Yɔn 7:13 - Ȧŋlemrȧnɛ Ȧfu

¹³ Kɛrɛ aŋfəm aŋ fɔf hɛ gbafəth ta atɔŋ ta rənes ra aŋYuda-e.

Yɔn 7:13 ပူးပေါင်းရင်းမြစ်များ

Yɔn 19:38

Kədarəŋ ka mȧtȧy ame, Yosɛf-əŋ ɔwe ro Arimathia, ɔwe yi ukarande ka Yisɔs, kɛrɛ rə ɔmaŋknɛ, ta rənes ra aŋYuda, ɔ nɛmthɛnɛ Payletȧŋ kȧmȧ ɔ selɔ ɔ kera kabel ka Yisɔs; ɔwa Payletȧŋ ɔ malanɛ. Tiyȧŋ ɔ der, ɔ thora kabel kɔŋ.

Yɔn 20:19

Ɔwa ma rȧfɔy rə bek ka ȧŋrey ŋati, ȧŋrey ȧtɔtɔkɔ ŋa aŋyik-e, aŋkarande aŋ po tȧŋ tadare ro aŋ yi ta ranes ra aŋYuda. Ka Yisɔsȧŋ ɔ der ɔ təmȧ kətɔŋ ka ŋaŋ, ɔ pa ro ŋaŋ, Ta məthɔfəl mə yi ro nu.

Yɔn 3:2

Ɔwe ɔ der ka Yisɔs tȧtȧk, ɔ pa ro ŋɔŋ, Karmɔkɔ, sə tȧrȧ kəpa mə yi ukarmɔkɔ kəwur ka Kuru: ȧtesoma-e wuni o wuni ɔ gbəli hɛ yɔ ɛmisali ɛyɛ munɔ mə yɔ-e, thambe Kurɔŋ ɔ yi yi kɔn.

Yɔn 7:1

Kədarəŋ ka mȧtȧy ame-e, Yisɔsȧŋ ɔ kɔth kɔth ro Kalili; ȧtesoma-e ɔ yema hɛ kɔth kɔth ro Yudia, pəkasifɛ aŋYuda aŋ thɛns tə kədif kɔ.

Yɔn 7:11

Ka aŋYuda aŋ thɛns kɔ ka amet, aŋ pa, Kɔn-a?

Yɔn 7:15

Ka aŋYuda aŋ kabanɛ, aŋ pa, To ɔwuni ɔwe ɔ sɔthɔ kətara, kədarəŋ kɔ kɔ hɛ rə kəkaraŋ-e?

Yɔn 9:22

Aŋ wosa yaŋ-e, pəkasifɛ aŋ nesa aŋYuda: kotȧy-e aŋYuda aŋ po lemranɛ kəpa, bepi wuni o wuni ɔ gbithanɛ kəpa Yisɔsȧŋ ɔ yi ɔKraist-e aŋ tə wurɔ kɔ ka ȧŋseth agbanɛ.

Yɔn 9:34

Aŋ pa ro ŋɔŋ, Munɔŋ gbeŋ a kom mu ka ɛhakɛ, ɔwa mə yema thəksa su-i? kaŋ wurɔ kɔ.

Kȧŋȧibinɛ 2:13

I tȧrȧ ro mə yirȧ, hali ro kawaŋ ka rȧbȧy ra Sethani kə yi. Ɔwa mə wop ȧŋes a mi gbaŋ-e, mə pɛnsa hɛ kȧlanɛ ka mu do rɔmi, hali ka marey ma Antipas, ɔseri kȧmi ubɔthi lanɛ, ɔwe aŋ dif kətɔŋ ka mu, ro Sethani ɔ yirȧ.