Kȧŋȧibinɛ 2:23 - Ȧŋlemrȧnɛ Ȧfu

²³ Ɔwa i ti dif aŋwuth ŋɔŋ, kȧmȧ ɛchɔch bɛ aŋ tȧrȧ kəpa minɛŋ, minɛ mə thekthek ɛnanɛ dɛ yi ɛmerȧ ya afəm; ɔwa i ti sɔŋ kin o kin kətɔŋ ka mu mɔlɔ ma mapanth mɔŋ mɔ yi.

Kȧŋȧibinɛ 2:23 ပူးပေါင်းရင်းမြစ်များ

Mathiu 16:27

kotȧy-e ɔWan ka wuni ɔ tǝ der ka aŋyiki ŋa ɔKas kɔŋ yi aŋmȧleka ŋɔŋ. Ɔwa ka ȧŋlɔkɔ ŋati ɔ tǝ sɔŋ wuni o wuni amɔlɔ ma mȧyɔs mɔŋ mǝ yi.

Luk 16:15

kɔ pa ro ŋaŋ, Naŋ nə yema yɔ kȧmȧ afəm aŋ nənk nu alompi kɛrɛ Kuru ɔ tȧrȧ ɛmerȧ ɛ nu, kotȧy-e ȧte aŋfəm mə aŋ wop mɔ tȧy təbana tə yi təfarkɛ rodi ka Kuru.

Yɔn 21:17

Yisɔsȧŋ ɔ kȧl pa ro ŋɔŋ kəbeka məsas, Saymɔn, ɔwan ka Yɔnas, mə bɔthər mi-i? Ɔwa Pita ɔ saŋ amɔl ta ma Yisɔs ɔ pa ro ŋɔŋ kəbeka məsas, Mə bɔthər mi-i? kɔ pa ro ŋɔŋ, Pa, mə tȧrȧ mȧtȧy bɛ; mə tȧrȧ kəpa i bɔthər mu. Yisɔsȧŋ ɔ pa ro ŋɔŋ, Wɔnthər talɔmɛ ta mi.

Yɔn 4:16

Yisɔsȧŋ ɔ pa ro ŋɔŋ, Kɔnɛ, tela ɔwos mu, kȧmȧ mə kȧl der.

Mȧyɔs ma aŋsom 1:24

kaŋ ramnɛ, aŋ pa, Munɔ ɔMarki, mə tȧrȧ ɛmerȧ ya afəm bɛ, tɔri su ɔreke ka aŋarəŋ aŋe mə po thith,

AŋRomans 14:12

Te ba ti ukin o kin kȧsu sə ba kəlɔmsənɛ ka Kuru.

AŋRomans 8:27

Ɔwa kɔn ɔwe mə gbɛlɛŋ ɛmerȧ ɔ tȧrȧ ko ȧŋmerȧ ŋa ɔYina məsəm aŋ yi, pəkasifɛ ɔ nɛmthɛnɛ ta salata aŋfəm ŋa Kuru kətȧŋȧnɛ ka mȧselɔ ma Kuru.

2 AŋKɔrenth 5:10

kotȧy-e saŋ nu bɛ sə ba tə kətəma rodi ka kawaŋ ka kərɔk ɛpa ka Kraystȧŋ, kȧmȧ wuni o wuni ɔ sɔthɔ ȧŋrȧm ŋa mȧyɔs ama ɔ po yɔ ka madɛr, bepi mə yi məfinɔ thalɔm mələs.

AŋKȧletia 6:5

Ȧtesoma-e wuni o wuni ɔ ba tə kəsara akothe kɔŋ gbeŋ.

AŋHibru 4:13

Ɔwa rəka o rəka rəbɛmpa rə yi hɛ ara ɔ te nəŋka rəfɔr; kɛrɛ koko rə yi rətiŋ dɛ yi rəgbafəth ka kakəli ka ɔwe sə ba tə kəgbakia.

1 Pitar 1:17

Ɔwa bepi nə tela ka ɔKas ɔwe thonkas mȧyɔs ma wuni o wuni kəte ba agbȧy-e, kɔth nu ȧŋbiyas a nu nɔru yi rənes.

Kȧŋȧibinɛ 2:11

Ɔwe ba ɛləns ta ɔ təl ȧtȧ ɔYina ɔ pa ka ɛchɔch. Ɔwe mə tham ɔ ba hɛ tə kəsɔmpanɛ ka rafi ara bekȧ mȧrəŋ.

Kȧŋȧibinɛ 2:7

Ɔwe ba ɛləns ta ɔ təl ȧtȧ ɔYina ɔ pa ka ɛchɔch. Ɔwe mə tham-e, i ti sɔŋ kɔ tə kədi ka aŋənt ŋa aŋesəm aŋa yi ka ȧŋParadays ŋa Kuru Məsaba.

Kȧŋȧibinɛ 20:12

Ka i nənk aŋfi alɔl dɛ yi abana, aŋ təmȧ rodi ka Kuru-e, ka a kanthi tafa; ka a kanthi sɔ kafa kəlɔm ȧke yi ȧkȧfȧ ka aŋesəm. Ɔwa a thonkas aŋfi kətȧŋȧnɛ ka mȧtȧy ama a po gbal ka ȧtȧfȧ, mɔlɔ ma mȧyɔs maŋ mə yi.

Kȧŋȧibinɛ 20:13

Ɔwa kȧbȧŋ kəbana kə sɔŋ aŋfi aŋa yi ri, ka rəfi dɛ yi Kərəfi aŋ sɔŋ aŋfi aŋa yi ri sɔ; ka a thonkas wuni o wuni mɔlɔ ma mȧyɔs mɔŋ mə yi.

Kȧŋȧibinɛ 22:12

Kəla, minɛ i ti der lɛmp; ɔwa ȧŋrȧm a mi aŋ yi yi minɛŋ tə kəram wuni o wuni mɔ mə mȧyɔs mɔŋ mə yi.

Kȧŋȧibinɛ 6:8

Ka i kəli, ɔwa i nənk ȧsoy ȧferȧ pər; ȧŋes ŋa ɔwe rensa kɔ aŋ yi Rəfi, dɛ yi Kərəfi kə tȧŋ kɔ. Ɔwa a sɔŋ ŋa afɔsɔ rokɔm ka ȧgbȧp ŋin ŋa ɛgbap yanlɛ ya ȧdȧru tə kədif rə agbathɔ yi dor, dɛ yi rəfi, rɛ tȧsɛm abaŋ aŋ ro kanth.