Kȧŋȧibinɛ 12:4 - Ȧŋlemrȧnɛ Ȧfu

⁴ Ka aŋleŋa ŋɔŋ aŋ liŋ ȧgbȧp ŋin ka ɛgbap ɛsas ya atɔs ta kȧriyana, kɔ fitha ti ka ȧdȧru. Ɔwa ȧŋninkinanka ɔ təmȧ rodi ka ɔwuni bom ma ɔ yi ka kəkom-e, tə kəsɔm ɔwan kɔŋ ka ɔlɛmp ma a po kom kɔ-e.

Kȧŋȧibinɛ 12:4 ပူးပေါင်းရင်းမြစ်များ

Yɔn 8:44

Nia nə yi ka ɔkas ka nu Sethani, ɔwa ɛfela ya ɔkas ka nu yɛ nə yema yɔ. Ɔ yi udif kȧbi ka katəp, ɔ təmȧ hɛ ka tȧteŋ, pəkasifɛ tȧteŋ tə yi hɛ ro ŋɔŋ. Ma ɔ fɔf rəyem-e, ɔ fɔf ta atɔŋ: ȧtesoma-e uyem wɔŋ, yi ɔkas kati.

1 Pitar 5:8

Yi nu na agbɛt, na abumnɛ; kotȧy-e ɔtheranɛ ka nu, Sethani, ɔ yanthənɛ mɔ ȧsoyla ubaŋ, kȧmȧ ɔ thɛns ɔwe mɔ gbȧri gbȧri.

Kȧŋȧibinɛ 12:7

Ɔwa rəfȧ rə wɔŋ ka ȧkȧriyana; Maykɛl yi aŋmȧleka ŋɔŋ aŋ tim ȧŋninkinanka; ka ȧŋninkinanka dɛ yi aŋmȧleka ŋɔŋ aŋ tim sɔ.

Kȧŋȧibinɛ 12:9

Ka a wurɔ ȧŋninkinanka ubana, pə yi mɔ ȧŋbok ukur ɔwe a tela ɔkərəfi dɛ yi Sethani, ɔwe tɔns ȧdȧru bɛ. Ka a fitha kɔ ka ȧdȧru dɛ yi aŋmȧleka ŋɔŋ sɔ.

Kȧŋȧibinɛ 13:2

Ɔsɛm ɔwe i nənk ɔ yi mɔ usip, ka tatək tɔŋ tə yi mɔ tatək ta kəthɔlu, ɔwa kȧsəŋ kɔŋ kə yi mɔ kȧsəŋ ka ȧsɔyila; ka ȧŋninkinanka ɔ sɔŋ kɔ aŋfɔsɔ ŋɔŋ gbeŋ, yi kawaŋ kɔŋ, dɛ yi kagbəka kɔŋ kəbana.

Kȧŋȧibinɛ 13:4

Ɔwa aŋ bȧtho ȧŋninkinanka pəkasifɛ ɔ sɔŋ aŋfɔsɔ ŋɔŋ ka ɔsɛm; kaŋ bȧtho ɔsɛm sɔ, kaŋ pa, Kanɛ yi mɔ ɔsɛm utuy tȧy ɔwe-e? Ɔwa kanɛ gbəli tim kɔ-e?

Kȧŋȧibinɛ 16:13

Ka i nəŋk ɛyina ɛsas ɛnɔkɔ mɔ ɛtal, ɛ wur ka kȧsəŋ ka ȧŋninkinanka, ka kȧsəŋ ka ɔsɛm utuy tȧy, dɛ yi ka kȧsəŋ ka ɔnȧbi uyem.

Kȧŋȧibinɛ 17:18

Ɔwa ɔwuni bom ɔwe mə po nənk ɔ yi kȧpet kəbana ȧke gbəka aŋbȧy ŋa ȧdȧru.

Kȧŋȧibinɛ 20:2

Ɔwa ɔ wop ȧŋninkinanka, ȧŋbok ubaki kati, ɔwe yi ɔkərəfi dɛ yi Sethani, kɔ tand kɔ ta təren awul ŋin.

Kȧŋȧibinɛ 8:10

Ɔmaleka ɔwe bekȧ asas ɔ fɛŋ; ka akɔs kəbana kə fumpɔ kəwur ka kȧriyana, kə mara mɔ kulɛ, ɔwa kə fumpɔ ka ȧgbȧp ŋin ŋa ɛgbap ɛsas ya taboŋ dɛ yi tafɔr ta mȧnt.

Kȧŋȧibinɛ 8:11

Aŋes ŋa akɔs aŋ yi Roŋkəth; ka ȧgbȧp ŋin ŋa ɛgbap ɛsas ya ȧmȧnt mə səkɛ məroŋkəth; ɔwa afəm alai aŋ fi maŋ mun ȧmȧnt mati, pəkasifɛ a po roŋkəthəs ma.

Kȧŋȧibinɛ 8:12

Ɔmaleka ɔwe bekȧ ŋanlɛ ɔ fɛŋ, ka ȧranka aŋ fumpɔ ka ȧgbȧp ŋin ŋa ɛgbap ɛsas ya aret, yi ȧgbȧp ŋin ŋa ɛgbap ɛsas ya aŋof, dɛ yi ȧgbȧp ŋin ŋa ɛgbap ɛsas ya atɔs; kȧmȧ ȧgbȧp ŋin ŋa ɛgbap ɛsas yati ɛ biyȧ, pə yi rəyaŋ-o, thalɔm tȧtȧk.

Kȧŋȧibinɛ 8:7

Ɔmaleka utɔtɔkɔ ɔ fɛŋ, ka kɔm kətɔs yi nȧnt nəkulunɛ yi mətir, ɛ thor ka ȧdȧru, ka ȧgbȧp ŋin ŋa ɛgbȧp ɛsas ya ȧdȧru, dɛ yi ȧgbȧp ŋin ŋa ɛgbȧp ɛsas ya yint ɛ fey, ɔwa akereŋ kəŋeseŋ bɛ kə fey.

Kȧŋȧibinɛ 8:8

Ɔmaleka ɔwe bekȧ ŋarəŋ ɔ fɛŋ; ka pə bȧlȧnɛ mɔ-e kȧteŋ kəbana, ȧke mara rɛ yi nȧnt, a fitha ki ro bȧŋ ratɔŋ; ka ȧgbȧp ŋin ŋa ɛgbap ɛsas ya kȧbȧŋ kəbana aŋ səkɛ mətir.

Kȧŋȧibinɛ 8:9

Ka ȧgbȧp ŋin ŋa ɛgbap ɛsas ya ɛyɛt ɛtəpi ɛyɛ ba aŋesəm ro bȧŋ, aŋ fi. Ɔwa sɔ-e, ȧgbȧp ŋin ŋa ɛgbap ɛsas ya tȧbil aŋ dinɛ.

Kȧŋȧibinɛ 9:10

Aŋ ba təleŋa mɔ tulis, yi ɛsos sɔ; ɔwa aŋfɔsɔ a ŋaŋ tə kəsɔmpar afəm ta yof tamath aŋ yi ka taleŋa taŋ.

Kȧŋȧibinɛ 9:19

Ȧtesoma-e, aŋfɔsɔ ŋa tasoy aŋ yi ka tasəŋ, dɛ yi ka taleŋa taŋ, kotȧy-e taleŋa taŋ tə yi mɔ ɛbok, ɔwa aŋ yɔ ɔbaŋ rɛ tabomp taŋ.