Yɔn 8:12 - Ȧŋlemrȧnɛ Ȧfu

¹² Ɔwa Yisɔsȧŋ ɔ kȧl fɔfȧnɛ aŋfəm, ɔ pa, Minɛ yi ȧŋmothȧ ŋa ȧdȧru; wuni ɔwe mə tȧŋ mi-e ɔ ba hɛ kəkɔth ka ȧŋsum, kɛrɛ ɔ tə ba ȧŋmothȧ ŋa aŋesəm.

Yɔn 8:12 ပူးပေါင်းရင်းမြစ်များ

Mathiu 5:14

Naŋ nǝ yi ȧŋmothȧ ŋa ȧdȧru. Kȧpet ȧke yi ka kǝteŋ rokɔm-e kǝ gbǝli hɛ maŋknɛ.

Luk 2:32

Amotha tə kəmotha tȧbona təlɔm Yi aŋyiki ŋa aŋfəm a mu Isrɛl.

Yɔn 12:35

Yisɔsȧŋ ɔ pa ro ŋaŋ, Alɔkɔ agbut gbo thɔŋ ta ȧŋmothȧ kəyi ro nu. Kɔth nu ka ȧŋlɔkɔ nə ba ȧŋmothȧ, kȧmȧ ȧŋsum aŋ te nu wop: kotȧy-e ɔwe mə kɔth ka ȧŋsum-e, ɔ tɛ hɛ ro mɔ kɔ-e.

Yɔn 12:36

Ma nə ba ras ȧŋmothȧ-e, lanɛ nu ȧŋmothȧ kȧmȧ nə yi awuth ŋa ȧŋmothȧ. Ma Yisɔsȧŋ ɔ pa ȧte, ɔ kɔnɛ, ɔ maŋknɛ ŋa.

Yɔn 12:46

I der mɔ amotha ka ȧdȧru, kȧmȧ wuni o wuni ɔwe mə lanɛ mi-e, ɔ ba hɛ tə kətia ka ȧŋsum.

Yɔn 14:6

Yisɔsȧŋ ɔ pa ro ŋɔŋ, Minɛŋ yi aroŋ, yi tȧteŋ, yi aŋesəm: wuni o wuni ɔ gbəli hɛ der ka ɔKas thambe ɔ tȧŋ ka kȧta kȧmi.

Yɔn 3:19

Ɔwa matheri mi ame, kəpa amotha aŋ der ka ȧdȧru, kɛrɛ afəm aŋ bɔthər asum pəthasi amotha, ȧtesoma-e mȧyɔs maŋ mə yi mələs.

Yɔn 7:17

Bepi wuni o wuni ɔ selɔ tə kəyɔ mȧselɔ mɔŋ-e, ɔ tə tȧrȧ ta kathəksa, bepi kə wur ka Kuru, thalɔm bepi i fɔf kəwur ka ȧŋmerȧ a mi son.

Yɔn 9:5

Ma i yi nɔru, minɛ yi ȧŋmothȧ ŋa ȧdȧru.

Mȧyɔs ma aŋsom 13:47

kotȧy-e ya ɔMarki ɔ yamari su, ɔ pa, I po təmər mu tə kəyi amotha ta tȧbona təlɔm, Kama mə yi ta kakisi haŋ ka ɔthalnɛ wa ȧdȧru.

Mȧyɔs ma aŋsom 26:23

kəpa Kraystȧŋ ɔ ba kənȧkȧsi, ɔwa kəpa kɔnɔ ɔ yi ɔtɔtɔkɔ tə kətaməs kawalɛ ka aŋfəm yi ka tȧbona təlɔm kətȧŋȧnɛ ka kȧyokanɛ ka aŋfi.

2 Pitar 2:17

Aŋfəm aŋe ŋa yi tələmp təwosi gbet, ȧkuru kȧbi ȧke akənkəl kə falira; ta aŋfəm aŋe a bɛnɛ ȧŋsum abana thȧnkȧŋ thəbana.

2 Pitar 2:4

kotȧy-e bepi Kuru ɔ ter hɛ aŋmȧleka maŋ po yɔ ahakɛ-e, kɛrɛ ɔ fitha ŋa ro yahanama, tə kətand ŋa ka tɔrɛntha ka asum, kȧmȧ a bɛnɛ ŋa haŋ ka ȧŋlɔkɔ ŋa karɔk ɛpa.

1 Yɔn 1:6

Bepi sə pa sə ba məmanɛ yi kɔnɔ, kɛrɛ sə kɔth ka asum, sə yema, ɔwa sə yɔ hɛ tȧteŋ;

Yud 1:13

Aŋ yi mɔ ɛmunkəl ɛbaŋ ya ro baŋ, ɛ wurɔ kafoth ka mȧlap maŋ: aŋ yi mɔ atɔs təkɔthnɛ, ta aŋa a bɛnɛ rabi ra ȧŋsum thȧnkȧŋ thəbana.

Yud 1:6

Ɔwa aŋmȧleka aŋa te bɛnɛ mayi maŋ thəpaŋ, kɛrɛ aŋ tey mayira maŋ məlompi, ɔ bɛnɛ ŋa rə tɔrɛntha ka ȧŋsum abana haŋ ka kathoŋkas ka ȧŋrey abana.

Kȧŋȧibinɛ 21:24

Ɔwa tȧbona ta aŋkisi tə kɔth ka kawalɛ kati; ka aŋbȧy ŋa ȧdȧru aŋ kȧrȧ ri ɛyiki yaŋ, dɛ yi ɛkori kori yaŋ.