Kȧŋȧibinɛ 1:7 - Ȧŋlemrȧnɛ Ȧfu

⁷ Kəla, kɔnɔ mə derȧŋ yi turu təfera, ɔwa rəfɔr o rəfɔr rə tə nənk kɔ, dɛ yi ŋa sɔ aŋa raf kɔ; ɔwa tȧbona bɛ ta ȧdȧru tə tə bok ta atɔŋ. Ta pə yi ti yaŋ, Amina.

Kȧŋȧibinɛ 1:7 ပူးပေါင်းရင်းမြစ်များ

Mathiu 16:27

kotȧy-e ɔWan ka wuni ɔ tǝ der ka aŋyiki ŋa ɔKas kɔŋ yi aŋmȧleka ŋɔŋ. Ɔwa ka ȧŋlɔkɔ ŋati ɔ tǝ sɔŋ wuni o wuni amɔlɔ ma mȧyɔs mɔŋ mǝ yi.

Mathiu 16:28

Tɛntɛnɛ i kanɛ nu, alɔm aŋ tǝma nɔ aŋa te ba kǝnǝŋk rǝfi, haŋ aŋ nənk ɔWan ka wuni ɔ der ka rȧbȧy rɔŋ.

Mathiu 24:30

Ɔwa ka ȧŋlɔkɔ ŋati ȧŋmisali ŋa ɔWan ka wuni aŋ tǝ tɔrinɛ ka ȧkuru. Tȧbona bɛ ka ȧdȧru tǝ tǝ kulɔ, ɔwa aŋ tǝ nənk ɔWan ka wuni ɔ der ka karǝnt ka ȧkuru rǝ afɔsɔ yi ayiki ȧbana.

Mathiu 25:31

Kɛrɛ ma ɔWan ka wuni ɔ po der ka aŋyiki ŋɔŋ, yi aŋmȧleka aŋa yi yi kɔnɔȧŋ, ka ȧŋlɔkɔ ŋati ɔ tǝ yirȧ ka kawaŋ ka rȧbȧy ka aŋyiki ŋɔŋ-e,

Mathiu 26:64

Ka Yisɔsȧŋ ɔ pa ro ŋɔŋ, Mǝ po pa ti, kɛrɛ i kanɛ nu, alɔkɔ alɔm nǝ ba kǝnǝnk ɔWan ka wuni ɔ yirȧ ka kȧta kȧdiyɔ ka afɔsɔ, ɔ tǝ der ka tǝrǝnt tǝfera ka ȧkuru.

Mark 13:26

Ɔwa ȧŋlɔkɔ ŋati aŋ tə nənk ɔWan ka wuni ɔ tə der ka aturu rə afɔsɔ yi ayiki abana.

Mark 14:62

Ka Yisɔs ɔ pa, Minɛŋ, ɔwa nə tə nənk ɔWan ka wuni ɔ yirȧ ka kȧta kədiɔ ka afɔsɔ, ɔ tə der ka tarənt təfera ta ȧkuru.

Luk 21:27

Ȧŋlɔkɔ ŋati aŋ tə nənk ɔWan ka wuni ɔ der ka karənt rə afɔsɔ yi ayiki abana.

Yɔn 19:34

kɛrɛ utim ukin ɔ raf aŋfuthəl ŋɔŋ yi asor, ka ɔlɛmp wati mȧtir yi mȧnt mə wur kɔ.

Yɔn 19:37

Ka məgbal məlɔm mə pa, Aŋ tə kəli kɔ ɔwe aŋ po raf.

1 AŋThɛsȧlonika 1:10

dɛ yi tə kəkar ɔWan kɔŋ kəwur ro riana-e, ɔwe ɔ po yokas ka rafi, pə yi mɔ-e Yisɔs ɔwe po kisis su ka rabaŋ ara ba kəder.

1 AŋThɛsȧlonika 4:17

Rodarəŋ kati saŋ aŋa yi nɔru a tə sɛmpi su yi ŋaŋ lɛɔ ka kȧriyana tə kəbəp ɔMarki ka kafena; ɔwa tiyȧŋ sə tə yi yi ɔMarki thəbana.

AŋHibru 10:29

Kɛrɛ kɔn ɔwe mə nas nas ɔWan ka Kuru-e, dɛ yi ɔwe nənk ɔyai mȧtir ma aŋlemranɛ aŋa po səməs kɔ-e, ɔwa ɔwe say sɔ ɔYina ka aboŋa-e, nə nanɛ hɛ kəpa kɔnɔ yi ubeki tə kəsɔthɔ athalər athasər-i?

AŋHibru 6:6

bepi afəm awunɔŋ aŋ kala kəmuth-e, aŋ gbəli hɛ sɔ sɔthɔ kəthupi, kotȧy-e pə yi mɔ aŋ kȧl tȧŋ ɔWan ka Kuru ka akənt kəpəŋkinɛ ɔfu, ɔwa aŋ kȧl sambos kɔ gbafəth.

1 Yɔn 3:2

Abɔthər, ka-ake sə yi awuth ŋa Kuru, ɔwa a tha tɔri hɛ su to sə ba kə re yi: kɛrɛ sə tȧrȧ kəpa ma Krayst ɔ kȧl der, sə tə yi mɔ kɔnɔ; pəkasifɛ sə tə nənk kɔ mɔ mɔ yi.

Yud 1:14

Inɔk sɔ, ɔwe bekȧ tȧmthədɛrəŋ ka rȧlek ra Adȧm, ɔ nȧbi ta aŋfəm aŋe, ɔ pa, Kəla, ɔMarki ɔ der yi aŋfəm ŋɔŋ asəm ɛwul ɛwul,

Kȧŋȧibinɛ 22:20

Kɔn ɔwe sɔŋ məseri ta mȧtȧy ame, ɔ pa, Tə tɛntɛnɛ i ti der lɛmp. Yao, der ɔMarki Yisɔs.

Kȧŋȧibinɛ 22:4

Ɔwa aŋ tə nənk ader rɔŋ, dɛ yi ȧŋes ŋɔŋ aŋ tə yi ka mabuŋ maŋ.