Kȧŋȧibinɛ 13:11 - Ȧŋlemrȧnɛ Ȧfu

¹¹ Ka i nənk usɛm ulɔm ɔ wur ka ȧŋthɔf; ɔ ba ɛlɛn yɛrəŋ mɔ kəlɔmɛ kəfɛth, kɔ fɔf mɔ aniŋkinaŋka.

Kȧŋȧibinɛ 13:11 ပူးပေါင်းရင်းမြစ်များ

Mathiu 7:15

Botnɛ nu rǝ ȧmerȧ ta aŋnabi ayem aŋa mǝ der ro nu rǝ ɛlopra ya tǝlɔmɛ, kɛrɛ rokor aŋ yi tǝthɔlu alukǝs.

AŋRomans 16:18

Ȧtesoma-e afəm awunɔŋ aŋ yi hɛ ɛbɔy ya ɔMarki Krayst, aŋ yi gbo antar ŋa ɛmilɛ yaŋ. Ɔwa aŋ tə pəŋis ɛmerȧ ya ante tȧrȧ tȧy kətȧŋȧnɛ ka kafɔf ka ŋaŋ kəfinɔ, kəbɔthi təl.

2 AŋThɛsȧlonika 2:4

Ɔwe mə tim, kɔ ŋatanɛ kəŋamnɛ kuru o kuru, thalɔm rəka o rəka mə a bȧtho; haŋ thɔŋ kɔnɔ gbeŋ ɔ tə yirȧ ka ȧŋseth ŋa Kuru asəm, kɔ pa kɔn kɔnɔnɛ ɔ yi Kuru Məsabaŋ.

Kȧŋȧibinɛ 11:7

Maŋ pons maseri maŋ-e, ɔsɛm ubaŋ ɔwe wur ka ȧŋbi aŋa te ba ɔthalnɛ-e, ɔ tə tim ŋa, ɔwa ɔ tə tham ŋa, kɔ tə kȧl dif ŋa.

Kȧŋȧibinɛ 12:17

Ka ȧŋninkinanka ɔ ba rəbaŋ rəbana kəŋamnɛ ɔwuni bom, kɔ bɔnɛ tə kətim aŋwuth ŋɔŋ alɔm, aŋa bɛnɛ ɛyamari ya Kuru, dɛ yi aŋa wop maseri ma Yisɔs Krayst.

Kȧŋȧibinɛ 13:1

Ka i təmȧ ka kasənt ka ro bȧŋ dayɛr, ka i nənk usɛm utuy tȧy, ɔ wur ka kȧbȧŋ, ɔ ba təbomp tȧmthədɛrəŋ yi ɛlɛn tɔfɔt, ka ɛniyɔ tɔfɔt ɛ yi ka ɛlɛn yɔŋ, ɔwa ka tabomp tɔŋ a gbal mes ma kəfofiya Kuru.

Kȧŋȧibinɛ 13:17

kȧmȧ wuni o wuni ɔ te gbəli way thalɔm thila thambe kɔn ɔwe ba aŋlomar, thalɔm ȧŋes ŋa ɔsɛm, thalɔm aŋyirka ŋa ȧŋes ŋɔŋ.

Kȧŋȧibinɛ 13:4

Ɔwa aŋ bȧtho ȧŋninkinanka pəkasifɛ ɔ sɔŋ aŋfɔsɔ ŋɔŋ ka ɔsɛm; kaŋ bȧtho ɔsɛm sɔ, kaŋ pa, Kanɛ yi mɔ ɔsɛm utuy tȧy ɔwe-e? Ɔwa kanɛ gbəli tim kɔ-e?

Kȧŋȧibinɛ 16:13

Ka i nəŋk ɛyina ɛsas ɛnɔkɔ mɔ ɛtal, ɛ wur ka kȧsəŋ ka ȧŋninkinanka, ka kȧsəŋ ka ɔsɛm utuy tȧy, dɛ yi ka kȧsəŋ ka ɔnȧbi uyem.

Kȧŋȧibinɛ 17:6

Ɔwa i nənk ɔwuni bom ɔwe ɔ tis yi mȧtir ma aŋfəm ŋa Yisɔs dɛ yi mȧtir ma maseri ma Yisɔs. Ma i nənk kɔ i kabanɛ sɔbɛ,

Kȧŋȧibinɛ 17:8

Ɔsɛm ubaŋ ɔwe mə po nənk ɔ la yi, kɛrɛ ɔ yi hɛ sɔ, kɛrɛ pə tiyȧ gbo ɔthan ɔ tə kȧl wur ka ȧŋbi aŋa te ba ɔthalnɛ, kəkɔnɛ ka kadinɛ; ɔwa aŋfəm ŋa ȧdȧru aŋ tə kabanɛ, ŋa bɛ aŋa te la ba ames maŋ ka ȧkȧfȧ ka aŋesəm kȧbi ka ɔtəpɛr wa ȧdȧru, maŋ nənk ɔsɛm ubaŋ ɔwe la yi, ɔwa ɔ yi hɛ sɔ, kɛrɛ ɔ yi tə kəder.