Yɔn 8:23 - Ȧŋlemrȧnɛ Ȧfu

²³ Ɔ pa ro ŋaŋ, Nia nə wur roratha, minɛŋ i wur rokɔm: nia nə yi ka ȧdȧru are; minɛŋ i yi hɛ ka ȧdȧru are.

Yɔn 8:23 ပူးပေါင်းရင်းမြစ်များ

Yɔn 1:14

Ka Ȧrim rə səkɛ wuni, kɔ yirȧ kətɔŋ kȧsu, ɔwa sə kəli aŋyiki ŋɔŋ, aŋ yi mɔ aŋyiki ŋa ɔWan son ka ɔKas, ɔ la aboŋa yi tȧteŋ.

Yɔn 17:14

I po sɔŋ ŋa ȧrim ra mu, ka ȧdȧru rə gbɛŋa ŋa, pəkasifɛ aŋ yi hɛ ta ȧdȧru, mɔ minɛ i te yi ta ȧdȧru.

Yɔn 17:16

Aŋ yi hɛ ta ȧdȧru, mɔ minɛŋ i te yi ta ȧdȧru.

Yɔn 3:13

Wuni o wuni ɔ tha ŋat hɛ ro riyana, thambe kɔn ɔwe thor kəwur ro riyana, kɔnɔ yi ɔWan ka wuni ɔwe yi ro riyana.

Yɔn 3:31

Kɔnɔ ɔwe wur rokɔm ɔ yi rokɔm ka bɛ: kɔnɔ ɔwe yi ka ȧdȧru ɔ yi ka ȧdȧru, ɔwa ɔ fɔf ka ȧdȧru: kɔnɔ ɔwe wur ro riyana ɔ yi rokɔm ka bɛ.

Yeməs 4:4

Na afəm arəpi nə tȧrȧ hɛ kəpa mamanɛ ma ȧdȧru mə yi kəgbɛŋȧ Kuru-i? Tiyȧŋ wuni o wuni ɔwe yema yi uyathki ka ȧdȧru ɔ səkɛ utheranɛ ka Kuru.