5 Ma i yi nɔru, minɛ yi ȧŋmothȧ ŋa ȧdȧru.
Aŋfǝm aŋa yirȧ ka ȧŋsum Aŋ nənk kǝwalɛ kǝbana; Ɔwa kǝwalɛ kǝ put ro ŋaŋ Aŋa yirȧ ka ɔdɛr yi ka ȧŋmumpǝl ŋa rǝfi.
Naŋ nǝ yi ȧŋmothȧ ŋa ȧdȧru. Kȧpet ȧke yi ka kǝteŋ rokɔm-e kǝ gbǝli hɛ maŋknɛ.
Amotha tə kəmotha tȧbona təlɔm Yi aŋyiki ŋa aŋfəm a mu Isrɛl.
I der mɔ amotha ka ȧdȧru, kȧmȧ wuni o wuni ɔwe mə lanɛ mi-e, ɔ ba hɛ tə kətia ka ȧŋsum.
Ɔwa Yisɔsȧŋ ɔ kȧl fɔfȧnɛ aŋfəm, ɔ pa, Minɛ yi ȧŋmothȧ ŋa ȧdȧru; wuni ɔwe mə tȧŋ mi-e ɔ ba hɛ kəkɔth ka ȧŋsum, kɛrɛ ɔ tə ba ȧŋmothȧ ŋa aŋesəm.
kotȧy-e ya ɔMarki ɔ yamari su, ɔ pa, I po təmər mu tə kəyi amotha ta tȧbona təlɔm, Kama mə yi ta kakisi haŋ ka ɔthalnɛ wa ȧdȧru.
tə kəkanthi ɛfɔr yaŋ kȧmȧ aŋ wur ka ȧŋsum, aŋ der ka kawalɛ, kȧmȧ aŋ wur ka aŋfɔsɔ ŋa Sethani kəkɔ ka Kuru, kȧmȧ aŋ sɔthɔ katerɔ ka ɛhakɛ yi kɛŋ kətɔŋ ka ŋaŋ aŋa a səməs rə kəlanɛ mi.
kəpa Kraystȧŋ ɔ ba kənȧkȧsi, ɔwa kəpa kɔnɔ ɔ yi ɔtɔtɔkɔ tə kətaməs kawalɛ ka aŋfəm yi ka tȧbona təlɔm kətȧŋȧnɛ ka kȧyokanɛ ka aŋfi.
Tiyȧŋ ɔ pa, Thəmɛ munɔ ɔwe dirȧ-e, yokanɛ ka rafi, ɔwa Kraystȧŋ ɔ tə sɔŋ mu ȧŋmothȧ.
Ka kȧpet kə yema hɛ aret, thalɔm aŋof tə kəgbɛntha ri, pəkasifɛ aŋyiki ŋa Kuru aŋ gbɛnthar ki, ɔwa kaLɔmɛ kəfɛth kɔnɔ yi ȧŋmothȧ ŋati.
