Kȧŋȧibinɛ 15:2 - Ȧŋlemrȧnɛ Ȧfu

² Ɔwa i nənk ara bȧlȧnɛ mɔ kəbaŋ ka amɛmnɛ kə kulunɛ yi nȧnt; ka ŋaŋ aŋa po tham ɔsɛm-e, yi mȧbȧlȧnɛ mɔŋ-e, yi aŋlomar ŋɔŋ-e, dɛ yi aŋyirka ŋa ȧŋes ŋɔŋ-e, aŋ təmȧ ro bȧŋ dayɛr, kaŋ bət ɛgbulu ya Kuru.

Kȧŋȧibinɛ 15:2 ပူးပေါင်းရင်းမြစ်များ

Mathiu 3:11

Minɛŋ yathi, i baftays nu yi mȧnt ka kǝthupi, kɛrɛ ɔwe mǝ der kǝdarǝŋ kȧmi kɔnɔ thasi mi afɔsɔ. I bek hɛ tǝ kǝwop ɛkɔftha yɔŋ. Ɔ tǝ baftays nu yi ɔYina mǝsǝm yi nȧnt.

1 Pitar 1:7

Soma aŋlanɛ a nu-e, aŋa yi abȧki mɔlɔ pəthasi məbɔŋɔ, (ama pə yi-e, hali mə tə dinɛ, a mɛmər ma ka anant), a tə thekthek ŋi kȧmȧ aŋ gbəli wurɔ kəthɔkəs, yi kəkolo, dɛ yi kəyikis ka kaŋaibinɛ ka Yisɔs Kraystȧŋ.

1 Pitar 4:12

Ambɔthər a mi, ta pə te kɛtha nu ta amɛm abaŋ aŋa ba tə kəderər nu, mɔ ȧtȧy ȧtȧ nə te nanɛ tə gbəli bəp nu.

Kȧŋȧibinɛ 12:11

Kɛrɛ aŋ tham kɔ ka mȧtir ma kaLɔmɛ kəfɛth, yi ka ȧrim ra maseri maŋ; ɔwa aŋ sɔnd ɛŋesəm yaŋ haŋ ka rəfi.

Kȧŋȧibinɛ 13:1

Ka i təmȧ ka kasənt ka ro bȧŋ dayɛr, ka i nənk usɛm utuy tȧy, ɔ wur ka kȧbȧŋ, ɔ ba təbomp tȧmthədɛrəŋ yi ɛlɛn tɔfɔt, ka ɛniyɔ tɔfɔt ɛ yi ka ɛlɛn yɔŋ, ɔwa ka tabomp tɔŋ a gbal mes ma kəfofiya Kuru.

Kȧŋȧibinɛ 13:14

kɔ pəŋis aŋfəm ka ȧdȧru kətȧŋȧnɛ ka mȧtȧy məkabanɛ ama ɔ ba afɔsɔ tə kəyɔ ka kȧbəprȧnɛ ka ɔsɛm; kɔ kanɛ aŋfəm ka ȧdȧru tə kəbɛmpa arɔŋ ka mȧbȧlȧnɛ ma ɔsɛm utuy tȧy ɔwe a la yɔ ɔbaŋ rɛ aŋgbathɔ, kɛrɛ ɔ yi ukəli halisa.

Kȧŋȧibinɛ 13:17

kȧmȧ wuni o wuni ɔ te gbəli way thalɔm thila thambe kɔn ɔwe ba aŋlomar, thalɔm ȧŋes ŋa ɔsɛm, thalɔm aŋyirka ŋa ȧŋes ŋɔŋ.

Kȧŋȧibinɛ 21:18

Ka a bɛmpa anthatha ŋati rə məsar məbaki mɔlɔ mə a tela ayaspa; ɔwa kȧpet kə yi ka məbɔŋɔ, məgbəraŋ mɔ amɛmnɛ akelkel.

Kȧŋȧibinɛ 4:6

Ɔwa kəbaŋ ka ɛmɛmnɛ mɔ kristal kə yi rodi ka kawaŋ ka rȧbȧy. Ɔwa ɛwuka akəli ŋanlɛ aŋ yi kətɔŋ ka kawaŋ, dɛ yi ȧgbȧp o gbap ŋa kawaŋ-e, kaŋ la yi ɛfɔr rodi yi rodarəŋ.

Kȧŋȧibinɛ 5:8

ɔwa ma ɔ po gbasi akafa-e, ɛwuka ŋanlɛ yi aŋbȧki kəgba ŋanlɛ aŋ fumpɔ rodi ka kȧLɔmɛ kəfɛth, ukin o kin ɔ ba agbulu, dɛ yi ɛlanka ya mȧbɔŋɔ ɛla ɛgboŋgbo ɛyɛ yi mɔ tȧramnɛ ta aŋsəm.