Kȧŋȧibinɛ 12:9 - Ȧŋlemrȧnɛ Ȧfu

⁹ Ka a wurɔ ȧŋninkinanka ubana, pə yi mɔ ȧŋbok ukur ɔwe a tela ɔkərəfi dɛ yi Sethani, ɔwe tɔns ȧdȧru bɛ. Ka a fitha kɔ ka ȧdȧru dɛ yi aŋmȧleka ŋɔŋ sɔ.

Kȧŋȧibinɛ 12:9 ပူးပေါင်းရင်းမြစ်များ

Mathiu 13:39

Ɔtheranɛ ɔwe sak ki-e, Sethani kɔnɔȧŋ. Ȧŋlɔkɔ ŋa karɔk aŋ yi ɔthalnɛ wa ȧdȧru, ɔwa aŋrɔk, ŋa yi aŋmȧleka.

Mathiu 24:24

kotȧy-e aKrayst ayem yi anȧbi ayem aŋ tǝ yokanɛ, aŋ tǝ tɔri ɛmisali ɛbana yi mətȧy mǝkabanɛ, kȧmȧ a yɛthǝs aŋthith ŋa Kuru bepi pǝ fɔi tȧy.

Mathiu 25:41

Ȧŋlɔkɔ ŋati ɔ tǝ pa ro ŋaŋ aŋa yi ka kȧmɛrɔ kɔŋ, wur mi nɔ naŋ aŋa ba ȧranka, kɔnɛ nu ka anant na tǝbana ana a bɛnɛnɛ ta ɔkǝrǝfi yi aŋmȧleka ŋɔŋ.

Mathiu 4:1

Ȧŋlɔkɔ ŋati ɔYina ɔ kera Yisɔsȧŋ ro wula kȧmȧ Sethani ɔ gbɔns kɔ.

Mathiu 4:10

Ka Yisɔs ɔ pa ro ŋɔŋ, Sethani, sək mi rȧŋ! kotȧy-e a po gbal kǝpa, Mǝ yi tǝ kǝbatho ɔMarki ɔKuru ka mu, ɔwa kɔnɔ gbo son mǝ mǝ yɔna.

Mathiu 4:5

Ka Sethaniȧŋ ɔ kera kɔ ka kȧpet kǝsǝm, kɔ tǝmǝr kɔ rokɔm ka ȧŋseth ŋa Kuru, ɔ pa ro ŋɔŋ,

Mathiu 4:8

Ka Sethaniȧŋ ɔ kera kɔ sɔ ka kǝteŋ kǝbɔli rǝkɔm, kɔ tɔri kɔ tabȧy bɛ ta ȧdȧru, yi ɛyiki yati.

Luk 10:18

kɔ pa ro ŋaŋ, I nənk Sethani ɔ fumpɔ mɔ ɔnakthinɛ kəwur ka ȧkuru.

Luk 13:16

Ɔwa ɔwuni bom ɔwe, ma ɔ yi wan ubɛra ka Ebraham-e, ɔwe Sethani ɔ po sek ta təren tɔfɔt tamthərɛsas-e, pə mar hɛ tə kəsəli kɔ ka ȧŋsabath-i?

Luk 22:3

Ka Sethani ɔ wɔŋ ka Yudas ɔwe a bont Iskariyɔt, ukin ka aŋtɔfɔt ŋarəŋ.

Luk 22:31

Saymɔn, Saymɔn, Sethani ɔ yema ba mu kȧmȧ ɔ fɛk mu mɔ pəla,

Luk 8:12

Ŋaŋ ka aroŋ ŋa yi ŋaŋ aŋa təl. Ȧŋlɔkɔ ŋati Sethani ɔ der, ɔ nɔy ȧrim ka ɛmerȧ yaŋ kȧmȧ aŋ te lanɛ, ɔwa aŋ te sɔthɔ kakisi.

Yɔn 12:31

Ka-ake ka pə yi kathoŋkas ka ȧdȧru are; ka-ake a tə wurɔ ɔwe yi rȧbomp ka ȧdȧru are.

Yɔn 14:30

I fɔfȧnɛ hɛ nu sɔ ɔgbȧthi: kotȧy-e rȧbomp ra ȧdȧru are ɔ der, kɛrɛ ɔ ba hɛ tȧy o tȧy ro mi.

Yɔn 16:11

ta kəthoŋkas ɛpa, pəkasifɛ a po thonkas ɔwe yi rȧbomp ra ȧdȧru are.

Yɔn 8:44

Nia nə yi ka ɔkas ka nu Sethani, ɔwa ɛfela ya ɔkas ka nu yɛ nə yema yɔ. Ɔ yi udif kȧbi ka katəp, ɔ təmȧ hɛ ka tȧteŋ, pəkasifɛ tȧteŋ tə yi hɛ ro ŋɔŋ. Ma ɔ fɔf rəyem-e, ɔ fɔf ta atɔŋ: ȧtesoma-e uyem wɔŋ, yi ɔkas kati.

Mȧyɔs ma aŋsom 26:18

tə kəkanthi ɛfɔr yaŋ kȧmȧ aŋ wur ka ȧŋsum, aŋ der ka kawalɛ, kȧmȧ aŋ wur ka aŋfɔsɔ ŋa Sethani kəkɔ ka Kuru, kȧmȧ aŋ sɔthɔ katerɔ ka ɛhakɛ yi kɛŋ kətɔŋ ka ŋaŋ aŋa a səməs rə kəlanɛ mi.

Mȧyɔs ma aŋsom 5:3

Kɛrɛ Pitaŋ ɔ pa, Ananayas, to som Sethani ɔ lasər ȧŋmerȧ a mu kȧmȧ mə yemsa ɔYina məsəm, kəpa mə bɛnɛ ȧgbȧp ŋin ka amɔlɔ ma aŋkai-e?

AŋRomans 16:18

Ȧtesoma-e afəm awunɔŋ aŋ yi hɛ ɛbɔy ya ɔMarki Krayst, aŋ yi gbo antar ŋa ɛmilɛ yaŋ. Ɔwa aŋ tə pəŋis ɛmerȧ ya ante tȧrȧ tȧy kətȧŋȧnɛ ka kafɔf ka ŋaŋ kəfinɔ, kəbɔthi təl.

AŋRomans 16:20

Kaŋka ɔKuru ka məthɔfəl ɔ tə gbəmər Sethani ka tatək ta nu ratha thani. Ta ȧŋboŋa ŋa ɔMarki kȧsu Yisɔs Krayst aŋ yi yi naŋ.

2 AŋKɔrenth 11:14

Ɔwa tȧy təkabanɛ thahɔ, kotȧy-e Sethani gbeŋ ɔ gbəli səkɛnɛ mɔ wurɔ ka kawalɛ.

2 AŋKɔrenth 11:3

Kɛrɛ i soli ta thani mɔ mə ȧŋbok ɔ tɔns Ma Hawa ka masɔth mɔŋ-e, yaŋ sɔ ɛmerȧ ɛ nu ɛ tə yɛthȧ kəwur ka ɔfɔy tȧy dɛ yi ɔfethər ɔwe yi ka Kraystȧŋ.

2 AŋKɔrenth 12:7

Ɔwa ta thani i ŋatanɛ ɔthasər-e, salata manəŋk məbana ame-e, a sɔŋ mi kəbȧnk ka ȧŋdɛr, pə yi mɔ ɔsom ka Sethani tə kəsɔmpa mi, kȧmȧ i te ŋatanɛ ɔthasər.

2 AŋKɔrenth 2:11

ta thani Sethani ɔ sɔthɔ afɛrɛ tə kətham su. Fɔtha sə tȧrȧ masɔth mɔŋ.

2 AŋKɔrenth 4:4

Ka ȧŋgbȧp a ŋaŋ ɔkuru ka ȧdȧru are ɔ po fithəs ɛmerȧ ya ante lanɛ kȧmȧ ɔwaŋ wa mapa məfinɔ ma aŋyiki ŋa Krayst ɔwe yi mȧbȧlȧnɛ ma Kurɔŋ ɔ te gbɛnthar ŋa.

AŋƐfisɔs 4:14

Kama sə te sɔ yi afɛth aŋa aŋfef ŋa kəthəksa o thəksa mə aŋ falir-e, pə yi mɔ ayaŋfa ŋa afəm ka masɔth maŋ rə kȧyɔ kȧrȧfu kȧrȧfu.

2 AŋThɛsȧlonika 2:3

Te selɔ wuni o wuni ɔ tɔns nu hali; kotȧy-e ȧŋrey ŋati aŋ gbəli hɛ bek thambe kakal mədarəŋ kə mɔtha der, ɔwa ɔwuni kati ka ahakɛ, pə yi mɔ-e, ɔwan ka kədinɛ, ɔ mɔtha tɔrinɛ.

1 Timɔthi 2:14

A tɔns hɛ Adȧm, kɛrɛ a tɔns ɔrani kɔŋ, kɔ fumpɔ ka ahakɛ.

2 Timɔthi 3:13

Kɛrɛ afəm aləs yi afəm ayaŋfa aŋ tə bȧr gbo yi aləs, aŋ tə tɔns alɔm, ɔwa aŋ tə tɔnsnɛ.

AŋHibru 2:14

Tiyȧŋ ma aŋwuth aŋ ba madɛr yi mȧtir ma rawuni kəpet-e, kɔn kɔnɔnɛ sɔ ɔ gbasi mayi mati kȧmȧ kətȧŋȧnɛ ka rȧfi ɔ gbəli ləsər kɔn ɔwe ba aŋfɔsɔ ŋa rəfi, kɔnɔ yi mɔ Sethani.

1 Pitar 5:8

Yi nu na agbɛt, na abumnɛ; kotȧy-e ɔtheranɛ ka nu, Sethani, ɔ yanthənɛ mɔ ȧsoyla ubaŋ, kȧmȧ ɔ thɛns ɔwe mɔ gbȧri gbȧri.

1 Yɔn 5:19

Saŋ sə tȧrȧ kəpa sə yi ka Kuru, yi ȧdȧru bɛ rə yi ka aŋfɔsɔ ŋa Sethani.

Yud 1:9

Kɛrɛ Maikɛl ɔmaleka ubana, maŋ pɛnsanɛ yi Sethani ta kabel ka Mosis ɔ mintha hɛ fəŋfsər kɔ, kɛrɛ ɔ pa, Ta ɔMarki ɔ ŋal mu.

Kȧŋȧibinɛ 12:12

Tiyȧŋ ba məbɔnɛ munɔ kȧriyana, dɛ yi naŋ sɔ aŋa yirȧ ri. Sɛkɛ nu-o, naŋ aŋa yi ka ȧdȧru, dɛ yi ka kȧbȧŋ kəbana; pəkasifɛ Sethani ɔ po thor do rɔnu, ɔwa ɔ ba rəbaŋ rəbana, kotȧy-e ɔ tȧrȧ kəpa ɔ ba gbo alɔkɔ agbut.

Kȧŋȧibinɛ 12:3

Ka ȧtȧy təkabanɛ təlɔm tə tɔrinɛ ka ȧkȧriyana; kəla aniŋkinaŋka ubana uyim, ɔwe ba təbomp tȧmthədɛrəŋ yi təlɛn tɔfɔt, dɛ yi ɛniɔ tȧmthədɛrəŋ ka tȧbomp tɔŋ.

Kȧŋȧibinɛ 12:7

Ɔwa rəfȧ rə wɔŋ ka ȧkȧriyana; Maykɛl yi aŋmȧleka ŋɔŋ aŋ tim ȧŋninkinanka; ka ȧŋninkinanka dɛ yi aŋmȧleka ŋɔŋ aŋ tim sɔ.

Kȧŋȧibinɛ 12:8

Kɛrɛ aŋ thamrɔ, ɔwa aŋ ba hɛ sɔ məyira ro riyana.

Kȧŋȧibinɛ 13:14

kɔ pəŋis aŋfəm ka ȧdȧru kətȧŋȧnɛ ka mȧtȧy məkabanɛ ama ɔ ba afɔsɔ tə kəyɔ ka kȧbəprȧnɛ ka ɔsɛm; kɔ kanɛ aŋfəm ka ȧdȧru tə kəbɛmpa arɔŋ ka mȧbȧlȧnɛ ma ɔsɛm utuy tȧy ɔwe a la yɔ ɔbaŋ rɛ aŋgbathɔ, kɛrɛ ɔ yi ukəli halisa.

Kȧŋȧibinɛ 16:14

Ɔwa aŋ yi ɛyina ya akərəfi aŋa yɔ ɛmisali, ka aŋ kɔ ka aŋbȧy ŋa ȧdȧru bɛ, tə kəthoŋkla ŋa rɔkin ta ȧrəfȧ ra ȧŋrey abana ŋa ɔKuru ka aŋfɔsɔ.

Kȧŋȧibinɛ 18:2

kɔ lak dim rəbana gbaŋkəlo, ɔ pa, Babilɔn kȧpet kəbana kə po simtha, kə po simtha, ɔwa kə po səkɛ mayira ma akərəfi dɛ yi ɔdɛr ɔmaŋknɛ wa aronsoŋ o ronsoŋ, yi ȧbȧmp o bȧmp unɔkɔ,

Kȧŋȧibinɛ 18:23

ȧŋmothȧ ŋa amulɛ aŋ ba hɛ sɔ kəgbɛntha do rɔmu, ɔwa a ba hɛ sɔ kətəla ri ȧrim ra ɔruni ufath dɛ yi ɔbɛra ufath hali. Kotȧy-e anthila a mu aŋ la yi afəm abana ŋa ȧdȧru; ɔwa ramɛn ra mu rə po tɔns təbona bɛ.

Kȧŋȧibinɛ 19:20

Ɔwa a gbip ɔsɛm ubaŋ, dɛ yi ɔnȧbi uyem ɔwe la yɔ mȧyɔs məkabanɛ rodi kɔŋ, pə yi mɔ-e mȧyɔs ama la tɔns ŋaŋ aŋa la sɔthɔ aŋlomar ŋa ɔsɛm ubaŋ, dɛ yi ŋaŋ aŋa la bȧtho mȧbȧlȧnɛ mɔŋ. Kaŋ fitha ŋa ŋarəŋ akəli ka ȧŋbonka ŋa nȧnt ana mara rɛ ȧsɔlfɔ.

Kȧŋȧibinɛ 2:13

I tȧrȧ ro mə yirȧ, hali ro kawaŋ ka rȧbȧy ra Sethani kə yi. Ɔwa mə wop ȧŋes a mi gbaŋ-e, mə pɛnsa hɛ kȧlanɛ ka mu do rɔmi, hali ka marey ma Antipas, ɔseri kȧmi ubɔthi lanɛ, ɔwe aŋ dif kətɔŋ ka mu, ro Sethani ɔ yirȧ.

Kȧŋȧibinɛ 2:24

Kɛrɛ i pa do rɔmu, yi ka aŋlɔm ro Thayatira aŋa te malanɛ mathəksa ame-e, pə yi mɔ-e ka ŋaŋ aŋa te tha thəkəs mȧtȧy ama mə a tela ɛgbundu ya Sethani. I ba hɛ sɔ kəreŋ mu kothe kəlɔm.

Kȧŋȧibinɛ 2:9

I tȧrȧ ansɔmpanɛ yi ȧŋmɔnɛ ma mu, (kɛrɛ mun yola). I tȧrȧ sɔ kafɔf kələs ka ŋaŋ aŋa pa hɔ aŋ yi aYuda, kɛrɛ aŋ yi hɛ, aŋ yi gbo ka ȧŋseth agbanɛ ŋa Sethani.

Kȧŋȧibinɛ 20:10

Ka a fitha Sethani ɔwe yɛthas ŋa-e ka ȧŋbonka ŋa nȧnt dɛ yi ȧsɔlfɔ, ro ɔsɛm utuy tȧy dɛ yi ɔnȧbi uyem aŋ yi; ɔwa a tə gbaŋar ŋa ri pali gbɛs-əŋ haŋ thȧnkȧŋ thəbana.

Kȧŋȧibinɛ 20:8

Ɔwa ɔ tə kɔnɛ tə kəyɛthas tȧbona ka ɛgbap yanlɛ ya ȧdȧru, pə yi mɔ-e, Kɔk yi Mekɔk, tə kəthoŋkla ŋa dɛr rɔkin tə kətim; amɔlɔ maŋ mə yi mɔ kasənt ka kȧbȧŋ.

Kȧŋȧibinɛ 3:9

I ti yɔ ŋaŋ aŋa yi ka ȧŋseth agbanɛ ŋa Sethani, aŋa telanɛ a Yuda, kɛrɛ aŋ yi hɛ, aŋ yema gbo; i ti yɔ kȧmȧ aŋ der sanɛ ka ȧtatək ta mu, kȧmȧ aŋ tȧrȧ kəpa i po bɔthər mu.

Kȧŋȧibinɛ 9:1

Ka ɔmaleka ɔwe bekȧ tamath ɔ fɛŋ; ɔwa i nənk kɔs kɔwur ka kȧriyana kə fumpɔ ka ȧdȧru; ka a sɔŋ kɔ aŋsapɔ ŋa ȧŋbi aŋa te ba ɔthalnɛ.

Kȧŋȧibinɛ 9:20

Aŋfəm a kəpet alɔm aŋa te fi ka ɛfithina ɛye, aŋ thupi hɛ ka ɛyɛt ɛyɛ aŋ po bɛmpanɛ ka mȧta maŋ, ɔwa aŋ gbapɛ hɛ kabȧtho ka aŋkərəfi, yi ɛrɔŋ ya məbɔŋɔ, yi akala ȧferȧ, yi akɛm, yi ȧsar, dɛ yi kənt, ɛyɛ te gbəli nənk thalɔm ɛ təl, thalɔm ɛ kɔth.