧ ro mə yirȧ, hali ro kawaŋ ka rȧbȧy ra Sethani kə yi. Ɔwa mə wop ȧŋes a mi gbaŋ-e, mə pɛnsa hɛ kȧlanɛ ka mu do rɔmi, hali ka marey ma Antipas, ɔseri kȧmi ubɔthi lanɛ, ɔwe aŋ dif kətɔŋ ka mu, ro Sethani ɔ yirȧ.

Kȧŋȧibinɛ 2:18

Gbal ka ɔkəlianɛ ka aŋchɔch ŋa ro Thayatira kəpa ye, Ȧsim ta ɔWan ka Kuru ɔwe ba ɛfɔr mɔ nȧnt nəmara, yi tatək mɔ akɛm akelkel, ti ȧte,

Kȧŋȧibinɛ 2:9

I tȧrȧ ansɔmpanɛ yi ȧŋmɔnɛ ma mu, (kɛrɛ mun yola). I tȧrȧ sɔ kafɔf kələs ka ŋaŋ aŋa pa hɔ aŋ yi aYuda, kɛrɛ aŋ yi hɛ, aŋ yi gbo ka ȧŋseth agbanɛ ŋa Sethani.