Kȧŋȧibinɛ 10:4 - Ȧŋlemrȧnɛ Ȧfu

⁴ Ɔwa ma asɛŋ tȧmthədɛrəŋ tə po gbɛŋ-e, i bun gbal, kɛrɛ i təl rim rə wur ro riyana rə pa do rɔmi, Mȧthlɛ tȧpa ȧtȧ asɛŋ tȧmtədɛrəŋ tə po lɔm-e, te gbal ti.

Kȧŋȧibinɛ 10:4 ပူးပေါင်းရင်းမြစ်များ

Kȧŋȧibinɛ 1:11

rǝ pa hɔ, Minɛ yi Alfa yi Omeka, ɔTɔtɔkɔ yi ɔLəpsɔ; gbal ȧtȧ mə nənk ka areka, ɔwa somra ŋi ka ɛchɔch tȧmthədɛrəŋ, ka ro Ɛfisɔs, ro Smayna, ro Pakamɔm, ro Thayatira, ro Sadis, ro Filadɛlfiya, dɛ yi ro La-odishiya.

Kȧŋȧibinɛ 1:19

Tiyȧŋ gbal ȧtȧ mə po nənk, yi ȧtȧ mə yɔnɛ ka-ake, yi mȧtȧy ȧma ba tə kəyɔnɛ rodi.

Kȧŋȧibinɛ 10:8

Ka ȧrim ara i la təl kəwur ro riyana rə kȧl sɔ fɔfȧnɛ mi, rə pa, Kɔ gbasi ȧkȧfȧ kəlɔl kəkanthɛ ȧke yi ka kȧta ka ɔmaleka ɔwe təmȧ ka kȧbȧŋ dɛ yi ka aŋgbaŋ.

Kȧŋȧibinɛ 22:10

Kɔ pa do rɔmi, Te mathlɛ mapa ma kaŋaibinɛ ka ȧkȧfȧ ake; kotȧy-e ȧŋlɔkɔ aŋ po fat tə kəlasər ma.