Yɔn 8:36 - Ȧŋlemrȧnɛ Ȧfu

³⁶ Tiyȧŋ bepi ɔWan ɔ səki nu awuth akom-e, nə tə yi awuth akom tɛntɛnɛ.

Yɔn 8:36 ပူးပေါင်းရင်းမြစ်များ

Luk 4:18

ƆYina ka ɔMarki ɔ rensa mi, Pəkasifɛ ɔ po səməs mi tə kətɔri ȧkɛra kəfinɔ ka Kuru ka ȧŋmɔnɛ. Ɔ som mi tə kətaməs kasəli ka atɛndɛbira, Yi kakal kəli ka aŋfith, Tə kəsɔŋ rȧwankom ka aŋa a thiŋkər rə afɔsɔ rəkɔm.

AŋRomans 8:2

Ȧtesoma-e ȧŋthɔ ŋa ɔYina məsəm ka aŋesəm rokor ka Yisɔs Krayst aŋ po səli mi kəwur ka ȧŋthɔ ŋa ahakɛ yi rȧfi.

1 AŋKɔrenth 7:22

Ȧtesoma-e bepi ɔMarki ɔ la tela wuni ɔwe la yi utar-e, ɔwuni kati ɔ yi uwankom ka ɔMarki. Ya pə yi sɔ ɔwe a la tela ma ɔ yi uwankom-e, ɔ yi tɛn utar ka Krayst.

2 AŋKɔrenth 3:17

Ɔwa ɔMarki kɔnɔ yi ɔYina; ɔwa ro ɔYina ka ɔMarki ɔ yi, di rəwaŋkom rə yi.

AŋKȧletia 5:1

Təmȧ nu kəŋkəŋ ka rȧwankom rəfinɔ ara Krayst ɔ sɔŋ su; te sɔ sɔndnɛ ka kȧronke ka rȧtar.