Kȧŋȧibinɛ 1:9 - Ȧŋlemrȧnɛ Ȧfu

⁹ Minɛŋ, Yɔn, ɔwɔnt yi ɔkas ka nu ka asɔmpanɛ, yi ka rȧbȧy dɛ yi kamuyu ka Yisɔs Kraystȧŋ, i yi ka aŋyel aŋa mə a bont Patmɔs salata ȧrim ra Kuru, yi ta maseri ma Yisɔs Kraystȧŋ.

Kȧŋȧibinɛ 1:9 ပူးပေါင်းရင်းမြစ်များ

Mathiu 20:23

kɔ pa ro ŋaŋ, Tɛntɛnɛ nǝ tǝ mun ka ampɔthi a mi, ɔwa a tǝ baftays nu yi ȧŋbaftisəm aŋa a baftays mi. Kɛrɛ tǝ kǝyira ka kȧdiyɔ kȧmi yi ka kȧmɛrɔ ka mi-e, tȧy ta mi tǝ kǝsɔŋ thahɔ, kɛrɛ a tǝ sɔŋ ti ka ŋaŋ ta aŋa ɔKas kȧmi ɔ bɛnɛ ti.

Mark 10:39

kaŋ pa ro ŋɔŋ, Sə gbəli. Ka Yisɔsȧŋ ɔ pa ro ŋaŋ, Tɛntɛnɛ nə tə mun ka ampɔthi aŋa mə i muna; ɔwa yi ȧŋbaftisəm aŋa a baftaysȧ mi-e a tə baftaysȧ nu ŋi.

Yɔn 16:33

I po fɔfȧnɛ nu mȧtȧy ame bɛ, kȧmȧ nə ba məthɔfəl ro mi. Ka ȧdȧru nə tə ba asɔmpanɛ: kɛrɛ bȧk nu təbuth, i po tham ȧdȧru.

Mȧyɔs ma aŋsom 1:15

Ɔwa ka marey ame Pitaŋ ɔ təmȧ ɔ fɔf kətɔŋ ka aŋsom, (aŋ yi ri afəm mɔlɔ ma kɛmɛ kin kəgba) ɔ pa,

Mȧyɔs ma aŋsom 14:22

kaŋ bȧksər ɛmerȧ ya aŋkarande, aŋ maŋ ŋa tə kəbasər ka kȧlanɛ, ɔwa aŋ kanɛ ŋa sɔ kəpa, ka ɛsɔmpanɛ ɛgbathi sə tə wɔŋ ka rȧbȧy ra Kuru.

AŋRomans 8:17

Ɔwa bepi sə yi awuth-e, sə yi thɔŋ abȧki ŋa akɛŋ, abȧki ŋa Kuru, yi aŋyeranɛ dɛ yi Krayst salata rabȧki, bepi pə yi sə nakasi yi kɔn, kȧmȧ sə sɔthɔ aŋyiki yi kɔn.

AŋRomans 8:25

Kɛrɛ bepi sə gbak ȧmerȧ ta ȧtȧ sə te tha nəŋka rəfɔr-e, sə tə kar ti rə kəmuyu.

2 AŋKɔrenth 1:7

Ɔwa kagbak ȧmerȧ kȧsu ta ȧtȧ nu kə yi kəbaksər, ma sə tȧrȧ kəpa, mɔ mə nə yi apantnɛ ka ɛsɔmpanɛ-e, yaŋ sɔ nə yi ka kȧbɛfəth.

AŋFilipai 1:7

I ba məmari tə kənanɛ ȧte ta ȧtȧ nu bɛ, kotȧy-e i ba nu ka ȧŋmerȧ a mi, ɔwa ma i yi ukɛndɛbira dɛ yi ma i təmȧ tə kəgbaki dɛ yi tə kəseri ta ȧkɛra kəfinɔ-e, naŋ bɛ nə yi ayeranɛ ka aboŋa ŋin ŋati yi minɛŋ.

AŋFilipai 4:14

Kɛrɛ nə po yɔ ɔfinɔ tə kəgbasi ȧgbȧp ŋa ɛsɔmpanɛ ɛ mi.

2 AŋThɛsȧlonika 3:5

Kaŋka ɔMarki ɔ kɔtha ɛmerȧ ɛ nu ka mabɔthər ma Kuru, dɛ yi rə kəmuyu haŋ kȧder ka Krayst.

2 Timɔthi 1:8

Tiyȧŋ te ba məlap tə kəsɔŋ məseri ta ɔMarki kȧsu, thalɔm ta ȧtȧ mi, ɔkɛndɛbira kɔŋ; kɛrɛ yi uyeranɛ ka asɔmpanɛ salata ȧkɛra kəfinɔ ka Kuru mɔlɔ ma Kuru ɔ sɔŋ mu afɔsɔ,

AŋHibru 10:36

kotȧy-e nə ba tə kəmuyu, kȧmȧ ma nə po yɔ mȧselɔ ma Kuru-e, nə tə sɔthɔ aŋlahiri:

1 Pitar 5:1

I maŋ aŋbȧki aŋa yi kətɔŋ ka nu, minɛŋ min yi sɔ ubaki dɛ yi useri ka ȧŋnȧkȧsi ŋa Kraystȧŋ, minɛ ba sɔ ani ka aŋyiki aŋa mə a re ŋaibi.

Kȧŋȧibinɛ 1:1

Kaŋaibinɛ ka Yisɔs Krayst ȧke Kuru ɔ sɔŋ kɔ, tə kətɔri ɛbɔy yɔŋ mȧtȧy ama ba kəder ka ɔthan ɔwe; ɔwa ɔ som umȧleka kɔŋ tə kətɔri ti ka ȧŋbɔy ŋɔŋ Yɔnȧŋ.

Kȧŋȧibinɛ 1:2

Ɔwe seri ta ȧrim ra Kuru, yi ta aŋkanɛ ŋa Yisɔs Krayst, yi ta mȧtȧy bɛ ama ɔ nənk.

Kȧŋȧibinɛ 1:4

Yɔn, ka ɛchɔch tȧmthədɛrəŋ ya ro Asia. Ta aboŋa aŋ yi do rɔnu, yi məthɔfəl kəwur ka kɔn ɔwe yi, dɛ yi ɔwe la yi, dɛ yi ɔwe yi tə kəder; yi ka ɛyina tȧmthədɛrəŋ ɛyɛ yi rodi ka kawaŋ ka rȧbȧy rɔŋ;

Kȧŋȧibinɛ 1:6

ɔwe po səki su rəbȧy, pə yi mɔ-e, afode ŋa mapanth ma Kuru ɔKas kɔŋ. Ta ayiki dɛ yi afɔsɔ ɛ yi do rɔŋɔŋ thȧnkȧŋ thəbana. Amina.

Kȧŋȧibinɛ 11:7

Maŋ pons maseri maŋ-e, ɔsɛm ubaŋ ɔwe wur ka ȧŋbi aŋa te ba ɔthalnɛ-e, ɔ tə tim ŋa, ɔwa ɔ tə tham ŋa, kɔ tə kȧl dif ŋa.

Kȧŋȧibinɛ 12:11

Kɛrɛ aŋ tham kɔ ka mȧtir ma kaLɔmɛ kəfɛth, yi ka ȧrim ra maseri maŋ; ɔwa aŋ sɔnd ɛŋesəm yaŋ haŋ ka rəfi.

Kȧŋȧibinɛ 12:17

Ka ȧŋninkinanka ɔ ba rəbaŋ rəbana kəŋamnɛ ɔwuni bom, kɔ bɔnɛ tə kətim aŋwuth ŋɔŋ alɔm, aŋa bɛnɛ ɛyamari ya Kuru, dɛ yi aŋa wop maseri ma Yisɔs Krayst.

Kȧŋȧibinɛ 13:10

Ɔwe yema wɔŋȧ wuni rə kɛndɛbira-e, kɔnɔ ɔ tə wɔŋ rə kɛndɛbira. Ɔwe yema dif rə aŋgbathɔ-e, a tə dif kɔ rɛ aŋgbathɔ. Ȧŋlɔkɔ ŋi aŋe ta aŋfəm ŋa Yisɔs tə kətɔri kamuyu yi kȧlanɛ ka ŋaŋ.

Kȧŋȧibinɛ 14:12

Ȧŋlɔkɔ ŋi aŋe ta aŋfəm ŋa Yisɔs tə kətɔri kamuyu ka ŋaŋ, pə yi mɔ-e, ŋaŋ aŋa wop ɛyamari ya Kuru yi kȧlanɛ ka Yisɔs.

Kȧŋȧibinɛ 19:10

Ka i sanɛ ka ȧtatək tɔŋ tə kəbatho kɔ, kɛrɛ ɔ pa, Te yɔ yi, minɛŋ sɔ i yi ukos mu ȧbɔy, dɛ yi ukos ka aŋwɔnt mu aŋa ba maseri ma Yisɔs. Bȧtho Kuru, kotȧy-e maseri ma Yisɔs mə yi aŋyina ŋa kanabi.

Kȧŋȧibinɛ 20:4

Ka i nənk təwaŋ ta rȧbȧy, ɔwa a sɔŋ ŋaŋ aŋa yirȧ ri afɔsɔ tə kəthoŋkas; ka i nənk ɛŋesəm ya ŋaŋ aŋa a la gbetha təbomp salata maseri ma Yisɔs yi ta ȧrim ra Kuru, pəkasifɛ aŋ la kasi tə kəbatho ɔsɛm utuy tȧy thalɔm mȧbȧlȧnɛ mɔŋ, kaŋ la pɛnsa sɔ aŋlomar ŋɔŋ ka mabuŋ maŋ, ɔwa aŋ kȧl yi akəli sɔ, kaŋ gbəka dɛ yi Kraystȧŋ təren awul ŋin.

Kȧŋȧibinɛ 3:10

Kȧbi munɔ mə po bɛnɛ ȧrim ra mi-e, tȧsom minɛ sɔ i ti bɛnɛ mu ka ȧŋlɔkɔ ŋa kamɛmər aŋa mə der ka ȧdȧru bɛ tə kəmɛm aŋfəm nɔru.

Kȧŋȧibinɛ 6:9

Ma ɔ sim ȧŋmȧthlɛ aŋa bekȧ tamath-e, i nənk roratha ka ȧŋbɛsɛ ɛŋesəm ya ŋaŋ aŋa a po dif salata ȧrim ra Kuru, yi ta maseri ama aŋ po sɔŋ.

Kȧŋȧibinɛ 7:14

Ka i pa do rɔŋɔŋ, “Pa, munɔ tȧrȧ.” Kɔ kȧl kanɛ mi hɔ, “Aŋe-e, aŋ wur ka ansɔmpanɛ abana, kaŋ po yak ȧsuma taŋ, ɔwa aŋ po fethər ti ka mȧtir ma kaLɔmɛ kəfɛth.