Kȧŋȧibinɛ 1:11 - Ȧŋlemrȧnɛ Ȧfu

¹¹ rǝ pa hɔ, Minɛ yi Alfa yi Omeka, ɔTɔtɔkɔ yi ɔLəpsɔ; gbal ȧtȧ mə nənk ka areka, ɔwa somra ŋi ka ɛchɔch tȧmthədɛrəŋ, ka ro Ɛfisɔs, ro Smayna, ro Pakamɔm, ro Thayatira, ro Sadis, ro Filadɛlfiya, dɛ yi ro La-odishiya.

Kȧŋȧibinɛ 1:11 ပူးပေါင်းရင်းမြစ်များ

Mȧyɔs ma aŋsom 16:14

Ka ubɛra ulɔm, ȧŋes ŋɔŋ ŋȧ yi Lidya, uthila totha təyim-e, ɔ yi ka kȧpet ȧke a bont Thiatira, ɔwe bȧtho Kurɔŋ; kɔnɔ təlȧ su. Ɔwa ɔMarki ɔ kanthi ȧŋmerȧ ŋɔŋ kȧmȧ ɔ botər ȧmerȧ ta mȧtȧy ama Pɔlȧŋ ɔ fɔf.

Mȧyɔs ma aŋsom 18:24

Ka uYuda ulɔm ɔ der ro Ɛfisɔs, ȧŋes ŋɔŋ ŋə yi Apɔlɔs; a kom kɔ ro Alɛksandria, wuni tȧrȧ fɔf wɔŋ, ɔwa ɔ ba afɔsɔ ka mȧgbal məsəm.

Mȧyɔs ma aŋsom 20:17

Ɔwa kəwur ro Militɔs-e, ɔ som ro Ɛfisɔs tə kətela aŋbȧki ŋa aŋchɔch.

1 AŋKɔrenth 15:32

Bepi-e, (ɔwa i fɔf mɔ mə matanɛ ma afəm a kəpet mə yi) i po tim ɛsɛm ɛbaŋ ro Ɛfisɔs, ko pə mar mi bepi aŋfi aŋ yokanɛ hɛ sɔ-e? Ɔwa bepi aŋfi aŋ yokanɛ hɛ sɔ-e, maŋ di nu, sə mun, kotȧy-e sə fi ninaŋ.

1 AŋKɔrenth 16:8

Kɛrɛ i ti tiyȧ ro Efisɔs haŋ Pɛntikɔst.

AŋƐfisɔs 1:1

Pɔl, usom ka Yisɔs Krayst kətaŋ ka mȧselɔ ma Kuru, ka aŋsəm aŋa yi ro Ɛfisɔs, yi ka aŋlanɛ rokor ka Krayst Yisɔs.

AŋKɔlɔsi 2:1

I yema kȧmȧ nə tȧrȧ ko kətim kəbana i ba ta ȧtȧ nu, yi ta ȧtȧ ŋaŋ aŋa yi ro Lawodishya, dɛ yi ta ȧtȧ ŋaŋ bɛ aŋa te tha nəŋka mi rəfɔr.

1 Timɔthi 1:3

Ma i yi ka ȧŋbiyas aŋe ro Masidonya-e, i poŋ pər mu kȧmȧ mə tiyȧ ro Ɛfisɔs tə kəmaŋ afəm alɔm kȧmȧ aŋ te thəksa təpa o pa təlɔm təfu.

Kȧŋȧibinɛ 1:17

Ma i nənk kɔ-e, i fumpɔ ka tatək tɔŋ mɔ i po fi. Kɔ reŋ kȧta kɔŋ kədiɔ ka rȧbomp ra mi, ɔ pa, Te nesa, minɛ yi ɔTɔtɔkɔ yi ɔLəpsɔ.

Kȧŋȧibinɛ 1:19

Tiyȧŋ gbal ȧtȧ mə po nənk, yi ȧtȧ mə yɔnɛ ka-ake, yi mȧtȧy ȧma ba tə kəyɔnɛ rodi.

Kȧŋȧibinɛ 1:2

Ɔwe seri ta ȧrim ra Kuru, yi ta aŋkanɛ ŋa Yisɔs Krayst, yi ta mȧtȧy bɛ ama ɔ nənk.

Kȧŋȧibinɛ 1:20

Aŋgbundu ŋa atɔs tȧmthədɛrəŋ ȧtȧ mə po nənk ka kȧta kȧmi kədiyɔ, yi tamulɛ ta mabɔŋɔ tȧmthədɛrəŋ, ŋi aŋe. Atɔs tȧmthədɛrəŋ tə yi aŋkəlȧnɛ ŋa ɛchɔch tȧmthədɛrəŋ, yi tamulɛ tȧmthədɛrəŋ tə yi ɛchɔch tȧmthədɛrəŋ.

Kȧŋȧibinɛ 1:4

Yɔn, ka ɛchɔch tȧmthədɛrəŋ ya ro Asia. Ta aboŋa aŋ yi do rɔnu, yi məthɔfəl kəwur ka kɔn ɔwe yi, dɛ yi ɔwe la yi, dɛ yi ɔwe yi tə kəder; yi ka ɛyina tȧmthədɛrəŋ ɛyɛ yi rodi ka kawaŋ ka rȧbȧy rɔŋ;

Kȧŋȧibinɛ 1:8

Minɛ yi Alfa yi Omeka, ɔMarki ɔ pa, ɔwe yi, dɛ yi ɔwe la yi, dɛ yi ɔwe yi tə kəder, ɔKuru ka afɔsɔ bɛ, kɔn kɔnɔnɛ.

Kȧŋȧibinɛ 10:4

Ɔwa ma asɛŋ tȧmthədɛrəŋ tə po gbɛŋ-e, i bun gbal, kɛrɛ i təl rim rə wur ro riyana rə pa do rɔmi, Mȧthlɛ tȧpa ȧtȧ asɛŋ tȧmtədɛrəŋ tə po lɔm-e, te gbal ti.

Kȧŋȧibinɛ 14:13

Ka i təlȧ rim kəwur ro riyana rə pa, Gbal ȧte, Aruba ŋaŋ aŋa fi ka ɔMarki kətəp ka-ake. Ya pə yi ɔYina ɔ pa, kȧmȧ aŋ fothanɛ ka mapanth maŋ; ȧtesoma-e mȧyɔs maŋ mə tȧŋ ŋa nɛp nɛp.

Kȧŋȧibinɛ 19:9

kɔ kanɛ mi, Gbal ȧte, Afəm ŋa aruba ŋaŋ, aŋa a tela ka ȧmet ma kȧnȧntȧnɛ ka kȧLɔmɛ kəfɛth. Kɔ pa sɔ do rɔmi, hɔ, Ȧsim atəteŋ ta Kuru, ti ȧte.

Kȧŋȧibinɛ 2:1

Gbal ka ɔkəlianɛ ka aŋchɔch ŋa ro Ɛfisɔs kəpa ye, Kɔn ɔwe wop atɔs tȧmthədɛrəŋ ka kȧta kɔŋ kədiyɔ, ɔwe kɔth kətɔŋ ka tamulɛ ta məbɔŋɔ tamthədɛrəŋ-e, ɔ pa hɔ,

Kȧŋȧibinɛ 2:12

Gbal ka ɔkəlianɛ ka aŋchɔch ŋa ro Pakamɔm kəpa ye, Kon ɔwe ba aŋgbathɔ awɔŋi aŋa ba ran narəŋ ɔ pa hɔ.

Kȧŋȧibinɛ 2:18

Gbal ka ɔkəlianɛ ka aŋchɔch ŋa ro Thayatira kəpa ye, Ȧsim ta ɔWan ka Kuru ɔwe ba ɛfɔr mɔ nȧnt nəmara, yi tatək mɔ akɛm akelkel, ti ȧte,

Kȧŋȧibinɛ 2:24

Kɛrɛ i pa do rɔmu, yi ka aŋlɔm ro Thayatira aŋa te malanɛ mathəksa ame-e, pə yi mɔ-e ka ŋaŋ aŋa te tha thəkəs mȧtȧy ama mə a tela ɛgbundu ya Sethani. I ba hɛ sɔ kəreŋ mu kothe kəlɔm.

Kȧŋȧibinɛ 2:8

Gbal ka ɔkəlianɛ ka aŋchɔch ŋa ro Smayna kəpa ye, Ȧsim ta ɔTɔtɔkɔ yi ɔLəpsɔ-e, kɔn ɔwe po fi kɛrɛ ɔ kȧl po ba aŋesəm, ti ȧte.

Kȧŋȧibinɛ 21:5

Ɔwa kɔn ɔwe yirȧ ka kawaŋ ka rȧbȧy ɔ pa, Kəla, i təpi mȧtȧy bɛ ɔfu. Kɔ pa do rɔmi, Gbal ȧsim ȧte, kotȧy-e tə yi təteŋ dɛ yi təbɔthi lanɛ.

Kȧŋȧibinɛ 22:10

Kɔ pa do rɔmi, Te mathlɛ mapa ma kaŋaibinɛ ka ȧkȧfȧ ake; kotȧy-e ȧŋlɔkɔ aŋ po fat tə kəlasər ma.

Kȧŋȧibinɛ 22:16

Minɛ Yisɔs, i po som ɔmaleka kȧmi tə kəlɔma mu mȧtȧy ame salata ɛchɔch. Minɛ yi aŋThəŋk dɛ yi ɔWan ka Debid, dɛ yi ɔKɔs kəgbɛntha kelkel ka rabəth.

Kȧŋȧibinɛ 3:1

Gbal ka ɔkəlianɛ ka aŋchɔch ŋa ro Sadis kəpa ye. Kɔn ɔwe ba ɛYina tȧmthədɛrəŋ ka Kuru dɛ yi atɔs tȧmthədɛrəŋ ɔ pa, I tȧrȧ mȧyɔs ma mu tə kəyi mə ba ŋes kəpa mə yi ukəli, kɛrɛ mə yi ufi.

Kȧŋȧibinɛ 3:14

Gbal ka ɔkəlianɛ ka aŋchɔch ŋa ro La-odishiya kəpa ye, Ȧsim ta ɔwe yi ɔSeri utəteŋ, ɔTəpi ka ɛyɛt ɛbɛmpa ya Kuru, ti ȧte.

Kȧŋȧibinɛ 3:4

Kɛrɛ mə ba afəm athȧn hali ro Sadis aŋa te tha nɔkɔs ȧsuma taŋ; ɔwa aŋ tə kɔth yi minɛŋ rə suma təfera, kotȧy-e aŋ yi abeki.

Kȧŋȧibinɛ 3:7

Gbal ka ɔkəlianɛ ka aŋchɔch ŋa ro Filadɛlfiya kəpa ye, Ɔwe yi usəm yi utəteŋ, ɔwe ba masapɔ ma Debid, ɔwe mə kanthi, ɔwa wuni o wuni ɔ gbəli hɛ kantha, kɔ kȧl kantha, ɔwa wuni o wuni ɔ gbəli hɛ kanthi; ɔkati ɔ pa,