Kȧŋȧibinɛ 16:6 - Ȧŋlemrȧnɛ Ȧfu

⁶ Ȧtesoma-e afəm aŋ po loŋ mȧtir ma aŋfəm asəm, dɛ yi Aŋnȧbi, ɔwa munɔ po sɔŋ ŋa mətir tə kəmun; kotȧy-e aŋ yi abeki ta ti.

Kȧŋȧibinɛ 16:6 ပူးပေါင်းရင်းမြစ်များ

Kȧŋȧibinɛ 11:18

Ɔwa tȧbona tə bansȧ, kɛrɛ rabaŋ da mu rə der; dɛ yi ȧŋlɔkɔ tə kəthoŋkas aŋfi-e, tə kəsɔŋ ȧŋrȧm ka ɛbɔy ɛ mu Aŋnȧbi, yi ka aŋfəm ŋa Kraystȧŋ, yi ka ŋaŋ aŋa nesa ȧŋes a mu-e, aŋlɔl dɛ yi aŋbana. Ɔwa ȧŋlɔkɔ aŋ der sɔ tə kələsər ŋaŋ aŋa ləsər ȧdȧru.

Kȧŋȧibinɛ 18:24

Ka a fir do rɔŋɔŋ mȧtir ma anȧbi-e, yi ȧma aŋfəm asəm, dɛ yi ŋa bɛ aŋa a po dif ka ȧdȧru.

Kȧŋȧibinɛ 13:15

Ka a sɔŋ kɔ afɔsɔ tə kəsɔŋ aŋesəm ka mȧbȧlȧnɛ ma ɔsɛm kȧmȧ mȧbȧlȧnɛ ma ɔsɛm mə gbəli fɔf, ka a kȧl yɔ kȧmȧ a dif ŋaŋ aŋa kasi tə kəbatho mȧbȧlȧnɛ mati.

Kȧŋȧibinɛ 19:2

pəkasifɛ kathoŋkas kɔŋ kə yi kəlompi dɛ yi təteŋ, kotȧy-e ɔ po thonkas ɔbɛra urəpi ubana ɔwe po ləsər ȧdȧru bɛ ka karəp kɔŋ, kɔ po kala kɔ ta mȧtir ma ɛbɔy yɔŋ ama ɔ po loŋ.

Kȧŋȧibinɛ 13:10

Ɔwe yema wɔŋȧ wuni rə kɛndɛbira-e, kɔnɔ ɔ tə wɔŋ rə kɛndɛbira. Ɔwe yema dif rə aŋgbathɔ-e, a tə dif kɔ rɛ aŋgbathɔ. Ȧŋlɔkɔ ŋi aŋe ta aŋfəm ŋa Yisɔs tə kətɔri kamuyu yi kȧlanɛ ka ŋaŋ.

Kȧŋȧibinɛ 18:20

Sel məbɔnɛ ta ti, munɔ kȧriyana rɛ na asəm, yi na asom, dɛ yi anȧbi; pəkasifɛ Kuru ɔ po thonkas kəŋamnɛ kɔ ta ȧtȧ nu.

AŋHibru 10:29

Kɛrɛ kɔn ɔwe mə nas nas ɔWan ka Kuru-e, dɛ yi ɔwe nənk ɔyai mȧtir ma aŋlemranɛ aŋa po səməs kɔ-e, ɔwa ɔwe say sɔ ɔYina ka aboŋa-e, nə nanɛ hɛ kəpa kɔnɔ yi ubeki tə kəsɔthɔ athalər athasər-i?

Mathiu 7:2

kotȧy-e kathoŋkas ȧke mǝ nǝ thoŋkas-e kǝ mǝ a thonkas nu; ɔwa aŋthuntha aŋa mǝ nǝ thunth-e, ŋǝ mǝ a kȧl thuntha nu.

Luk 12:48

kɛrɛ ɔwe te tȧrȧ, kɛrɛ ɔ yɔ mȧtȧy məbeki tə kəsɔthɔ kəsap, a tə sap kɔ ɔthan. Kotȧy-e rə wuni o wuni ɔwe a sɔŋ ɔgbȧthi a tə yemar kɔ ɔgbȧthi; ɔwa ka ɔwe a maŋkər ɔgbȧthi a tə yif ɔthasər.