Yɔn 8:42 - Ȧŋlemrȧnɛ Ȧfu

⁴² Yisɔsȧŋ ɔ pa ro ŋaŋ, Bepi Kurɔŋ ɔ yi ɔKas ka nu-e, nə tə bɔthər mi: ȧtesoma-e, i wur kəwur ka Kuru; i der hɛ ka ȧŋmerȧ a mi gbeŋ, kɛrɛ kɔnɔ som mi.

Yɔn 8:42 ပူးပေါင်းရင်းမြစ်များ

Yɔn 1:14

Ka Ȧrim rə səkɛ wuni, kɔ yirȧ kətɔŋ kȧsu, ɔwa sə kəli aŋyiki ŋɔŋ, aŋ yi mɔ aŋyiki ŋa ɔWan son ka ɔKas, ɔ la aboŋa yi tȧteŋ.

Yɔn 12:49

Ȧtesoma-e, i fɔf hɛ kəwur ka ȧŋmerȧ a mi; kɛrɛ ɔKas ɔwe som mi, ɔ po yamari mi ȧte mə i pa, yi ȧte mə i fɔf.

Yɔn 13:3

Ka Yisɔsȧŋ ma ɔ tȧrȧ kəpa ɔKas ɔ po sɔŋ mȧtȧy bɛ ka mȧta mɔŋ, ɔwa ɔ wur ka Kuru, ɔwa ɔ tə kȧl ka Kuru;

Yɔn 14:10

Mə lanɛ hɛ kəpa minɛ yi rokor ka ɔKas-i, ɔwa ɔKas ɔ yi rokor ka mi-i? Ȧsim ȧte i kanɛ nu, i fɔf hɛ ti ka ȧŋmerȧ a mi, kɛrɛ ɔKas ɔwe yi yi minɛŋ, kɔnɔ mə yɔ mȧyɔs mɔŋ.

Yɔn 16:30

Ka-ake sə tȧrȧ kəpa mə tȧrȧ mȧtȧy bɛ, tə ba hɛ mu tȧy kȧmȧ wuni kəpet ɔ yifəth mu: ka ȧte sə lanɛ kəpa mə wur ka Kuru.

Yɔn 17:25

O, Pa ulompi, ȧdȧru rə tɛ hɛ mu, kɛrɛ i po tȧrȧ mu, ɔwa aŋe aŋ tȧrȧ kəpa munɔ som mi.

Yɔn 17:8

ȧtesoma-e, i po sɔŋ ŋa ȧsim ȧte mə po sɔŋ mi; ɔwa aŋ malanɛ ti, ɔwa aŋ tȧrȧ tȧteŋ kəpa i wur ro mu, ɔwa aŋ lanɛ kəpa munɔ som mi.

Yɔn 3:17

kotȧy-e Kuru ɔ som hɛ ɔWan kɔŋ ka ȧdȧru tə kəthoŋkas ȧdȧru, ɔ som kɔ tə kəkisis ȧdȧru.

Yɔn 5:23

kȧmȧ afəm bɛ aŋ yikis ɔWan mɔ mə aŋ yikis ɔKas. Kɔnɔ ɔwe mə te yikis ɔWan, ɔ yikis hɛ ɔKas ɔwe som kɔ.

Yɔn 5:43

I der ka ȧŋes ŋa ɔKas kȧmi, kɛrɛ nə malanɛ hɛ mi; bepi wuni lɔm ɔ der ka ȧŋes ŋa kɔn kɔnɔnɛ, nə tə malanɛ kɔ.

Yɔn 8:14

Yisɔs ɔ wosa ɔ pa, Hali i gbakiɛnɛ, aŋgbaki a mi aŋ yi tȧteŋ: ȧtesoma-e, i tȧrȧ ro i wur, ɔwa i tȧrȧ ro mə i kɔ-e; kɛrɛ naŋ nə tɛ hɛ ro i wur, thalɔm ro mə i kɔ-e.

1 AŋKɔrenth 16:22

Bepi wuni o wuni ɔ bɔthər hɛ ɔMarki Yisɔs Kraystȧŋ, ta ɔ yi uraŋka. Kaŋka ɔMarki kȧsu ɔ der.

AŋKȧletia 4:4

kɛrɛ ma ɔlasər wa ȧŋlɔkɔ aŋ poŋ bek-e, Kuru ɔ som ɔWan kɔŋ ɔwe wuni bom ɔ kom-e, ɔwa a kȧl kom kɔ ka ȧŋthɔ ratha-e,

1 Yɔn 4:14

Ɔwa saŋ sə po nənk ka sə seri ti kəpa ɔKas ɔ po somra ɔWan tə kəyi ɔKisis ka ȧdȧru.

1 Yɔn 5:20

Ɔwa sə tȧrȧ kəpa ɔWan ka Kuru ɔ po der, kɔ po sɔŋ su kəsɔthnɛ, kȧmȧ sə gbəli tȧrȧ kɔ ɔwe yi təteŋ, ɔwa saŋ sə yi ka kɔn ɔwe yi təteŋ, hali ka ɔWan kɔŋ Yisɔs Kraystȧŋ. Kɔnɔ yi ɔKuru utəteŋ, yi aŋesəm thəbana.

Kȧŋȧibinɛ 22:1

Kɔ tɔri mi kȧbȧŋ ka ȧmȧnt ma aŋesəm, mətempi yereŋ, mə wur ka kawaŋ ka rȧbȧy ra Kuru yi ka kaLɔmɛ kəfɛth;