Yɔn 8:46 - Ȧŋlemrȧnɛ Ȧfu

⁴⁶ Wuni reke kətɔŋ ka nu ɔ gbəli sɔŋ mi mətheri ta ahakɛ-e? Ɔwa bepi i kanɛ nu tȧteŋ, kɔyɛŋ nə te mi lanɛ-e?

Yɔn 8:46 ပူးပေါင်းရင်းမြစ်များ

Mathiu 21:25

Ȧŋbaftisəm ŋa Yɔn-e, reke aŋ wur-e? Ka Kuru thalɔm rǝ afǝm-i? kaŋ fɔfǝranɛ aŋ pa, Bepi sǝ pa, Ka Kuru-e, ɔ tǝ pa ro rɔsu, Ɔwa kɔyɛŋ nǝ te lanɛ kɔ-e?

Mark 11:31

kaŋ fɔflanɛ kətɔŋ ka ŋaŋ, aŋ pa, Bepi sə pa aŋ wur ro riana-e, ɔ tə pa, kɔyɛŋ tɛnɛ nə te lanɛ kɔ-a?

Yɔn 14:30

I fɔfȧnɛ hɛ nu sɔ ɔgbȧthi: kotȧy-e rȧbomp ra ȧdȧru are ɔ der, kɛrɛ ɔ ba hɛ tȧy o tȧy ro mi.

Yɔn 15:10

Bepi nə wop aŋyamari a mi-e, nə tə tiyȧ ka mabɔthər ma mi: mɔ mə i po wop aŋyamari ŋa ɔKas kȧmi, ka i tiya ka mȧbɔthər mɔŋ.

Yɔn 16:8

Ɔwa ma ɔ po der-e, ɔ tə gbanthir ȧdȧru ta ahakɛ, ta məlompi, yi ta kəthoŋkas ɛpa:

Yɔn 18:37

Payletȧŋ pa ro ŋɔŋ, Mə yi mən ubai-i? Yisɔsȧŋ ɔ pa Aŋko, mə pa tȧteŋ, i yi ubȧy. Ta ȧte tə a kom mi, ɔwa ta ȧŋsabu aŋe tə i der ka ȧdȧru, kȧmȧ i gbaki ta tȧteŋ. Wuni o wuni ɔwe yi ka tȧteŋ ɔ təl ȧrim ra mi.

Yɔn 8:47

Wuni ɔwe yi ka Kuru ɔ təl ȧsim ta Kuru: tesom nə təl hɛ ti, pəkasifɛ nə yi hɛ ka Kuru.

Yɔn 8:7

Maŋ bȧsər kəyif kɔ-e, ɔ yokanɛ, ɔ pa ro ŋaŋ, Wuni ɔwe te ba ahakɛ kətɔŋ ka nu-e, ta ɔ mɔtha ləmər kɔ ȧsar.

2 AŋKɔrenth 5:21

kotȧy-e ta ȧtȧ su a səki kɔ ahakɛ, pə yi mɔ kɔn ɔwe te la tȧrȧ ahakɛ bɛ; kȧmȧ saŋ sə gbəli səkɛ mȧlompi ma Kuru rokor kɔŋ.

AŋHibru 4:15

pəkasifɛ sə ba hɛ ufode ubana ɔwe te gbəli təlnɛ mȧrȧnt ma su; kɛrɛ a la mɛmər kɔ yi ɛgbɔns rə roŋ o roŋ mɔlɔ min mɔ saŋ, kɛrɛ ɔ tha yɔ hɛ ahakɛ bɛ.

AŋHibru 7:26

kotȧy-e, ɔbeki su tə kəba ufode ubana mɔ ɔwe-e, ɔwe yi usəm-e, upaŋi yaŋfa-e, ugbəraŋ-e; ɔwe yi ugbaskɛ ka afəm ka ahakɛ, dɛ yi ɔwe a ŋata ɔbɔli rəkɔm pəthas kȧriyana.

1 Pitar 2:22

Ɔwe yɔhɛ ahakɛ bɛ, ta a pa ras, ɔ fɔf rəyem.