Kȧŋȧibinɛ 19:9 - Ȧŋlemrȧnɛ Ȧfu

⁹ kɔ kanɛ mi, Gbal ȧte, Afəm ŋa aruba ŋaŋ, aŋa a tela ka ȧmet ma kȧnȧntȧnɛ ka kȧLɔmɛ kəfɛth. Kɔ pa sɔ do rɔmi, hɔ, Ȧsim atəteŋ ta Kuru, ti ȧte.

Kȧŋȧibinɛ 19:9 ပူးပေါင်းရင်းမြစ်များ

Luk 22:16

kotȧy-e i kanɛ nu i ba hɛ tə kədi ŋi sɔ haŋ a po lasər ŋi ka rȧbȧy ra Kuru.

1 Timɔthi 1:15

Ȧŋpa aŋe aŋ yi abɔthi malanɛ bɛ, ɔbeki ta afəm bɛ tə kəlanɛ, kəpa ye Krayst Yisɔs ɔ der ka ȧdȧru tə kəkisis afəm ŋa ahakɛ; ɔwa minɛ yi ɔbȧy ka ŋaŋ.

1 Timɔthi 4:9

Apa abɔthi lanɛ ŋaŋ, ɔwa aŋ yi amari malanɛ bɛ.

2 Timɔthi 2:11

Aŋe, ŋȧ yi apa abɔthi lanɛ; ka pə yi bepi sə poŋ thɔŋ fi yi kɔn, sə tə kȧl kəli yi kɔn.

Taytɔs 3:8

Ȧrim are rə yi tȧteŋ, ɔwa i yema kȧmȧ mə thiŋkər mȧtȧy ame katkat kȧmȧ ŋaŋ aŋa po lanɛ Kuru-e aŋ gbəli yi afəm asɔbɛ tə kəyɔ məyɔs məfinɔ. Mȧtȧy ame mə yi məfinɔ, ɔwa mə mar sɔ afəm bɛ.

Kȧŋȧibinɛ 1:1

Kaŋaibinɛ ka Yisɔs Krayst ȧke Kuru ɔ sɔŋ kɔ, tə kətɔri ɛbɔy yɔŋ mȧtȧy ama ba kəder ka ɔthan ɔwe; ɔwa ɔ som umȧleka kɔŋ tə kətɔri ti ka ȧŋbɔy ŋɔŋ Yɔnȧŋ.

Kȧŋȧibinɛ 1:19

Tiyȧŋ gbal ȧtȧ mə po nənk, yi ȧtȧ mə yɔnɛ ka-ake, yi mȧtȧy ȧma ba tə kəyɔnɛ rodi.

Kȧŋȧibinɛ 10:4

Ɔwa ma asɛŋ tȧmthədɛrəŋ tə po gbɛŋ-e, i bun gbal, kɛrɛ i təl rim rə wur ro riyana rə pa do rɔmi, Mȧthlɛ tȧpa ȧtȧ asɛŋ tȧmtədɛrəŋ tə po lɔm-e, te gbal ti.

Kȧŋȧibinɛ 14:13

Ka i təlȧ rim kəwur ro riyana rə pa, Gbal ȧte, Aruba ŋaŋ aŋa fi ka ɔMarki kətəp ka-ake. Ya pə yi ɔYina ɔ pa, kȧmȧ aŋ fothanɛ ka mapanth maŋ; ȧtesoma-e mȧyɔs maŋ mə tȧŋ ŋa nɛp nɛp.

Kȧŋȧibinɛ 17:1

Ka ȧŋlɔkɔ ŋati ukin ka aŋmȧleka tȧmthədɛrəŋ aŋa ba ɛbɔl tȧmthədɛrəŋ ɔ der ro rɔmi, kɔ pa, Der, ɔwa i ti tɔri mu aŋthoŋkas ŋa ɔbɛra urəpi ubana ɔwe yirȧ rokɔm ka ȧmȧnt məgbathi-e,

Kȧŋȧibinɛ 17:17

Pəkasifɛ Kuru ɔ po bot ti ka ɛmerȧ yaŋ tə kəyɔ mȧselɔ mɔŋ, maŋ ba ȧmerȧ ŋin tə kəsɔŋ tabȧy taŋ ka ɔsɛm ubaŋ haŋ ȧsim ta Kuru tə po lasər.

Kȧŋȧibinɛ 2:1

Gbal ka ɔkəlianɛ ka aŋchɔch ŋa ro Ɛfisɔs kəpa ye, Kɔn ɔwe wop atɔs tȧmthədɛrəŋ ka kȧta kɔŋ kədiyɔ, ɔwe kɔth kətɔŋ ka tamulɛ ta məbɔŋɔ tamthədɛrəŋ-e, ɔ pa hɔ,

Kȧŋȧibinɛ 2:12

Gbal ka ɔkəlianɛ ka aŋchɔch ŋa ro Pakamɔm kəpa ye, Kon ɔwe ba aŋgbathɔ awɔŋi aŋa ba ran narəŋ ɔ pa hɔ.

Kȧŋȧibinɛ 2:18

Gbal ka ɔkəlianɛ ka aŋchɔch ŋa ro Thayatira kəpa ye, Ȧsim ta ɔWan ka Kuru ɔwe ba ɛfɔr mɔ nȧnt nəmara, yi tatək mɔ akɛm akelkel, ti ȧte,

Kȧŋȧibinɛ 2:8

Gbal ka ɔkəlianɛ ka aŋchɔch ŋa ro Smayna kəpa ye, Ȧsim ta ɔTɔtɔkɔ yi ɔLəpsɔ-e, kɔn ɔwe po fi kɛrɛ ɔ kȧl po ba aŋesəm, ti ȧte.

Kȧŋȧibinɛ 21:5

Ɔwa kɔn ɔwe yirȧ ka kawaŋ ka rȧbȧy ɔ pa, Kəla, i təpi mȧtȧy bɛ ɔfu. Kɔ pa do rɔmi, Gbal ȧsim ȧte, kotȧy-e tə yi təteŋ dɛ yi təbɔthi lanɛ.

Kȧŋȧibinɛ 22:6

Kɔ pa do rɔmi, Ȧsim ȧte tə yi təbɔthi lanɛ yi təteŋ. Ɔwa ɔMarki ɔKuru ka Aŋnȧbi asəm, ɔ somra ɔmaleka kɔŋ tə kətɔri ɛbɔy yɔŋ mȧtȧy ama ba tə kəyeŋk der.

Kȧŋȧibinɛ 3:1

Gbal ka ɔkəlianɛ ka aŋchɔch ŋa ro Sadis kəpa ye. Kɔn ɔwe ba ɛYina tȧmthədɛrəŋ ka Kuru dɛ yi atɔs tȧmthədɛrəŋ ɔ pa, I tȧrȧ mȧyɔs ma mu tə kəyi mə ba ŋes kəpa mə yi ukəli, kɛrɛ mə yi ufi.

Kȧŋȧibinɛ 3:14

Gbal ka ɔkəlianɛ ka aŋchɔch ŋa ro La-odishiya kəpa ye, Ȧsim ta ɔwe yi ɔSeri utəteŋ, ɔTəpi ka ɛyɛt ɛbɛmpa ya Kuru, ti ȧte.

Kȧŋȧibinɛ 3:20

Kəla i təmȧ ka kadare, i gbȧtgbȧt. Bepi wuni o wuni ɔ təl ȧrim ra mi, ɔwa ɔ kanthi kadare, i ti wɔŋ, i ti di yi kɔn, dɛ yi kɔn ɔ tə di yi minɛŋ.

Kȧŋȧibinɛ 3:7

Gbal ka ɔkəlianɛ ka aŋchɔch ŋa ro Filadɛlfiya kəpa ye, Ɔwe yi usəm yi utəteŋ, ɔwe ba masapɔ ma Debid, ɔwe mə kanthi, ɔwa wuni o wuni ɔ gbəli hɛ kantha, kɔ kȧl kantha, ɔwa wuni o wuni ɔ gbəli hɛ kanthi; ɔkati ɔ pa,