Yɔn 8:44 - Ȧŋlemrȧnɛ Ȧfu

⁴⁴ Nia nə yi ka ɔkas ka nu Sethani, ɔwa ɛfela ya ɔkas ka nu yɛ nə yema yɔ. Ɔ yi udif kȧbi ka katəp, ɔ təmȧ hɛ ka tȧteŋ, pəkasifɛ tȧteŋ tə yi hɛ ro ŋɔŋ. Ma ɔ fɔf rəyem-e, ɔ fɔf ta atɔŋ: ȧtesoma-e uyem wɔŋ, yi ɔkas kati.

Yɔn 8:44 ပူးပေါင်းရင်းမြစ်များ

Mathiu 12:34

Naŋ rǝkomra ra ɛgbɔrɔ, to mǝ nǝ gbǝli fɔf mətȧy mǝfinɔ ma nǝ yi alǝs-e? kotȧy-e kasǝŋ kǝ tǝ fɔf kǝwur ka kala ka ȧŋmerȧ.

Mathiu 13:15

kotȧy-e ɛmerȧ ya aŋfǝm aŋe ɛ gbolŋanɛ, Ɔwa ɛlǝns yaŋ ɛ tui tǝl, Ɔwa aŋ po mɔp ɛfɔr yaŋ, Ta thani aŋ ti nənk yi ɛfɔr yaŋ, Ɔwa aŋ tǝl yi ɛlǝns yaŋ, Pǝ tǝ kȧl sɔk ŋa rǝ ȧmerȧ, Ɔwa aŋ kȧl lafthɛ Kama, i yeŋkǝs ŋa.

Mathiu 13:38

Ɔwa akɔr-e, kǝ yi ȧdȧru. Mater mǝfinɔ mǝ yi aŋwuth ŋa rȧbȧy, kɛrɛ kapika kǝ yi aŋwuth ŋa ɔwuni lǝs.

Yɔn 6:70

Yisɔsȧŋ ɔ pa ro ŋaŋ, Minɛŋ i thith hɛ nu tɔfɔt ŋarəŋ, ɔwa ukin ka nu ɔ ba Sethani-i?

Yɔn 7:17

Bepi wuni o wuni ɔ selɔ tə kəyɔ mȧselɔ mɔŋ-e, ɔ tə tȧrȧ ta kathəksa, bepi kə wur ka Kuru, thalɔm bepi i fɔf kəwur ka ȧŋmerȧ a mi son.

Yɔn 8:38

I fɔf ȧte i təl ka ɔKas kȧmi: kɛrɛ naŋ nə yɔ ȧte nə təl ka ɔkas ka nu.

Yɔn 8:41

Naŋ nə yɔ mȧyɔs ma ɔkas ka nu. Kaŋ pa ro ŋɔŋ, A kom hɛ su rə kərəp, sə ba uKas ukin, Kurɔŋ kɔnɔŋ.

Yɔn 8:55

Ɔwa nia nə tɛ hɛ kɔ, kɛrɛ minɛ i tȧrȧ kɔ: ɔwa bepi i pa i tɛ hɛ kɔ-e, i ti yi uyem mɔ niaŋ: kɛrɛ i tȧrȧ kɔ, ɔwa i wop ȧrim rɔŋ.

Mȧyɔs ma aŋsom 13:10

O munɔ, mə la ɛyaŋfa bɛ yi mələs bɛ, munɔ ɔwan ka Sethani, utheranɛ ka məlompi bɛ, mə tey hɛ kəlafthi lȧfthi asoŋ təlompi ta ɔMariki-i?

Mȧyɔs ma aŋsom 24:9

Ɔwa aŋYuda sɔ aŋ kasa ka kagbanthir kɔŋ, aŋ kȧl pa ya mȧtȧy ame mə yi.

Mȧyɔs ma aŋsom 5:3

Kɛrɛ Pitaŋ ɔ pa, Ananayas, to som Sethani ɔ lasər ȧŋmerȧ a mu kȧmȧ mə yemsa ɔYina məsəm, kəpa mə bɛnɛ ȧgbȧp ŋin ka amɔlɔ ma aŋkai-e?

2 AŋKɔrenth 11:3

Kɛrɛ i soli ta thani mɔ mə ȧŋbok ɔ tɔns Ma Hawa ka masɔth mɔŋ-e, yaŋ sɔ ɛmerȧ ɛ nu ɛ tə yɛthȧ kəwur ka ɔfɔy tȧy dɛ yi ɔfethər ɔwe yi ka Kraystȧŋ.

1 Pitar 5:8

Yi nu na agbɛt, na abumnɛ; kotȧy-e ɔtheranɛ ka nu, Sethani, ɔ yanthənɛ mɔ ȧsoyla ubaŋ, kȧmȧ ɔ thɛns ɔwe mɔ gbȧri gbȧri.

2 Pitar 2:4

kotȧy-e bepi Kuru ɔ ter hɛ aŋmȧleka maŋ po yɔ ahakɛ-e, kɛrɛ ɔ fitha ŋa ro yahanama, tə kətand ŋa ka tɔrɛntha ka asum, kȧmȧ a bɛnɛ ŋa haŋ ka ȧŋlɔkɔ ŋa karɔk ɛpa.

1 Yɔn 1:8

Bepi sə pa sə ba hɛ ahakɛ, sə pəŋəsnɛ, ɔwa tȧteŋ tə yi hɛ ro su.

1 Yɔn 2:21

I gbalər hɛ nu ta ma nə te tȧrȧ tȧteŋ, kɛrɛ pəkasifɛ nə tȧrȧ ti, ɔwa nə tȧrȧ kəpa rəyem o rəyem rə wur hɛ ka tȧteŋ.

1 Yɔn 2:4

Ɔwe mə pa, i tȧrȧ kɔ, kɛrɛ ɔ wop hɛ ɛyamari yɔŋ, uyem wɔŋ, ɔwa ɔ ba hɛ tȧteŋ.

1 Yɔn 3:12

Pə yi hɛ mɔ Ken, ɔwe yi ka Sethani, ɔwa ɔ dif ɔwɔnt kɔŋ. Ɔwa to pə som ɔ dif kɔ-e? Pəkasifɛ mȧyɔs mɔŋ mə yi mələs, ɔwa ama ɔwɔnt kɔŋ mə yi məlompi.

1 Yɔn 3:15

Wuni o wuni ɔwe mə gbɛŋa ɔwɔnt kɔŋ udif wɔŋ: ɔwa nə tȧrȧ kəpa udif o udif ɔ ba hɛ aŋesəm thəbana.

Yud 1:6

Ɔwa aŋmȧleka aŋa te bɛnɛ mayi maŋ thəpaŋ, kɛrɛ aŋ tey mayira maŋ məlompi, ɔ bɛnɛ ŋa rə tɔrɛntha ka ȧŋsum abana haŋ ka kathoŋkas ka ȧŋrey abana.

Kȧŋȧibinɛ 12:9

Ka a wurɔ ȧŋninkinanka ubana, pə yi mɔ ȧŋbok ukur ɔwe a tela ɔkərəfi dɛ yi Sethani, ɔwe tɔns ȧdȧru bɛ. Ka a fitha kɔ ka ȧdȧru dɛ yi aŋmȧleka ŋɔŋ sɔ.

Kȧŋȧibinɛ 13:14

kɔ pəŋis aŋfəm ka ȧdȧru kətȧŋȧnɛ ka mȧtȧy məkabanɛ ama ɔ ba afɔsɔ tə kəyɔ ka kȧbəprȧnɛ ka ɔsɛm; kɔ kanɛ aŋfəm ka ȧdȧru tə kəbɛmpa arɔŋ ka mȧbȧlȧnɛ ma ɔsɛm utuy tȧy ɔwe a la yɔ ɔbaŋ rɛ aŋgbathɔ, kɛrɛ ɔ yi ukəli halisa.

Kȧŋȧibinɛ 2:10

Te nesa tȧy o tȧy ȧtȧ mȧ mə ba kənakasi. Sethani ɔ tə fak alɔm kətɔŋ ka mu ka ȧŋseth ȧtərənkȧ kȧmȧ a mɛm mu, ɔwa mə tə sompanɛ mərey tɔfɔt. Ta mə yi ubɔthi lanɛ haŋ ka rȧfi, ɔwa minɛ i ti sɔŋ mu ȧniyɔ ŋa aŋesəm.

Kȧŋȧibinɛ 21:8

Kɛrɛ ŋaŋ aŋa ba rənes yi ante lanɛ, dɛ yi aŋləs-e, yi ŋaŋ aŋa dif kəsias-e, yi aŋfəm arəpi, dɛ yi anthupəs-e, yi ŋaŋ aŋa ramnɛ ɛyɛt ɛbumərnɛ, dɛ yi afəm ayem bɛ-e, aŋ tə ba ɛgbap yaŋ ka ȧŋbonka ŋa nȧnt dɛ yi salfər. Rafi ara bekȧ mȧrəŋ, riyȧŋ.

Kȧŋȧibinɛ 22:15

Ȧtesoma-e, maȧən-o, aŋmɛn-o, aŋfəm arəpi-o, aŋfəm adif-o, ŋaŋ aŋa ramnɛ ɛyɛt ɛbumərnɛ-o, dɛ yi wuni o wuni ɔwe bɔthər rəyem-o, ama ɔwe fɔf rəyem, ŋa bɛ aŋ yi rokaŋ ka kȧpet.

Kȧŋȧibinɛ 9:11

Ɛlama aŋe aŋ ba ubȧy ɔwe yi mɔ-e ɔmaleka ka ȧŋbi aŋa te ba ɔthalnɛ, ɔwa ȧŋes ŋɔŋ ka kəHibru aŋ yi Abadɔn, kɛrɛ ka kəKrik a tela kɔ Apɔliyɔn.