Kȧŋȧibinɛ 1:18 - Ȧŋlemrȧnɛ Ȧfu

¹⁸ Minɛ yi ɔKəli thȧbana; i po fi, kɛrɛ kəla i kȧl po ba aŋesəm haŋ thəbana, Amina. Minɛ i ba masapɔ ma ro kərəfi dɛ yi rȧfi.

Kȧŋȧibinɛ 1:18 ပူးပေါင်းရင်းမြစ်များ

Mathiu 11:23

Ɔwa munɔ Kepaniyɔm, a tǝ ŋata mu ro riana-i? A tǝ thora mu ro kǝrǝfi! kotȧy-e bepi aŋ po naŋ yɔ mȧyɔs mǝkabanɛ ro Sɔdɔm ama a po yɔ ro mu-e, kǝ tǝ tǝma naŋ haŋ ka-ake.

Mathiu 16:19

I ti sɔŋ mu mȧsapɔ ma rȧbȧy ra ro riyana, ɔwa koko ara mǝ sek ka ȧdȧru-e a tǝ sek ri ro riyana, dɛ yi koko ara mǝ sǝli ka ȧdȧru-e a tǝ sǝli ri ro riyana.

Luk 24:5

Ɔwa ma rənes rə wop ŋa-e aŋ saŋ aser taŋ ro thɔf, aŋ pa ro ŋaŋ, To som mə nə thɛns ɔkəli kətɔŋ ka aŋfi-e?

Yɔn 11:25

Yisɔsȧŋ ɔ pa ro ŋɔŋ, Minɛ yi kȧyokanɛ, yi aŋesəm: kɔn ɔwe mə lanɛ mi, hali ɔ po fi, ɔ tə kȧl kəli:

Yɔn 14:19

Pə tiyȧ ras alɔkɔ agbut, ɔwa ȧdȧru rə nənk hɛ mi sɔ: kɛrɛ nia nə tə nənk mi: pəkasifɛ i kəli, nia nə tə kəli sɔ.

AŋRomans 6:9

Sə tȧrȧ kəpa ma Krayst ɔ kȧl yokanɛ kətɔŋ ka aŋfi-e, ɔ fi hɛ sɔ thȧnkȧŋ. Rȧfi rə gbəli hɛ sɔ gbəka kɔ.

2 AŋKɔrenth 13:4

Hali ma a tȧŋ kɔ ka akənt kəpəŋkinɛ ka rəyai-e, ka-ake ɔ yi ukəli ka aŋfɔsɔ ŋa Kuru. Kotȧy-e saŋ sɔ sə yi ayay yi kɔn, kɛrɛ sə tə la rɛ yi aŋesəm yi kɔn do rɔnu ka aŋfɔsɔ ŋa Kuru.

AŋKȧletia 2:20

A po taŋtaŋ mi ka akənt kəpəŋkinɛ yi Kraystȧŋ, halisa i ba ŋesəm; kɛrɛ min tha sɔ, pə yi Kraystȧŋ kɔnɔ ɔ yi ukəli rokor kȧmi. Ɔwa aŋesəm aŋa i ŋesəm ka madɛr ka-ake, i ŋesəm kətaŋ ka kȧlanɛ ka ɔWan ka Kuru ɔwe bɔthər mi, kɔ sɔndnɛ ta ȧtȧ mi.

AŋKɔlɔsi 3:3

kotȧy-e naŋ nə po thɔŋ fi, ka ɛŋesəm ɛ nu ɛ po maŋknɛ rokor ka Krayst ka Kurɔŋ.

AŋHibru 1:3

ɔWan ɔwe kɔnɔ yi ɔgbɛntha wa aŋyiki ŋa Kuru-e, dɛ yi mȧbȧlȧnɛ gbeŋ ma rawuni ra Kuru rɔŋ, ɔwa kɔnɔ mə bȧksər tȧy o tȧy ka ȧrim ra aŋfɔsɔ ŋɔŋ. ƆWan ɔwe, ma ɔ po fethər su kəwur ka ɛhakɛ ɛ su-e, ɔ yirȧ ka kȧta kədiɔ ka aŋyiki ŋa Kuru rokɔm.

AŋHibru 12:2

Maŋ kəli nu Yisɔs təŋ, ɔTəpi yi ɔPons wa kȧlanɛ kȧsu; ɔwe muyu akənt kəpəŋkinɛ ta salata mabɔnɛ ama yi kɔ rodi, kɔ farki mȧlap, ɔwa ɔ poŋ yirȧ ka kȧdiyɔ ka kawaŋ ka rȧbȧy ka Kuru.

AŋHibru 7:16

ɔwe sɔthɔ rafode rɔŋ, pə yi hɛ kətȧŋȧnɛ ka ȧŋsiraŋ ŋa ȧŋthɔ, kɛrɛ ka aŋfɔsɔ ŋa aŋesəm thəbana.

AŋHibru 7:25

Tiyȧŋ ɔ gbəli kisis ŋaŋ fewu aŋa der ka Kuru kətȧŋȧnɛ ro ŋɔŋ ma ɔ yi ukəli thȧnkȧŋ tə kənɛmthɛnɛ ta ȧtȧ ŋaŋ.

Kȧŋȧibinɛ 10:6

kɔ gbiŋ ka kɔn ɔwe yi thȧnkȧŋ thəbana, ɔwe təpi ȧkȧriyana yi ɛyɛt bɛ ɛyɛ yi ri, dɛ yi ȧdȧru yi ɛyɛt bɛ ɛyɛ yi ri, dɛ yi kȧbȧŋ yi ɛyɛt bɛ ɛyɛ yi ri, kəpa hɔ, kəkar kə ba hɛ sɔ kə yi.

Kȧŋȧibinɛ 15:7

Ɔwa ukin ka ɛwuka akəli ŋanlɛ ɔ sɔŋ aŋmȧleka tȧmthədɛrəŋ ɛbɔl ɛ məbɔŋɔ tȧmthədɛrəŋ ɛyɛ la pay yi rabaŋ da Kuru, ɔwe yi ta thȧnkȧŋ thəbana.

Kȧŋȧibinɛ 2:8

Gbal ka ɔkəlianɛ ka aŋchɔch ŋa ro Smayna kəpa ye, Ȧsim ta ɔTɔtɔkɔ yi ɔLəpsɔ-e, kɔn ɔwe po fi kɛrɛ ɔ kȧl po ba aŋesəm, ti ȧte.

Kȧŋȧibinɛ 20:13

Ɔwa kȧbȧŋ kəbana kə sɔŋ aŋfi aŋa yi ri, ka rəfi dɛ yi Kərəfi aŋ sɔŋ aŋfi aŋa yi ri sɔ; ka a thonkas wuni o wuni mɔlɔ ma mȧyɔs mɔŋ mə yi.

Kȧŋȧibinɛ 20:14

Ka a fitha rəfi yi Kərəfi ka ȧŋbonka ŋa nȧnt. Ɔwa rafi ara bekȧ mȧrəŋ riyȧŋ.

Kȧŋȧibinɛ 3:7

Gbal ka ɔkəlianɛ ka aŋchɔch ŋa ro Filadɛlfiya kəpa ye, Ɔwe yi usəm yi utəteŋ, ɔwe ba masapɔ ma Debid, ɔwe mə kanthi, ɔwa wuni o wuni ɔ gbəli hɛ kantha, kɔ kȧl kantha, ɔwa wuni o wuni ɔ gbəli hɛ kanthi; ɔkati ɔ pa,

Kȧŋȧibinɛ 4:9

Ma ɛwuka ŋanlɛ aŋ sɔŋ ayiki-e, yi kəthɔkəs, yi mɔmɔ ka ɔwe yirȧ ka kawaŋ ka rabȧy-e, ɔwe yi haŋ thȧnkȧŋ thəbana-e,

Kȧŋȧibinɛ 5:14

Ka ɛwuka ŋanlɛ aŋ pa, Amina. Ɔwa aŋbȧki kəgba ŋanlɛ aŋ sanɛ kəbatho kɔn ɔwe ba aŋesəm haŋ thȧbana.

Kȧŋȧibinɛ 6:8

Ka i kəli, ɔwa i nənk ȧsoy ȧferȧ pər; ȧŋes ŋa ɔwe rensa kɔ aŋ yi Rəfi, dɛ yi Kərəfi kə tȧŋ kɔ. Ɔwa a sɔŋ ŋa afɔsɔ rokɔm ka ȧgbȧp ŋin ŋa ɛgbap yanlɛ ya ȧdȧru tə kədif rə agbathɔ yi dor, dɛ yi rəfi, rɛ tȧsɛm abaŋ aŋ ro kanth.

Kȧŋȧibinɛ 9:1

Ka ɔmaleka ɔwe bekȧ tamath ɔ fɛŋ; ɔwa i nənk kɔs kɔwur ka kȧriyana kə fumpɔ ka ȧdȧru; ka a sɔŋ kɔ aŋsapɔ ŋa ȧŋbi aŋa te ba ɔthalnɛ.