Yɔn 7:27 - Ȧŋlemrȧnɛ Ȧfu

²⁷ Kɛrɛ ɔwuni ɔwe sə tȧrȧ ro ɔ wur; kɛrɛ bepi ɔKrayst ɔ der, wuni o wuni ɔ gbəli hɛ tȧrȧ ro mɔ wur.

Yɔn 7:27 ပူးပေါင်းရင်းမြစ်များ

Mark 6:3

Ɔkamdɛr thahɔ ɔwe-i? Ɔwan uruni ka Meri, ɔwɔnt uruni ka Yeməs, Yoses, Yuda yi Saymɔnȧŋ-i? Ɔwa aŋwɔnt ŋɔŋ abɛra aŋ yi hɛ sɔ nɔ yi saŋ-i? kaŋ ba məbaŋ ta atɔŋ

Luk 4:22

Ɔwa aŋfəm bɛ aŋa bəpər-e, aŋ fɔf finɔ ta atɔŋ, ɔwa aŋ kabanɛ ta ȧsim təfinɔ ȧte wur ka kȧsəŋ kɔŋ; aŋ yif, Ɔwan uruni ka Yosɛf kɔn thahɔ ɔwe-i?

Yɔn 6:42

kaŋ pa, Yisɔsȧŋ kɔn tha ɔwe, ɔwan ka Yosɛf-əŋ, ɔkas kɔŋ yi ɔkara kɔŋ sə tara-e, to som mɔ pa ka-ake, Minɛŋ i wur ro riana-e?

Yɔn 7:15

Ka aŋYuda aŋ kabanɛ, aŋ pa, To ɔwuni ɔwe ɔ sɔthɔ kətara, kədarəŋ kɔ kɔ hɛ rə kəkaraŋ-e?

Yɔn 9:29

Sə tȧrȧ kəpa Kurɔŋ ɔ fɔfȧnɛ Mosisȧŋ, kɛrɛ ta ɔwuni ɔwe, sə tɛ hɛ ro ɔ wur.

Mȧyɔs ma aŋsom 8:33

Ka kathoranɛ kɔŋ a nɔy kɔ mamari mɔŋ; Kanɛ mə tɔri ta rȧkomra rɔŋ-e? kotȧy-e a nɔy aŋesəm ŋɔŋ ka ȧdȧru.