Kȧŋȧibinɛ 13:8 - Ȧŋlemrȧnɛ Ȧfu

⁸ Ɔwa ŋa bɛ aŋa yirȧ ka ȧdȧru aŋ tə bȧtho kɔ, pə yi mɔ-e, ŋa bɛ aŋa te ba ames maŋ ka ȧkȧfȧ ka aŋesəm ka kaLɔmɛ kəfɛth, ɔwe a fai sathka kȧbi ka ɔtəpɛr wa ȧdȧru.

Kȧŋȧibinɛ 13:8 ပူးပေါင်းရင်းမြစ်များ

Mathiu 25:34

Ka ȧŋlɔkɔ ŋati ɔBȧy ɔ tǝ pa ro ŋaŋ ka kȧdiyɔ kɔŋ, Der nu naŋ aruba ŋa ɔKas kȧmi, wɔŋ nu ka rȧbȧy ara a bɛnɛnɛ ta ȧtȧ nu kǝbi ma ȧdȧru rǝ tǝpɛ.

Luk 10:20

Kɛrɛ te ti ba məbɔnɛ ta ma nə po tham aŋkərəfi, kɛrɛ ta pə bɔnɛ nu pəkasifɛ a po gbal ames ma nu ro riyana.

Yɔn 1:29

Ka ȧŋrey alɔm-e, Yɔnȧŋ ɔ nənk Yisɔsȧŋ ɔ der ro ŋɔŋ, ɔ pa, Kəli kaLɔmɛ kəfɛth ka Kuru ɔwe mə sara aŋhakɛ ŋa ȧdȧru!

AŋƐfisɔs 1:4

Mɔlɔ ma Kuru-e, ɔ po thith su rokor ka Krayst yeŋka ɔ təmər ȧdȧru, kȧmȧ sə gbəli yi asəm dɛ yi apaŋi tȧy rodi kɔŋ ka məbɔthər.

AŋFilipai 4:3

I nɛmthɛnɛ mu sɔ, ɔmar kȧmi ubɔthi lanɛ, kȧmȧ mə mar afəm abom aŋa po mar mi ka ȧkɛra kəfinɔ ka Kuru-e, yi Klɛmɛnt sɔ, dɛ yi aŋmar a mi alɔm aŋa ba ames maŋ ka ȧkȧfȧ ka aŋesəm.

Taytɔs 1:2

Ka kagbak ȧmerȧ ka aŋesəm thəbana, ȧke Kuru-e, ɔwe gbəli hɛ yema, ɔ po lahiri kȧbi ka ɔtəpɛr wa ȧdȧru;

Kȧŋȧibinɛ 12:15

Ka ȧŋbok ɔ thuf mȧnt kəwur ka kȧsəŋ kɔŋ mɔ mȧnt məfɔl kətaŋ ɔwuni bom kȧmȧ ɔ dim kɔ ka mȧgbonthoni mati.

Kȧŋȧibinɛ 13:12

Ɔwa ɔ kianɛ aŋfɔsɔ bɛ ŋa ɔsɛm utɔtɔkɔ ka kȧbəprȧnɛ kɔŋ-e, kɔ yɔ kȧmȧ ȧdȧru yi afəm bɛ aŋ bȧtho ɔsɛm utɔtɔkɔ ɔwe ba kasam ȧke po yeŋk.

Kȧŋȧibinɛ 17:8

Ɔsɛm ubaŋ ɔwe mə po nənk ɔ la yi, kɛrɛ ɔ yi hɛ sɔ, kɛrɛ pə tiyȧ gbo ɔthan ɔ tə kȧl wur ka ȧŋbi aŋa te ba ɔthalnɛ, kəkɔnɛ ka kadinɛ; ɔwa aŋfəm ŋa ȧdȧru aŋ tə kabanɛ, ŋa bɛ aŋa te la ba ames maŋ ka ȧkȧfȧ ka aŋesəm kȧbi ka ɔtəpɛr wa ȧdȧru, maŋ nənk ɔsɛm ubaŋ ɔwe la yi, ɔwa ɔ yi hɛ sɔ, kɛrɛ ɔ yi tə kəder.

Kȧŋȧibinɛ 21:27

Kɛrɛ tȧy tələs tə gbəli hɛ wɔŋ di thəbana, thalɔm ɔwe yi unɔkɔ, thalɔm uyem; kɛrɛ ŋaŋ gbo son aŋa ba ames maŋ ka ȧkȧfȧ ka aŋesəm ka kaLɔmɛ kəfɛth.

Kȧŋȧibinɛ 3:10

Kȧbi munɔ mə po bɛnɛ ȧrim ra mi-e, tȧsom minɛ sɔ i ti bɛnɛ mu ka ȧŋlɔkɔ ŋa kamɛmər aŋa mə der ka ȧdȧru bɛ tə kəmɛm aŋfəm nɔru.

Kȧŋȧibinɛ 3:20

Kəla i təmȧ ka kadare, i gbȧtgbȧt. Bepi wuni o wuni ɔ təl ȧrim ra mi, ɔwa ɔ kanthi kadare, i ti wɔŋ, i ti di yi kɔn, dɛ yi kɔn ɔ tə di yi minɛŋ.

Kȧŋȧibinɛ 3:5

Ɔwe mə tham-e a tə lonsir kɔ suma təfera, ɔwa i ba hɛ kənasi ȧŋes ŋɔŋ kəwur ka ȧkȧfȧ ka aŋesəm, kɛrɛ i ti gbithanɛ ȧŋes ŋɔŋ rodi ka ɔKas kȧmi dɛ yi ka aŋmȧleka ŋɔŋ.

Kȧŋȧibinɛ 5:12

kaŋ pa rə rim rəbana, KaLɔmɛ kəfɛth ɔwe a fay sathka ɔ yi ubeki tə kəsɔthɔ afɔsɔ, yi rəyola, yi kətemp, yi kətham, yi ayiki, yi kəthɔkəs, dɛ yi aruba.

Kȧŋȧibinɛ 5:13

Ka rəka o rəka bɛ ro riyana, yi ka ȧdȧru, yi ratha ka ȧdȧru, yi ro bȧŋ, dɛ yi koko bɛ ara yi ri, i təl ma aŋ pa-e, Aruba-o, ayiki-o, kȧthɔkəs-o, dɛ yi aŋfɔsɔ ɛ yi do rɔŋɔŋ ɔwe yirȧ ka kawaŋ ka rȧbȧy, yi ka kaLɔmɛ kəfɛth thȧnkȧŋ o thȧnkȧŋ.

Kȧŋȧibinɛ 6:1

Ɔwa i nənk ma kaLɔmɛ kəfɛth ɔ sim ȧŋmȧthlɛ ȧtɔtɔkɔ, ka i təlȧ ukin ka ɛwuka akəli ŋanlɛ ɔ pa rə rim mɔ rɛŋ, Der kəli.