Yɔn 7:17 - Ȧŋlemrȧnɛ Ȧfu

¹⁷ Bepi wuni o wuni ɔ selɔ tə kəyɔ mȧselɔ mɔŋ-e, ɔ tə tȧrȧ ta kathəksa, bepi kə wur ka Kuru, thalɔm bepi i fɔf kəwur ka ȧŋmerȧ a mi son.

Yɔn 7:17 ပူးပေါင်းရင်းမြစ်များ

Mathiu 6:22

ȧŋmothȧ ŋa aŋdɛr aŋ yi rafɔr. Tiyȧŋ bepi rafɔr ra mu rǝ yi rǝtempi-e, rǝ tǝ mothǝr aŋdɛr a mu bɛ.

Luk 8:15

Kɛrɛ ama ka ȧŋthɔf afinɔ-e, mə yi ŋaŋ aŋa po təl ȧrim, ɔwa maŋ təl-e, aŋ wop ri ɔbaksər ka tȧteŋ dɛ yi ka ȧmerȧ ȧferȧ, kaŋ kom məkomi rə kəmuyu.

Yɔn 3:21

Kɛrɛ ɔwe mə yɔ tȧteŋ ɔ der ka ȧŋmothȧ, kȧmȧ mȧyɔs mɔŋ mə tɔrinɛ kəpa, ɔ yɔ ma ka aŋfɔsɔ ŋa Kuru.

Yɔn 8:43

To som nə te tȧrȧ kafɔf ka mi-e? Hali ma nə te gbəli wop ȧrim ra mi.

Yɔn 8:44

Nia nə yi ka ɔkas ka nu Sethani, ɔwa ɛfela ya ɔkas ka nu yɛ nə yema yɔ. Ɔ yi udif kȧbi ka katəp, ɔ təmȧ hɛ ka tȧteŋ, pəkasifɛ tȧteŋ tə yi hɛ ro ŋɔŋ. Ma ɔ fɔf rəyem-e, ɔ fɔf ta atɔŋ: ȧtesoma-e uyem wɔŋ, yi ɔkas kati.

Yɔn 8:47

Wuni ɔwe yi ka Kuru ɔ təl ȧsim ta Kuru: tesom nə təl hɛ ti, pəkasifɛ nə yi hɛ ka Kuru.

Mȧyɔs ma aŋsom 17:11

Ɔwa aŋe aŋ yi afəm atal pəthasi ŋaŋ aŋa yi ro Thɛsalonika, kotȧy-e aŋ malanɛ ȧrim yi ɛmerȧ ɛselɔ, aŋ gbɛŋgbɛŋ mȧgbal ma Kuru ȧrey o rey, kȧmȧ aŋ tȧrȧ bepi mȧtȧy ame mə yi tȧteŋ.