Ɔwe ba ɛləns ta ɔ təl ȧtȧ ɔYina ɔ pa ka ɛchɔch. Ɔwe mə tham-e, i ti sɔŋ kɔ ȧŋmana ȧmȧnknɛ, dɛ yi i ti sɔŋ kɔ ȧsar ȧferȧ; ɔwa ka aŋsar a tə gbal ȧŋes afu aŋa wuni o wuni ɔ te gbəli tȧrȧ thambe kɔn ɔwe sɔthɔ ŋi.
Afəm aruba dɛ yi asəm ŋaŋ aŋa bəpər ka kȧyokanɛ ka aŋfi kətɔtɔkɔ; rafi ara bekȧ mȧrəŋ rə ba hɛ afɔsɔ rokɔm ka ŋaŋ, kɛrɛ aŋ tə yi afode ŋa Kuru dɛ yi Kraystȧŋ, ɔwa aŋ tə gbəka rɛ kɔn təren awul ŋin.
Kɛrɛ ŋaŋ aŋa ba rənes yi ante lanɛ, dɛ yi aŋləs-e, yi ŋaŋ aŋa dif kəsias-e, yi aŋfəm arəpi, dɛ yi anthupəs-e, yi ŋaŋ aŋa ramnɛ ɛyɛt ɛbumərnɛ, dɛ yi afəm ayem bɛ-e, aŋ tə ba ɛgbap yaŋ ka ȧŋbonka ŋa nȧnt dɛ yi salfər. Rafi ara bekȧ mȧrəŋ, riyȧŋ.
Kɔn ɔwe mə tham-e, i ti yɔ kȧmȧ ɔ yi akər ka ȧŋseth ŋa ɔKuru kȧmi, ɔ ba hɛ sɔ tə kəwur ri. Ɔwa i ti gbal ȧŋes ŋa ɔKuru kȧmi rokɔm kɔŋ, dɛ yi ȧŋes ŋa kȧpet ka ɔKuru kȧmi, ȧke yi mɔ Yerusalɛm kəfu, ȧke thor kəwur ro riyana kəwur ka ɔKuru kȧmi; ɔwa i ti kȧl gbal ȧŋes a mi afu ri.
Ɔwe mə tham-e a tə lonsir kɔ suma təfera, ɔwa i ba hɛ kənasi ȧŋes ŋɔŋ kəwur ka ȧkȧfȧ ka aŋesəm, kɛrɛ i ti gbithanɛ ȧŋes ŋɔŋ rodi ka ɔKas kȧmi dɛ yi ka aŋmȧleka ŋɔŋ.