Kȧŋȧibinɛ 10:11 - Ȧŋlemrȧnɛ Ȧfu

¹¹ Ɔwa ɔ kanɛ mi, Munɔ mə ba tə kənabi salata afəm agbȧthi, yi ta tabona-e, ta tənt-e, yi ta abȧy agbȧthi.

Kȧŋȧibinɛ 10:11 ပူးပေါင်းရင်းမြစ်များ

Kȧŋȧibinɛ 10:10

Ka i gbasi ȧkȧfȧ kəlɔl ka kȧta ka ɔmaleka, ka i di ki tɛf; ɔwa kə yi ka kəsəŋ kȧmi mɔ rəmay, kɛrɛ ma i po mer ki-e, kə yi kəroŋkəth rokor kȧmi.

Kȧŋȧibinɛ 11:1

Ɔwa a sɔŋ mi kənt kəthuntha; ka ɔmaleka ɔ təmȧ, kɔ pa, Yokanɛ mə thunth ȧŋseth ŋa Kuru, dɛ yi ȧŋbɛsɛ, ɔwa lɔm aŋfəm aŋa ramnɛ ri.

Kȧŋȧibinɛ 11:9

Ɔwa kəwur ka aŋfəm, yi ɛbɔnsɔŋ, yi tənt, dɛ yi tȧbona bɛ, aŋ tə kəli tabel taŋ ta mərey məsas ratɔŋ, ɔwa aŋ selɔ hɛ a maŋk ŋa.

Kȧŋȧibinɛ 14:6

Ka i nənk umȧleka ulɔm ɔ fal ka kȧriyana, kɔ ba ȧkɛra kəfinɔ ka Kuru kəthəbana tə kətaməs ka ŋaŋ aŋa yi ka ȧdȧru, dɛ yi ka tȧbona təlɔm bɛ-e, ka ɛbɔnsɔŋ bɛ, ka tənt bɛ, dɛ yi ka afəm bɛ;

Kȧŋȧibinɛ 17:10

Tə yi sɔ abȧy tȧmthədɛrəŋ; tamath aŋ po thas, ɔwa ukin ɔ yi ras-e, kɛrɛ ɔlɔm ɔ tha der hɛ. Ma ɔ po der-e, ɔ tə won ta alɔkɔ agbut.

Kȧŋȧibinɛ 17:12

Ɔwa ɛlɛn tɔfɔt ɛyɛ mə po nənk ɛ yi abȧy tɔfɔt aŋa te tha ba tabȧy taŋ, kɛrɛ aŋ tə sɔthɔ aŋfɔsɔ ŋati ta ahawa ŋin rɛ ɔsɛm ubaŋ.

Kȧŋȧibinɛ 17:15

Kɔ pa do rɔmi sɔ, Ȧmȧnt ama mə po nənk ro ɔbɛra urəpi ɔ yirȧ-e, mə tǝmȧ ta aŋfəm, yi ta tȧbona, dɛ yi tənt.

Kȧŋȧibinɛ 5:9

kaŋ leŋ aleŋ afu, kəpa, Munɔ mə yi ubeki tə kəgbasi ȧkȧfȧ, yi tə kəsim ɛmȧthlɛ; kotȧy-e a po fai mu sathka, ɔwa mə po bani afəm ka Kuru kətȧŋȧnɛ ka mȧtir ma mu, pə yi mɔ-e afəm kəwur kətɔŋ ka təkomra, yi tənt, yi afəm, yi təbona bɛ.