Kȧŋȧibinɛ 17:8 - Ȧŋlemrȧnɛ Ȧfu

⁸ Ɔsɛm ubaŋ ɔwe mə po nənk ɔ la yi, kɛrɛ ɔ yi hɛ sɔ, kɛrɛ pə tiyȧ gbo ɔthan ɔ tə kȧl wur ka ȧŋbi aŋa te ba ɔthalnɛ, kəkɔnɛ ka kadinɛ; ɔwa aŋfəm ŋa ȧdȧru aŋ tə kabanɛ, ŋa bɛ aŋa te la ba ames maŋ ka ȧkȧfȧ ka aŋesəm kȧbi ka ɔtəpɛr wa ȧdȧru, maŋ nənk ɔsɛm ubaŋ ɔwe la yi, ɔwa ɔ yi hɛ sɔ, kɛrɛ ɔ yi tə kəder.

Kȧŋȧibinɛ 17:8 ပူးပေါင်းရင်းမြစ်များ

Mathiu 25:34

Ka ȧŋlɔkɔ ŋati ɔBȧy ɔ tǝ pa ro ŋaŋ ka kȧdiyɔ kɔŋ, Der nu naŋ aruba ŋa ɔKas kȧmi, wɔŋ nu ka rȧbȧy ara a bɛnɛnɛ ta ȧtȧ nu kǝbi ma ȧdȧru rǝ tǝpɛ.

Luk 10:20

Kɛrɛ te ti ba məbɔnɛ ta ma nə po tham aŋkərəfi, kɛrɛ ta pə bɔnɛ nu pəkasifɛ a po gbal ames ma nu ro riyana.

Luk 8:31

kaŋ nɛmthɛnɛ kɔ kȧmȧ ɔ te yamari ŋa tə kəkɔ ka ȧŋbi aŋa te ba ɔthȧlnɛ.

Yɔn 17:24

Pa, aŋfəm aŋa mə po sɔŋ mi, i yema kȧmȧ ŋaŋ sɔ aŋ yi ro minɛŋ i yi; kȧmȧ aŋ nənk aŋyiki a mi aŋa mə po sɔŋ mi: ȧtesoma-e mə bɔthər mi yeŋka a bot ɔtəmər wa ȧdȧru.

Mȧyɔs ma aŋsom 15:18

ƆMariki ɔwe mə tɔri mȧtȧy ame bɛ kȧbi ka thəpaŋ, kɔnɔ pa.

AŋƐfisɔs 1:4

Mɔlɔ ma Kuru-e, ɔ po thith su rokor ka Krayst yeŋka ɔ təmər ȧdȧru, kȧmȧ sə gbəli yi asəm dɛ yi apaŋi tȧy rodi kɔŋ ka məbɔthər.

Taytɔs 1:2

Ka kagbak ȧmerȧ ka aŋesəm thəbana, ȧke Kuru-e, ɔwe gbəli hɛ yema, ɔ po lahiri kȧbi ka ɔtəpɛr wa ȧdȧru;

1 Pitar 1:20

Tɛntɛnɛ a thith kɔ yeŋka ɔtəmsər wa ȧdȧru, kɛrɛ a ŋaibi kɔ ka marey mələpsɔ ame ta ȧtȧ nu.

Kȧŋȧibinɛ 11:7

Maŋ pons maseri maŋ-e, ɔsɛm ubaŋ ɔwe wur ka ȧŋbi aŋa te ba ɔthalnɛ-e, ɔ tə tim ŋa, ɔwa ɔ tə tham ŋa, kɔ tə kȧl dif ŋa.

Kȧŋȧibinɛ 17:11

Ɔsɛm ubaŋ ɔwe la yi kɛrɛ ɔ yi hɛ ka-ake, kɔnɔ beka tamthərɛsas, kɛrɛ ɔ yi ukasa ka antamthədɛrəŋ, ɔwa kɔnɔ sɔ ɔ tə kɔnɛ ka kadinɛ.

Kȧŋȧibinɛ 17:2

ɔwe aŋbȧy ŋa ȧdȧru aŋ tȧŋ rə kəyɔ kərəp, ɔwe yɔ sɔ kȧmȧ aŋfəm ŋa ȧdȧru aŋ tis maber ma karəp kɔŋ.

Kȧŋȧibinɛ 20:10

Ka a fitha Sethani ɔwe yɛthas ŋa-e ka ȧŋbonka ŋa nȧnt dɛ yi ȧsɔlfɔ, ro ɔsɛm utuy tȧy dɛ yi ɔnȧbi uyem aŋ yi; ɔwa a tə gbaŋar ŋa ri pali gbɛs-əŋ haŋ thȧnkȧŋ thəbana.

Kȧŋȧibinɛ 20:12

Ka i nənk aŋfi alɔl dɛ yi abana, aŋ təmȧ rodi ka Kuru-e, ka a kanthi tafa; ka a kanthi sɔ kafa kəlɔm ȧke yi ȧkȧfȧ ka aŋesəm. Ɔwa a thonkas aŋfi kətȧŋȧnɛ ka mȧtȧy ama a po gbal ka ȧtȧfȧ, mɔlɔ ma mȧyɔs maŋ mə yi.

Kȧŋȧibinɛ 20:15

Ɔwa wuni o wuni ɔwe te ba ȧŋes ŋɔŋ ka ȧkȧfȧ ka aŋesəm-e, a tǝ fitha kɔ ka ȧŋbonka ŋa nȧnt.

Kȧŋȧibinɛ 3:10

Kȧbi munɔ mə po bɛnɛ ȧrim ra mi-e, tȧsom minɛ sɔ i ti bɛnɛ mu ka ȧŋlɔkɔ ŋa kamɛmər aŋa mə der ka ȧdȧru bɛ tə kəmɛm aŋfəm nɔru.

Kȧŋȧibinɛ 3:5

Ɔwe mə tham-e a tə lonsir kɔ suma təfera, ɔwa i ba hɛ kənasi ȧŋes ŋɔŋ kəwur ka ȧkȧfȧ ka aŋesəm, kɛrɛ i ti gbithanɛ ȧŋes ŋɔŋ rodi ka ɔKas kȧmi dɛ yi ka aŋmȧleka ŋɔŋ.