Yɔn 8:19 - Ȧŋlemrȧnɛ Ȧfu

¹⁹ kaŋ pa ro ŋɔŋ, Reke ɔKas ka mu ɔ yi-e? Yisɔsȧŋ ɔ wosa, Naŋ nə tɛ hɛ mi, nə tɛ hɛ ɔKas kȧmi: bepi nə tȧrȧ mi naŋ-e, nə tə tȧrȧ sɔ ɔKas kȧmi.

Yɔn 8:19 ပူးပေါင်းရင်းမြစ်များ

Mathiu 11:25

Ka ȧŋlɔkɔ ŋati Yisɔsȧŋ ɔ pa, I mɔmɔ mu, ɔKas ɔMarki ka ro riyana yi ȧdȧru, pǝkasifɛ mǝ po maŋk mȧtȧy ame ka aŋtempi yi aŋtara tȧy, ɔwa mǝ ŋaibi ma ka tǝlɛnth.

Yɔn 1:10

Ɔ yi ka ȧdȧru, ɔwa kɔnɔ bɛmpa ȧdȧru, kɛrɛ ȧdȧru rə tɛ hɛ kɔ.

Yɔn 1:18

Wuni kəpet ɔ tha nənk hɛ Kuru hali; ɔWan gbo son, ɔwe yi ka aŋkəpət ŋa ɔKas, kɔnɔ ɔ po ŋaibi kɔ.

Yɔn 15:21

Kɛrɛ mȧtȧy ame bɛ aŋ tə yɔ nu salata ȧŋes a mi, pəkasifɛ aŋ tɛ hɛ ɔwe som mi.

Yɔn 16:3

Mȧtȧy ame aŋ tə yɔ nu, pəkasifɛ aŋ tɛ hɛ ɔKas, thalɔm minɛŋ.

Yɔn 17:3

Ɔwa aŋesəm thəbana ŋi aŋe kȧmȧ aŋ tȧrȧ mu ɔKuru utəteŋ son, yi Yisɔs Krayst ɔwe mə po som.

Yɔn 7:28

Tiyȧŋ ma Yisɔsȧŋ ɔ thəksa ka ȧŋseth ŋa Kuru ɔ ŋata ȧrim rɔŋ, ɔ pa, Nə tȧrȧ mi, nə tȧrȧ sɔ ro i wur: ɔwa i der hɛ ka aŋfɔsɔ a mi, kɛrɛ kɔnɔ ɔwe som mi-e ɔ yi tȧteŋ, ɔwe nə te tȧrȧ.

1 AŋKɔrenth 15:34

Thəmɛ nu ka mȧlompi, ɔwa te yɔ ahakɛ. Kotȧy-e alɔm aŋ tɛ hɛ Kurɔŋ bɛ. I fɔf ȧte tə kəlapəs nu.

AŋKȧletia 4:9

kɛrɛ ka-ake ma nə po der kətara Kuru-e, (thalɔm pə tha gbethi Kuru ɔ tȧrȧ nu-e), to pə som nə kȧl fəlɛ ka matanɛ mərant məyai mɔlɔ ma nə fela sɔ kəsəkɛ atar ŋa matanɛ mati-e?

AŋƐfisɔs 1:17

kȧmȧ ɔKuru ka ɔMarki kȧsu Yisɔs Krayst ɔKas ka ayiki ɔ sɔŋ nu ȧŋmerȧ ŋa kətemp yi kəŋaybi tȧy tə kətara kɔ.

AŋKɔlɔsi 1:10

Kama nə kɔth ɔbeki ka ɔMarki yi kəbɔnɛs tȧy bɛ, dɛ yi kȧmȧ nə wurɔ məkomi rə məyɔs o məyɔs məfinɔ, kȧmȧ nə bȧrnɛ sɔ-e ka kȧtȧrȧ ka Kuru.

AŋKɔlɔsi 1:15

ɔwe yi mȧbȧlȧnɛ ma Kuru ɔwe sə te tha nəŋka rəfɔr, ɔWan utɔtɔkɔ ka ɛyɛt ɛtəpi bɛ.

AŋHibru 1:3

ɔWan ɔwe kɔnɔ yi ɔgbɛntha wa aŋyiki ŋa Kuru-e, dɛ yi mȧbȧlȧnɛ gbeŋ ma rawuni ra Kuru rɔŋ, ɔwa kɔnɔ mə bȧksər tȧy o tȧy ka ȧrim ra aŋfɔsɔ ŋɔŋ. ƆWan ɔwe, ma ɔ po fethər su kəwur ka ɛhakɛ ɛ su-e, ɔ yirȧ ka kȧta kədiɔ ka aŋyiki ŋa Kuru rokɔm.

1 Yɔn 2:23

Wuni o wuni ɔwe mə pɛnsa ɔWan ɔ ba hɛ ɔKas; kɛrɛ ɔwe mə gbithanɛ ɔWan ɔ ba sɔ ɔKas.

1 Yɔn 5:20

Ɔwa sə tȧrȧ kəpa ɔWan ka Kuru ɔ po der, kɔ po sɔŋ su kəsɔthnɛ, kȧmȧ sə gbəli tȧrȧ kɔ ɔwe yi təteŋ, ɔwa saŋ sə yi ka kɔn ɔwe yi təteŋ, hali ka ɔWan kɔŋ Yisɔs Kraystȧŋ. Kɔnɔ yi ɔKuru utəteŋ, yi aŋesəm thəbana.

2 Yɔn 1:9

Wuni o wuni ɔwe mə təmȧ kəri, ɔwa ɔ bȧkər hɛ ka mathəksa ma Kraist-e ɔ ba hɛ Kuru. Kɛrɛ kɔn ɔwe bȧkər ka mathəksa ma Krayst, ɔkati ɔ ba ɔKas yi ɔWan sɔ.